Today Panchangam 21 January 2023 శనీశ్చరి అమావాస్య తిథి నాడు శుభ, అశుభ ముహుర్తాలెప్పుడో చూడండి...

today telugu panchangam హిందూ, వేద జ్యోతిష్యశాస్త్రం ప్రకారం పంచాంగానికి ఎంతో ప్రాధాన్యత ఉంది. అందుకే మన భారతీయులు శుభకార్యాలు, పండుగలు, కొత్త ఇంట్లోకి ప్రవేశించడం, కళ్యాణం ఇతర ఆచార వ్యవహారాల నిమిత్తం పంచాంగాన్ని పక్కాగా చూస్తారు. హిందూ మత విశ్వాసాల ప్రకారం, తిథి, వారం, నక్షత్రం, కరణం, యోగం ఈ ఐదింటిని కలిపి పంచాంగం అంటారు. ఈ పంచాంగం శుభ ముహుర్తాలు, అశుభ ముహుర్తాలు, దుర్ముహుర్తం, యమగండం, రాహూకాలం, సూర్యోదయం, సూర్యాస్తమయం వంటి ముఖ్యమైన విషయాల గురించి వివరిస్తుంది. పంచాగం లెక్కించడానికి అనేక పద్ధతులు అందుబాటులో ఉన్నప్పటికీ ఇప్పటికీ సూర్యమానం, చాంద్ర మానం విధానాలనే అనుసరిస్తున్నారు. సూర్యుడి సంచారంతో అనుసంధానమైనది సూర్యమాన పంచాంగం, అదే విధంగా చంద్రుని సంచారంతో అనుసంధానమైనది చంద్రుని పంచాంగం. మన తెలుగువారు ఎక్కువగా చంద్రమానాన్నే అనుసరిస్తూ ఉంటారు. అందుకే చాంద్రమానం ప్రకారం, తెలుగు నూతన సంవత్సరం ఛైత్ర మాసంతో ప్రారంభమవుతుంది. ఫాల్గుణ మాసంతో ముగుస్తుంది. చంద్రుడు వివిధ నక్షత్రాల్లో ప్రవేశించే స్థానాన్ని బట్టి చాంద్రమానం అంటారు. ఈ సందర్భంగా నేటి 21 జనవరి(January) శనివారానికి సంబంధించిన పూర్తి వివరాలను ఇప్పుడు తెలుసుకుందాం.

రాష్ట్రీయ మితి మాఘం 01, శాఖ సంవత్సరం 1944, మాఘ మాసం, శుక్ల పక్షం, అమావాస్య తిథి, శనివారం విక్రమ సంవత్సరం 2079. జమాది-ఉల్సాని 27, హిజ్రీ 1444(ముస్లిం), AD ప్రకారం, ఇంగ్లీష్ తేదీ 21 జనవరి 2023

సూర్యుడు ఉత్తరాయణం, శిశిర బుుతువు, రాహుకాలం ఉదయం 9 గంటల నుంచి ఉదయం 10:30 గంటల వరకు. అమావాస్య తిథి అర్ధరాత్రి 2:23 గంటల వరకు, పూర్వాషాడ నక్షత్రం ఉదయం 9:40 గంటల వరకు, ఆ తర్వాత ఉత్తరాషాఢ నక్షత్రం ప్రారంభమవుతుంది. ఈరోజు మధ్యాహ్నం 2:34 గంటల వరకు హర్ష యోగం ఉంటుంది. ఆ తర్వాతే వజ్ర యోగం ప్రారంభమవుతుంది. ఈరోజు చంద్రుడు మధ్యాహ్నం 2:53 గంటల తర్వాత ధనస్సు రాశి నుంచి మకరరాశిలోకి సంచారం చేయనున్నాడు.

Mauni Amavasya 2023 మౌని అమావాస్య రోజున మీ రాశిని బట్టి ఈ వస్తువులను దానం చేస్తే డబ్బు కొరతే ఉండదట...!

సూర్యోదయం సమయం 21 జనవరి 2023 : ఉదయం 7:14 గంటలకు
సూర్యాస్తమయం సమయం 21 జనవరి 2023 : సాయంత్రం 5:51 గంటలకు

నేడు శుభ ముహుర్తాలివే..
అభిజిత్ ముహుర్తం : మధ్యాహ్నం 12:11 గంటల నుంచి మధ్యాహ్నం 12:54 గంటల వరకు
విజయ ముహుర్తం : మధ్యాహ్నం 2:19 గంటల నుండి మధ్యాహ్నం 3:15 గంటల వరకు
నిశిత కాలం : అర్ధరాత్రి 12:06 గంటల నుండి మరుసటి రోజు 12:59 గంటల వరకు
సంధ్యా సమయం : సాయంత్రం 5:48 గంటల నుండి సాయంత్రం 6:15 గంటల వరకు
అమృత కాలం : అర్ధరాత్రి 12:56 గంటల నుంచి 2:20 గంటల వరకు

నేడు అశుభ ముహుర్తాలివే..
రాహూకాలం : ఉదయం 9 గంటల నుంచి ఉదయం 10:30 గంటల వరకు
గులిక్ కాలం : ఉదయం 6 గంటల నుండి ఉదయం 7:30 గంటల వరకు
యమగండం : మధ్యాహ్నం 1:30 నుంచి మధ్యాహ్నం 3:30 గంటల వరకు
దుర్ముహర్తం : ఉదయం 7:14 నుండి ఉదయం 8:39 గంటల వరకు

- ఆచార్య కృష్ణ దత్త శర్మ

Read Latest Religion News and Telugu News