శుభకార్యాలు, పండగలు, వ్రతాలు లాంటి వాటి విషయానికి వస్తే భారతీయులు సంప్రదాయ కాలగణన సాధనం పంచాంగాన్నే పరిగణనలోకి తీసుకుంటారు. తిథి, వారం, నక్షత్రం, కరణం, యోగం.. ఈ ఐదింటి కలయికే పంచాంగం. ఇది దుర్ముహూర్తాలు, శుభముహూర్తాలు, వర్జ్యాలు, రాహుకాలం, సూర్యోదయం లాంటి విషయాల గురించి తెలియజేస్తుంది. తెలుగువారు చంద్రమానాన్ని అనుసరించి పంచాంగం రూపొందించారు. ఛైత్రంతో ప్రారంభమయ్యే తెలుగు సంవత్సరాది ఫాల్గుణంతో ముగుస్తుంది.

ఇక తెలుగు రాష్ట్రాల్లో పలువురు పండితుల పంచాంగాలు మార్కెట్‌లో లభించినా, ములుగు సిద్ధాంతిగారి పంచాంగానికి ఓ ప్రత్యేకత ఉంది. ములుగు రామలింగేశ్వర వరప్రసాద్ సిద్ధాంతిగారి పంచాంగంలో తిథి, వార, వర్జ్యాలు, శుభమూహూర్త, దుర్ముహూర్తాల గురించి సరైన సమాచారం ఉంటుంది. గ్రెగేరియన్ క్యాలెండర్‌తోపాటు చంద్రమానం అనుసరించి రోజువారీ, నెలవారీ, వార్షిక పంచాంగాన్ని రూపొందిస్తారు. సోమవారాన్ని ఇందువారం అనే పేరుతోనూ పిలుస్తారు. సాంప్రదాయంగా క్రైస్తవ, ఇస్లాం, హిబ్రూ కాలెండరులో ఈ దినాన్ని వారంలో రెండో రోజుగా పరిగణించబడుతుంది. అంతర్జాతీయ ప్రామాణిక కాలెండరు ఐఎస్ఓ 8601 వారంలో తొలి రోజుగా పరిగణింపబడుతున్నది. ములుగు వారి అక్టోబరు 8 సోమవారం పంచాంగం.