Mulugu Calendar September 2019: ములుగు సిద్ధాంతిగారి సెప్టెంబరు పంచాంగం- పండగలు, ప్రత్యేకతలు

భారతీయులు గ్రీకేరియన్ క్యాలెండర్‌ను అనుసరించినా శుభకార్యాలు, పండగలు, వ్రతాలు లాంటి వాటి విషయానికి వస్తే సంప్రదాయ కాలగణన సాధనాన్నే పరిగణనలోకి తీసుకుంటాం. దీన్నే ‘పంచాంగం’ అని అంటారు. తిథి, వారం, నక్షత్రం, కరణం, యోగం.. ఈ ఐదింటి కలయికే పంచాంగం.. పంచ అంగాల కలయిక కాబట్టి దీనిని పంచాంగం అన్నారు. దుర్ముహూర్తాలు, శుభముహూర్తాలు గురించి ఇది తెలియజేస్తుంది. పంచాంగం తయారికి లేదా కాలగణనకు అనేక పద్దతులు ఉన్నా ప్రస్తుతం మాత్రం రెండు విధానాలే అమల్లో ఉన్నాయి. అవి 'సూర్యమానం', 'చంద్రమానం'. చంద్రుని సంచరణతో అనుసంధానమైంది చాంద్రమాన పంచాగం, సూర్యుని సంచరణతో అనుసంధానమైంది సూర్యమాన పంచాంగం. తెలుగువారు చంద్రమానాన్నే అనుసరిస్తారు. కాబట్టి చంద్రమానం ప్రకారం తెలుగు సంవత్సరాది ఛైత్రంతో ప్రారంభమై, ఫాల్గుణంతో పూర్తవుతుంది. చంద్రుడు వివిధ నక్షత్రాల్లో సంచరించే స్థితిని బట్టి దీన్ని చాంద్రమానం అంటారు.

ఇక తెలుగు రాష్ట్రాల్లో వివిధ పండితుల పంచాంగాలు మార్కెట్‌లో లభించినా, ములుగు సిద్ధాంతిగారి పంచాంగానికి ఓ ప్రత్యేకత ఉంది. ములుగు రామలింగేశ్వర వరప్రసాదు సిద్ధాంతిగారి పంచాంగంలో తిథి, వార, వర్జ్యాలు, శుభమూహూర్త, దుర్ముహూర్తాల గురించి సరైన సమాచారం ఉంటుంది. గ్రెగేరియన్ క్యాలెండర్‌తోపాటు చంద్రమానాన్ని అనుసరించి రోజువారీ, నెలవారీ, వార్షిక పంచాంగాన్ని రూపొందిస్తారు. ములుగు సిద్ధాంతిగారి ఆగస్టు పంచాంగం ప్రకారం ఈ నెలలో పండుగలు, శుభకార్యాలు, తిథులు, దుర్ముహూర్తాలు, వర్జ్యాల గురించి పూర్తి సమాచారం ఉంటుంది. సెప్టెంబరు నెల భాద్రపద శుక్లపక్ష విదియ ఆదివారంతో ప్రారంభమై ఆశ్వయుజ శుక్లపక్ష విదియతో ముగుస్తుంది. తెలుగు నెలల క్రమంలో భాద్రపదం ఆరో మాసం.

శ్రావణం లాగే భాద్రపదం పండుగలు, వ్రతాలకు ఎంతో ప్రత్యేకమైంది. ఈ మాసంలోనే హిందువులకు ఎంతో విశిష్టమైన వినాయక చవితి పండుగ. భాద్రపద శుద్ధ చవితి రోజునే గణేషుడు జన్మించాడని కొందరు, గణాధిపత్యం సాధించడని ఇంకొందరు అంటారు. బలరామ జయంతి, వరాహ జయంతి, వినాయక చవితి, రుషి పంచమి, డాక్టర్ సర్వేపల్లి రాధాకృష్ణన్ జయంతి, ముస్లిం త్యాగాలకు ప్రతీకగా నిలిచే మొహర్రం, విశ్వకర్మ జయంతి, దేవీ నవరాత్రులు ప్రారంభమయ్యేది ఈ నెలలోనే. అలాగే శ్రీవారి సాలకట్ల బ్రహ్మోత్సవాలకు అంకురార్పణ కూడా సెప్టెంబరు 30న జరుగుతుంది.

Click Here: Mulugu September 2019 Calender