Today Panchangam 29 August 2022 నేడు సోమవారం, తిథి విధియ, ఈరోజు శుభ, అశుభ ముహుర్తమెప్పుడో తెలుసుకోండి...

today telugu panchangam హిందూ మరియు వేద జ్యోతిష్యశాస్త్రం ప్రకారం పంచాంగానికి ఎంతో ప్రాధాన్యత ఉంది. అందుకే మన భారతీయులు శుభకార్యాలు, పండుగలు, కొత్త ఇంట్లోకి ప్రవేశించడం, కళ్యాణం ఇతర ఆచార వ్యవహారాల నిమిత్తం పంచాంగాన్ని పక్కాగా చూస్తారు. హిందూ మత విశ్వాసాల ప్రకారం, తిథి, వారం, నక్షత్రం, కరణం, యోగం ఈ ఐదింటిని కలిపి పంచాంగం అంటారు. ఈ పంచాంగం శుభ ముహుర్తాలు, అశుభ ముహుర్తాలు, దుర్ముహుర్తం, యమగండం, రాహూకాలం, సూర్యోదయం, సూర్యాస్తమయం వంటి ముఖ్యమైన విషయాల గురించి వివరిస్తుంది. పంచాగం లెక్కించడానికి అనేక పద్ధతులు అందుబాటులో ఉన్నప్పటికీ ఇప్పటికీ సూర్యమానం, చాంద్ర మానం విధానాలనే అనుసరిస్తున్నారు. సూర్యుడి సంచారంతో అనుసంధానమైనది సూర్యమాన పంచాంగం, అదే విధంగా చంద్రుని సంచారంతో అనుసంధానమైనది చంద్రుని పంచాంగం. మన తెలుగువారు ఎక్కువగా చంద్రమానాన్నే అనుసరిస్తూ ఉంటారు. అందుకే చాంద్రమానం ప్రకారం, తెలుగు నూతన సంవత్సరం ఛైత్ర మాసంతో ప్రారంభమవుతుంది. ఫాల్గుణ మాసంతో ముగుస్తుంది. చంద్రుడు వివిధ నక్షత్రాల్లో ప్రవేశించే స్థానాన్ని బట్టి చాంద్రమానం అంటారు. ఈ సందర్భంగా నేటి 29 ఆగస్టు(August) సోమవారానికి సంబంధించిన పూర్తి వివరాలను ఇప్పుడు తెలుసుకుందాం.

రాష్ట్రీయ మితి భాద్రపదం 07, శాఖ సంవత్సరం 1944, భాద్రపద శుక్ల పక్షం, విదియ తిథి, సోమవారం విక్రమ సంవత్సరం 2079. సఫర్ 01, హిజ్రీ 1444(ముస్లిం), AD ప్రకారం, ఇంగ్లీష్ తేదీ 29 ఆగస్టు 2022

సూర్యుడు దక్షిణయానం నుండి ఉత్తర ప్రదక్షిణ, వర్ష బుుతువు, రాహుకాలం ఉదయం 7:30 నుండి ఉదయం 9 గంటల వరకు. విధియ తిథి 3:21 గంటల వరకు, ఉత్తర ఫాల్గుణి నక్షత్రం రాత్రి 11:04 గంటల వరకు, ఆ తర్వాత హస్తా నక్షత్రం ప్రారంభమవుతుంది. సంధ్యా యోగం అర్ధారాత్రి 1:03 గంటల వరకు ఉంటుంది. ఈరోజు చంద్రుడు పగలు, రాత్రి కన్యరాశిలోనే సంచారం చేయనున్నాడు.

సూర్యోదయం సమయం 29 ఆగస్టు 2022: ఉదయం 5:57 గంటలకు
సూర్యాస్తమయం సమయం 29 ఆగస్టు 2022 : సాయంత్రం 6:47 గంటలకు

Ganesh Chaturthi 2022 వినాయక చవితి నాడు ఏ రాశి వారు ఎలాంటి మంత్రాలను పఠించాలంటే...!

నేడు శుభ ముహుర్తాలివే..
బ్రహ్మా ముహుర్తం : తెల్లవారుజామున 4:28 నుండి 5:13 గంటల వరకు
విజయ ముహుర్తం : మధ్యాహ్నం 2:30 నుండి మధ్యాహ్నం 3:21 గంటల వరకు
నిశిత కాలం : అర్ధరాత్రి 12 నుండి మరుసటి రోజు 12:44 గంటల వరకు
సంధ్యా సమయం : సాయంత్రం 6:33 నుండి సాయంత్రం 6:57 గంటల వరకు
అమృత కాలం : సాయంత్రం 3:32 నుండి సాయంత్రం 5:12 గంటల వరకు

నేడు అశుభ ముహుర్తాలివే..
రాహూకాలం : ఉదయం 7:30 నుండి ఉదయం 9:30 గంటల వరకు
యమగండం : మధ్యాహ్నం 1:30 నుండి మధ్యాహ్నం 3:30 గంటల వరకు
దుర్ముహర్తం : మధ్యాహ్నం 12:47 నుండి మధ్యాహ్నం 1:39 గంటల వరకు, తిరిగి మధ్యాహ్నం 3:21 నుండి సాయంత్రం 4:12 గంటల వరకు

- ఆచార్య కృష్ణ దత్త శర్మ