Today Panchangam 02 December 2022 నేడు శుక్రవారం, దశమి తిథి నాడు శుభ, అశుభ ముహుర్తాలెప్పుడో చూడండి...

today telugu panchangam హిందూ, వేద జ్యోతిష్యశాస్త్రం ప్రకారం పంచాంగానికి ఎంతో ప్రాధాన్యత ఉంది. అందుకే మన భారతీయులు శుభకార్యాలు, పండుగలు, కొత్త ఇంట్లోకి ప్రవేశించడం, కళ్యాణం ఇతర ఆచార వ్యవహారాల నిమిత్తం పంచాంగాన్ని పక్కాగా చూస్తారు. హిందూ మత విశ్వాసాల ప్రకారం, తిథి, వారం, నక్షత్రం, కరణం, యోగం ఈ ఐదింటిని కలిపి పంచాంగం అంటారు. ఈ పంచాంగం శుభ ముహుర్తాలు, అశుభ ముహుర్తాలు, దుర్ముహుర్తం, యమగండం, రాహూకాలం, సూర్యోదయం, సూర్యాస్తమయం వంటి ముఖ్యమైన విషయాల గురించి వివరిస్తుంది. పంచాగం లెక్కించడానికి అనేక పద్ధతులు అందుబాటులో ఉన్నప్పటికీ ఇప్పటికీ సూర్యమానం, చాంద్ర మానం విధానాలనే అనుసరిస్తున్నారు. సూర్యుడి సంచారంతో అనుసంధానమైనది సూర్యమాన పంచాంగం, అదే విధంగా చంద్రుని సంచారంతో అనుసంధానమైనది చంద్రుని పంచాంగం. మన తెలుగువారు ఎక్కువగా చంద్రమానాన్నే అనుసరిస్తూ ఉంటారు. అందుకే చాంద్రమానం ప్రకారం, తెలుగు నూతన సంవత్సరం ఛైత్ర మాసంతో ప్రారంభమవుతుంది. ఫాల్గుణ మాసంతో ముగుస్తుంది. చంద్రుడు వివిధ నక్షత్రాల్లో ప్రవేశించే స్థానాన్ని బట్టి చాంద్రమానం అంటారు. ఈ సందర్భంగా నేటి 02 డిసెంబర్(December) శుక్రవారానికి సంబంధించిన పూర్తి వివరాలను ఇప్పుడు తెలుసుకుందాం.

రాష్ట్రీయ మితి మార్గశిర 11, శాఖ సంవత్సరం 1944, మార్గశిర మాసం, శుక్ల పక్షం, దశమి తిథి, శుక్రవారం విక్రమ సంవత్సరం 2079, జమాది-ఉల్లావల్ 07, హిజ్రీ 1444(ముస్లిం), AD ప్రకారం, ఇంగ్లీష్ తేదీ 02 డిసెంబర్ 2022

సూర్యుడు దక్షిణయానం నుండి ఉత్తర ప్రదక్షిణ, హేమంత బుుతువు, రాహుకాలం ఉదయం 10:30 నుంచి 12 గంటల వరకు, దశమి తిథి మరుసటి రోజు ఉదయం 5:40 గంటల వరకు, ఆ తర్వాత ఏకాదశి తిథి ప్రారంభమవుతుంది. ఈరోజు ఉత్తరభాద్రపద నక్షత్రం మరుసటి రోజు 5:45 గంటల వరకు ఉంటుంది. ఆ తర్వాత రేవతీ నక్షత్రం ప్రారంభమవుతుంది. ఈరోజు చంద్రుడు మీనరాశిలో పగలు, రాత్రి సంచారం చేయనున్నాడు.

December 2022 Festivals and Vrats ఈ నెలలో వచ్చే ముఖ్యమైన పండుగల తేదీలు, వాటి ప్రాముఖ్యతలేంటో తెలుసుకోండి...

సూర్యోదయం సమయం 02 డిసెంబర్ 2022: ఉదయం 6:33 గంటలకు
సూర్యాస్తమయం సమయం 02 డిసెంబర్ 2022 : సాయంత్రం 5:35 గంటలకు

నేడు శుభ ముహుర్తాలివే..
అభిజీత్ ముహుర్తం : మధ్యాహ్నం 11:50 నుంచి 12:31 గంటల వరకు
విజయ ముహుర్తం : మధ్యాహ్నం 1:55 నుండి మధ్యాహ్నం 2:37 గంటల వరకు
నిశిత కాలం : అర్ధరాత్రి 11:44 నుండి మరుసటి రోజు 12:38 గంటల వరకు
సంధ్యా సమయం : సాయంత్రం 5:21 నుండి సాయంత్రం 5:48 గంటల వరకు
అమృత కాలం : అర్ధరాత్రి 12:57 నుంచి రాత్రి 2:33 గంటల వరకు
సర్వార్ద సిద్ధి యోగం : ఉదయం 6:57 నుంచి మరుసటి రోజు ఉదయం 5:45 గంటల వరకు

నేడు అశుభ ముహుర్తాలివే..
రాహూకాలం : ఉదయం 10:30 నుంచి ఉదయం 12 గంటల వరకు
గులిక్ కాలం : ఉదయం 7:30 నుండి ఉదయం 9 గంటల వరకు
యమగండం : మధ్యాహ్నం 3:30 నుంచి మధ్యాహ్నం 4:30 గంటల వరకు
దుర్ముహర్తం : ఉదయం 9:02 నుండి ఉదయం 9:44 గంటల వరకు, తిరిగి మధ్యాహ్నం 12:31 నుండి సాయంత్రం 1:13 గంటల వరకు

నేటి పరిహారం : ఈరోజు లక్ష్మీదేవికి ఎర్రని పువ్వులు, ఐదు కౌరీలు పసుపుతో చుట్టి పూజిస్తే శుభ ఫలితాలొస్తాయి.

- ఆచార్య కృష్ణ దత్త శర్మ

• Read Latest Religion News and Telugu News