Sun Transit in Cancer : కర్కాటకంలో సూర్యుడి ఎంట్రీతో ఈ రాశులకు తిప్పలు తప్పవు..!

Sun Transit in Cancer : జ్యోతిష్యశాస్త్రం ప్రకారం, నవ గ్రహాలలో సూర్యుడికి ఎంతో ప్రాధాన్యత ఉంది. సూర్యుడు ప్రతి నెలా తన స్థానాన్ని మారుతూ ఉంటాడు. ఇలా సూర్యుడు ఒక రాశి నుండి మరొక రాశికి ప్రవేశించే సమయాన్ని సంక్రాంతి అంటారు. ఈ నేపథ్యంలోనే సూర్యుడు 16 జూలై 2022 శనివారం రోజున రాత్రి 10:50 గంటలకు కర్కాటక రాశిలోకి సంచారం చేయనున్నాడు. దీన్నే కర్కాటక సంక్రాంతి అంటారు. ఇదే రాశిలో ఆగస్టు 17వ తేదీ వరకు నివాసం ఉండనున్నాడు. అనంతరం సింహ రాశిలోకి సంచారం చేయనున్నాడు. ఈ సమయంలో ద్వాదశ రాశుల వారిపై కచ్చితంగా ప్రభావం పడుతుంది. ఈ సమయంలో కొన్ని రాశుల వారికి చెడు ఫలితాలు రానున్నాయి. వీరు ఆర్థిక పరమైన విషయాలతో సహా తాము చేసే పనుల్లో అనేక సవాళ్లు ఎదుర్కోవాల్సి ఉంటుందట. ఇంతకీ రాశుల వారెవరు? ఆ రాశుల జాబితాలో మీ రాశి కూడా ఉందో లేదో ఇప్పుడే చూసెయ్యండి.

సింహ రాశి..
జ్యోతిష్యశాస్త్రం ప్రకారం, ఈ రాశి వారికి సూర్యుడు అధిపతిగా ఉంటాడు. జూలై 16న సింహ రాశి నుండి పన్నెండో స్థానం నుండి సూర్యుడు సంచారం చేయనున్నాడు. ఈ సమయంలో విదేశాలలో ఉండే వారికి లేదా విదేశీ సంబంధ వ్యాపారులకు లాభాలు రావొచ్చు. అయితే ఈ కాలంలో కొందరు ఆరోగ్య సమస్యలను ఎదుర్కోవాల్సి వస్తుంది. ఈ సమయంలో మీరు బయటి ఆహారాన్ని తీసుకోకూడదు. ఆరోగ్యంగా ఉండేందుకు యోగా-ధ్యానం వంటివి చేయడం వల్ల ప్రయోజనకరమైన ఫలితాలను పొందుతారు. మీ ఇంట్లో ఇప్పటికే ఎవరైనా అనారోగ్యంతో ఉంటే వారిపై ప్రత్యేక శ్రద్ధ తీసుకోవాలి. ఉద్యోగులు ఖర్చుల విషయంలో జాగ్రత్తగా ఉండాలి. వ్యాపారులు తొందరపాటులో నిర్ణయాలు తీసుకోకూడదు. లేదంటే మీరు నష్టపోవచ్చు.

Jupiter Retrograde in Pisces : గురుడి తిరోగమనం వల్ల ఈ 4 రాశుల ఉద్యోగులకు అదృష్టం..!
ధనస్సు రాశి..
ఈ రాశి వారికి సూర్యుడి సంచారం వల్ల ప్రతికూల పరిస్థితులు ఏర్పడనున్నాయి. ముఖ్యంగా మీకు వ్యతిరేకంగా మాట్లాడే వారితో జాగ్రత్తగా ఉండాలి. ఆరోగ్యం పట్ల కూడా శ్రద్ధ వహించాలి. మీ తండ్రితో సంబంధాన్ని మెరుగుపరుచుకునేందుకు ప్రయత్నించాలి. వాహనాలను నెమ్మదిగా నడపాలి. అయితే రహస్య విషయాలను అధ్యయనం చేసే వారికి కొంత అద్భుతమైన విజయాలు దక్కొచ్చు. కొందరికి ఆకస్మికంగా ఆదాయ పరంగా లాభం వచ్చే అవకాశం ఉంది.

కుంభ రాశి..
ఈ రాశి వారికి సూర్యుడి సంచారం వల్ల కోర్టు సంబంధిత సమస్యల్లో ఇబ్బందులు ఏర్పడతాయి. ఇలాంటి సమయంలో మీరు నిర్ణయాలను చాలా జాగ్రత్తగా తీసుకోవాలి. ఆరోగ్యం విషయంలోనూ అప్రమత్తంగా ఉండాలి. పొట్టకు సంబంధించిన వ్యాధులు రావొచ్చు. కాబట్టి సులభంగా జీర్ణం కాని ఆహారం జోలికి వెళ్లకండి. ఎవరితో అయినా మాట్లాడేటప్పుడు తప్పుడు పదాలను వాడొద్దు. అయితే సూర్యుడు ఆరో స్థానం ఉండటం వల్ల, ఈ కాలంలో మీరు శత్రువులపై విజయం సాధించొచ్చు.