Today Panchangam 08 October 2022 ఈరోజు శనివారం, చతుర్దశి తిథి నాడు శుభ, అశుభ ముహుర్తాలెప్పుడో చూడండి...

today telugu panchangam హిందూ మరియు వేద జ్యోతిష్యశాస్త్రం ప్రకారం పంచాంగానికి ఎంతో ప్రాధాన్యత ఉంది. అందుకే మన భారతీయులు శుభకార్యాలు, పండుగలు, కొత్త ఇంట్లోకి ప్రవేశించడం, కళ్యాణం ఇతర ఆచార వ్యవహారాల నిమిత్తం పంచాంగాన్ని పక్కాగా చూస్తారు. హిందూ మత విశ్వాసాల ప్రకారం, తిథి, వారం, నక్షత్రం, కరణం, యోగం ఈ ఐదింటిని కలిపి పంచాంగం అంటారు. ఈ పంచాంగం శుభ ముహుర్తాలు, అశుభ ముహుర్తాలు, దుర్ముహుర్తం, యమగండం, రాహూకాలం, సూర్యోదయం, సూర్యాస్తమయం వంటి ముఖ్యమైన విషయాల గురించి వివరిస్తుంది. పంచాగం లెక్కించడానికి అనేక పద్ధతులు అందుబాటులో ఉన్నప్పటికీ ఇప్పటికీ సూర్యమానం, చాంద్ర మానం విధానాలనే అనుసరిస్తున్నారు. సూర్యుడి సంచారంతో అనుసంధానమైనది సూర్యమాన పంచాంగం, అదే విధంగా చంద్రుని సంచారంతో అనుసంధానమైనది చంద్రుని పంచాంగం. మన తెలుగువారు ఎక్కువగా చంద్రమానాన్నే అనుసరిస్తూ ఉంటారు. అందుకే చాంద్రమానం ప్రకారం, తెలుగు నూతన సంవత్సరం ఛైత్ర మాసంతో ప్రారంభమవుతుంది. ఫాల్గుణ మాసంతో ముగుస్తుంది. చంద్రుడు వివిధ నక్షత్రాల్లో ప్రవేశించే స్థానాన్ని బట్టి చాంద్రమానం అంటారు. ఈ సందర్భంగా నేటి 08 అక్టోబర్(October) శనివారానికి సంబంధించిన పూర్తి వివరాలను ఇప్పుడు తెలుసుకుందాం.

రాష్ట్రీయ మితి అశ్విన్ 16, శాఖ సంవత్సరం 1944, అశ్వీయుజ మాసం, శుక్ల పక్షం, చతుర్దశి తిథి, శనివారం విక్రమ సంవత్సరం 2079. రవి-ఉలవల్ 11, హిజ్రీ 1444(ముస్లిం), AD ప్రకారం, ఇంగ్లీష్ తేదీ 08 అక్టోబర్ 2022

సూర్యుడు దక్షిణయానం నుండి ఉత్తర ప్రదక్షిణ, శరద్ బుుతువు, రాహుకాలం ఉదయం 9 నుండి ఉదయం 10:30 గంటల వరకు. చతుర్దశి తిథి తెల్లవారుజామున 3:42 గంటల వరకు, ఆ తర్వాత పౌర్ణమి తిథి ప్రారంభమవుతుంది. పూర్వభాద్రపద నక్షత్రం సాయంత్రం 5:08 గంటల వరకు ఉంటుంది. ఈరోజు దృవ యోగం రాత్రి 8:53 గంటల వరకు ఉంటుంది. చంద్రుడు కుంభ రాశి నుంచి మీన రాశిలోకి సంచారం చేయనున్నాడు.

Panchak 2022 రాబోయే 5 రోజులు పొరపాటున కూడా ఈ పనులు చేయొద్దు... ఎందుకంటే...

సూర్యోదయం సమయం 08 అక్టోబర్ 2022: ఉదయం 6:17 గంటలకు
సూర్యాస్తమయం సమయం 08 అక్టోబర్ 2022 : సాయంత్రం 5:59 గంటలకు

నేడు శుభ ముహుర్తాలివే..
అభిజిత్ ముహుర్తం : రాత్రి 11:45 నుండి 12:32 గంటల వరకు
విజయ ముహుర్తం : మధ్యాహ్నం 2:05 నుండి మధ్యాహ్నం 2:52 గంటల వరకు
నిశిత కాలం : అర్ధరాత్రి 11:44 నుండి మరుసటి రోజు 12:33 గంటల వరకు
సంధ్యా సమయం : సాయంత్రం 5:48 నుండి సాయంత్రం 6:12 గంటల వరకు
అమృత కాలం : ఉదయం 9:31 నుండి ఉదయం 11:02 గంటల వరకు
రవి యోగం : ఉదయం 6:18 నుండి సాయంత్రం 5:08 గంటల వరకు

నేడు అశుభ ముహుర్తాలివే..
రాహూకాలం : ఉదయం 9 నుండి ఉదయం 10:30 గంటల వరకు
గులిక్ కాలం : ఉదయం 6 నుండి ఉదయం 7:30 గంటల వరకు
యమగండం : మధ్యాహ్నం 1:30 నుండి మధ్యాహ్నం 3:30 గంటల వరకు
దుర్ముహర్తం : ఉదయం 6:18 నుండి ఉదయం 7:51 గంటల వరకు
భద్ర కాలం : తెల్లవారు జామున 3:41 నుండి ఉదయం 6:18 గంటల వరకు

నేటి పరిహారం : ఈరోజు రావి చెట్టుకు నీటిని సమర్పించి, శని దేవుని మంత్రాలను జపిస్తే శుభ ఫలితాలొస్తాయి.

- ఆచార్య కృష్ణ దత్త శర్మ

Read Latest Religion News and Telugu News