Panchak 2022 రాబోయే 5 రోజులు పొరపాటున కూడా ఈ పనులు చేయొద్దు... ఎందుకంటే...

Panchak 2022 జ్యోతిష్యశాస్త్రం ప్రకారం, కొన్ని గ్రహాలు, యోగాలు చాలా అశుభకరంగా పరిగణించబడతాయి. అందులో పంచకం అనే యోగాన్ని అశుభకరమైన యోగంగా పరిగణిస్తారు. ఈ యోగం సమయంలో ఏ పని చేసినా అశుభ ఫలితాలొస్తాయని జ్యోతిష్యశాస్త్ర నిపుణులు చెబుతున్నారు. ఈ నేపథ్యంలో హిందూ క్యాలెండర్ ప్రకారం, 2022 సంవత్సరంలో అక్టోబర్ 6వ తేదీ నుంచి పంచకం ప్రారంభమైంది. కాబట్టి అక్టోబర్ 10వ తేదీ వరకు ఎలాంటి శుభకార్యాలు చేయకూడదని పండితులు సూచిస్తున్నారు. ఈ సందర్భంగా పంచకం అంటే ఏమిటి, దీన్ని ఎందుకు అశుభంగా పరిగణిస్తారనే ఆసక్తికరమైన విషయాలను ఇప్పుడు తెలుసుకుందాం...

పంచకం అంటే ఏమిటి..
జ్యోతిష్యశాస్త్రం ప్రకారం, ఐదు రాశుల కాలాన్ని పంచకం అంటారు. అంటే చంద్ర గ్రహం ధనిష్ట నక్షత్రం మూడో దశ, శతభిష, పూర్వాభాద్రపద, ఉత్తరాభాద్రపద, రేవతి నక్షత్రాల నాలుగు దశలలో ప్రయాణ కాలాన్నే పంచకం అంటారు. ఈ కాలంలో చేసే పనుల వల్ల అశుభ ఫలితాలు దాదాపు ఐదుసార్లు వరకు జరుగుతాయని నమ్ముతారు. ఖగోళ శాస్త్రం ప్రకారం 360 డిగ్రీల కోణంలో భూమి 300 డిగ్రీల నుండి 360 డిగ్రీల మధ్య తిరిగే కాలాన్ని పంచక్ కాలం అని పిలుస్తారు. ఈ సమయంలో భూమిపై చంద్రుని ప్రభావం ఎక్కువగా ఉంటుంది.

అశుభకరమైన యోగం..
పురాణాల ప్రకారం, శ్రీరాముడు రావణుడిని ఇదే రోజున సంహరించాడు. ఆ రోజున పంచకం ఉందని శాస్త్రాలలో పేర్కొనబడింది. అప్పటినుంచి పంచకం అశుభమైనదిగా పరిగణిస్తారు. హిందూ మత విశ్వాసాల ప్రకారం, పంచక కాలంలో ఇంట్లో ఎవరైనా మరణిస్తే, ఆ తర్వాత మొత్తం ఐదు మంది మరణించే అవకాశం ఉందని గ్రంథాలలో పేర్కొనబడింది.

ఈ పనులు చేయొద్దు..
పంచక కాలంలో ఎలాంటి శుభకార్యాలు చేయకూడదు. ఈ సమయంలో దక్షిణ దిశలో ప్రయాణించడం అశుభకరమైనదిగా పరిగణించబడుతుంది. ఈ కాలంలో ముఖ్యమైన పనులు లేని సమయంలో అటువైపు ప్రయాణించొద్దని పండితులు సూచిస్తున్నారు. ఈ ఐదు రోజుల కాలంలో ఎలాంటి పనికైనా వెదురును వాడటం అశుభకరంగా భావిస్తారు. పంచక కాలంలో ఇంట్లో చెక్క మంచాలు లేదా ఇతర చెక్క వస్తువులను కొనుగోలు చేయొద్దు.

ఇంటి నిర్మాణం పనులు జరుగుతున్నట్లయితే, పంచక సమయంలో పైకప్పు లేదా లెన్స్ ను అమర్చే పనిని పూర్తి చేయొద్దు. ఈ సమయంలో ఏదైనా శుభకార్యం చేస్తే అశుభ ఫలితాలొస్తాయని, కుటుంబంలో ఒత్తిడి, అశాంతి పెరుగుతాయి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.

Read Latest Astrology News and Telugu News