మేష రాశి(Aries)..
ఈ రాశి నుండి బుధుడు ఆరో స్థానం నుండి తిరోగమనం చెందనున్నాడు. ఈ సమయంలో మేషరాశి వారికి ఆర్థిక పరమైన సమస్యలతో పాటు ఆరోగ్య పరంగా ప్రతికూల ప్రభావం పడుతుంది. ఉద్యోగులకు కార్యాలయంలో ప్రత్యర్థులు నిరంతరం హాని కలిగించేందుకు ప్రయత్నిస్తారు. ఇదే సమయంలో బాస్ వైఖరి కూడా మీ పట్ల వ్యతిరేకంగా ఉంటుంది. ఈ పరిస్థితుల్లో మీరు ఎవ్వరినీ గుడ్డిగా నమ్మకూడదు. మరోవైపు ఈ కాలంలో ఉద్యోగం మారాలని ఆలోచిస్తున్న వారికి ఈ సమయంలో మంచి అవకాశం లభిస్తుంది. అయితే ఈ కాలంలో అనవసర ఖర్చులు చేయాల్సి ఉంటుంది. ఈ కారణంగా మీ బడ్జెట్ బ్యాలెన్స్ తప్పుతుంది.
పరిహారం : బుధవారం రోజున తాజా కూరగాయలు, పండ్లు దానం చేసి, గోమాతకు పచ్చిగడ్డిని తినిపించాలి.
Business Horoscope ఏ రాశి వారు ఎలాంటి వ్యాపారంలో రాణిస్తారంటే...!
సింహ రాశి(Leo)..
ఈ రాశి నుండి బుధుడు రెండో స్థానం నుండి తిరోగమనం చేయనున్నాడు. ఈ సమయంలో సింహ రాశి వారికి మిశ్రమ ఫలితాలొస్తాయి. అయితే ఆర్థిక సంక్షోభాన్ని ఎదుర్కోవాల్సి ఉంటుంది. మీ కుటుంబ జీవితంలో కూడా మీకు వ్యతిరేక ఫలితాలొస్తాయి. కుటుంబ సభ్యుల మధ్య విభేదాలు ఎక్కువయ్యే అవకాశం ఉంది. ఈ సమయంలో మీరు ఎవరి దగ్గర నుండి డబ్బులు తీసుకోకుండా ఉండాలి. అనవసర విషయాలకు డబ్బులు ఖర్చు చేయకపోవడమే మంచిది. ఈ కాలంలో మీరు డబ్బు ఎక్కడైనా పెట్టుబడి పెట్టాలనుకుంటే బాగా ఆలోచించి నిర్ణయం తీసుకోవాలి. ఉద్యోగులు కార్యాలయంలో జాగ్రత్తగా ఉండాలి.
పరిహారం : ప్రతిరోజూ మీ ఇంట్లో వేణు గోపాల స్వామికి లడ్డూ, పంచదారను నైవేద్యంగా సమర్పించాలి.
తుల రాశి(Libra)..
ఈ రాశి నుండి బుధుడు 12వ స్థానం నుండి తిరోగమనంలో కదలనున్నాడు. ఈ సమయంలో మీకు ప్రతికూల ఫలితాలొస్తాయి. ఈ సమయంలో మీకు కోపం పెరుగుతుంది. మీ మాటల వల్ల ఎవరైనా గాయపడొచ్చు. ఈ సమయంలో మీరు ఇంటి సభ్యుల వ్యాధుల కోసం చాలా ఖర్చు చేయాల్సి ఉంటుంది. ఈ సమయంలో తండ్రితో గొడవలు రావొచ్చు. ఆర్థిక పరమైన విషయాల్లో చాలా జాగ్రత్తగా ఉండాలి.
పరిహారం : బుధవారం రోజున హిజ్రాలకు వస్త్రదానాలు చేయాలి.
వృశ్చిక రాశి(Scorpio)..
ఈ రాశి నుండి బుధుడు పదకొండో స్థానం నుండి తిరోగమనం చెందనున్నాడు. ఈ సమయంలో మీ జీవితంలో కొన్ని ప్రతికూల పరిస్థితులు ఏర్పడొచ్చు. ఆర్థిక పరంగా ఖర్చులు ఎక్కువ అవుతాయి. మీకు ప్రత్యర్థుల సంఖ్య పెరిగే అవకాశం ఉంది. ఈ కాలంలో కొత్త వస్తువులను కొనొద్దు. ఈ సమయంలో ఎవరైనా కొత్త వ్యక్తులతో స్నేహం చేసే ముందు వారి గురించి బాగా తెలుసుకోవాలి. ఆరోగ్యం విషయంలో జాగ్రత్తగా ఉండాలి. సోమరితనాన్ని వదిలేయాలి.
పరిహారం : ప్రతిరోజూ పనికి వెళ్లే ముందు తల్లిదండ్రుల ఆశీర్వాదం తీసుకోవాలి.
కుంభ రాశి(Aquarius)..
ఈ రాశి నుండి బుధుడు ఎనిమిదో స్థానం నుండి తిరోగమనం చెందనున్నాడు. ఈ సమయంలో మీకు ఆర్థిక పరంగా ప్రతికూల ప్రభావం పడుతుంది. మీ కుటుంబ జీవితంలోనూ ఇబ్బందులు ఎదురవుతాయి. స్టాక్ మార్కెట్ తో అనుబంధం ఉన్నవారు ఈ సమయంలో భారీ నష్టాలను ఎదుర్కోవాల్సి ఉంటుంది. ఈ కాలంలో మీరు ఎలాంటి అప్పులను తీసుకోకూడదు. మీ ప్రేమ వ్యవహారాల్లో కూడా ప్రతికూలంగా ఉంటుంది. మరోవైపు విదేశాలలో విద్యను కంటిన్యూ చేయాలనుకునే వారు ఈ సమయంలో మంచి అవకాశాలను పొందొచ్చు.
పరిహారం : సోమవారం రోజున పరమేశ్వరునికి ప్రత్యేక పూజలు చేయాలి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు.