Planets Transit in August : ఆగస్టులో 4 గ్రహాల మార్పు.. ఈ రాశులకు అదృష్టం.. ఈ జాబితాలో మీ రాశి ఉందేమో చూసెయ్యండి...
Planets Transit in August : ఈ ఏడాది 2022లో వచ్చే నెలలో అంటే ఆగస్టు మాసంలో నాలుగు గ్రహాలు తమ స్థానం నుండి మరో స్థానంలోకి మారనున్నాయి. ఇలా గ్రహాలు ఒక రాశి నుండి మరో రాశిలోకి ప్రవేశించినప్పుడు ద్వాదశ రాశులపై కచ్చితంగా ప్రభావం పడుతుంది. ఈ నేపథ్యంలో కొన్నిరాశుల వారికి ప్రత్యేక ఫలితాలు రానున్నాయి. ఈ జాబితాలో మీ రాశి ఉందేమో ఇప్పుడే చూసెయ్యండి...
ఏ గ్రహాలు మారనున్నాయంటే..
వైదిక జ్యోతిష్యం ప్రకారం ఆగస్టు మాసంలో మొత్తం నాలుగు గ్రహాలు తమ స్థానాలను మారనున్నాయి. ముందుగా ఆగస్టు తొమ్మిదో తేదీన బుధుడు కర్కాటక రాశి నుండి సింహ రాశిలోకి ప్రవేశించనున్నాడు. ఆ తర్వాతి రెండు రోజులకే అంటే ఆగస్టు 11వ తేదీన శుక్రుడు సింహ రాశి నుండి కన్యరాశిలోకి సంచారం చేయనున్నాడు. బుధుడు మరియు శుక్రుని రవాణా తర్వాత మూడో గ్రహ మార్పు ఆగస్టు 17వ తేదీన జరగనుంది. ఈరోజున సూర్యుడు కర్కాటకం నుండి సింహరాశిలోకి సంచారం చేయనున్నాడు. అనంతరం ఇదే నెలలో ఆగస్టు 26వ తేదీన బుధుడు కన్యరాశిలోకి ప్రవేశించనున్నాడు.
zodiac signs : ఈ రాశుల వారు తమ పార్ట్నర్ ను ఈజీగా మోసం చేస్తారట... తస్మాత్ జాగ్రత్త..!
మేష రాశి..
ఈ రాశి వారికి ఆగస్టు నెలలో నాలుగు గ్రహాల మార్పుతో అత్యద్భుతమైన ఫలితాలు రానున్నాయి. ఈ కాలంలో మీరు చేపట్టే పనులన్నీ విజయవంతంగా పూర్తవుతాయి. ఇంట్లో అయినా.. ఆఫీసులో అయినా మీకు సానుకూల వాతావరణం ఏర్పడుతుంది. అంతేకాదు చాలా సందర్భాల్లో మీకు అదృష్టం లభిస్తుంది. వ్యాపారులకు మంచి లాభాలొచ్చే అవకాశాలు పుష్కలంగా ఉన్నాయి. మీ పనులన్నీ సకాలంలో పూర్తవుతాయి. ఉద్యోగులకు కార్యాలయంలో ప్రశంసలు లభిస్తాయి. నిరుద్యోగులకు మంచి ఉద్యోగం లభించే అవకాశం లభిస్తుంది. అయితే ఆరోగ్య పరంగా కొన్ని ఇబ్బందులు ఎదుర్కొనే అవకాశం ఉంది.
మిధున రాశి..
ఈ నెలలో ఈ రాశి వారికి మంచి ఫలితాలు రానున్నాయి. మీరు చేసే పనులన్నింటిలో సానుకూల ఫలితాలు వచ్చే అవకాశం ఎక్కువగా ఉంది. మీ కుటుంబ జీవితంలో ప్రశాంత వాతావరణం ఉంటుంది. శత్రువులపై ఆధిపత్యం చెలాయిస్తారు. నిరుద్యోగులకు కొత్త ఉద్యోగాలొచ్చే అవకాశం ఉంది. ఇప్పటికే ఉద్యోగంలో ఉన్నవారికి వేతనం పెరిగే అవకాశం బలంగా కనిపిస్తుంది.
సింహ రాశి..
ఈ రాశి వారికి నాలుగు గ్రహాల రవాణాతో మంచి ఫలితాలు రానున్నాయి. ఈ కాలంలో పెండింగులో ఉన్న పనులన్నీ పూర్తవుతాయి. ఈ కారణంగా మీ ఆదాయం కూడా పెరిగే అవకాశం ఉంది. ఈ సమయంలో నిరుద్యోగులకు మంచి ఉద్యోగం గురించి శుభవార్తలు వినిపిస్తాయి. మీరు కోరుకున్న జాబ్ వచ్చే అవకాశం బలంగా ఉంది. ఈ కాలంలో మీకు అదృష్టం బాగా కలిసొస్తుంది.
తుల రాశి..
ఈ రాశి వారికి ఆగస్టు నెలలో అద్భుతమైన ప్రయోజనాలు రానున్నాయి. ఆర్థిక పరమైన విషయాల్లో అదనపు లాభం వచ్చే అవకాశం ఉంది. అన్ని రంగాల్లోనూ మీకు సానుకూల ఫలితాలు రానున్నాయి. వ్యాపార రంగంలో ఉండే వారికి మంచి ఫలితాలు వచ్చే అవకాశం ఉంది. ఈ కాలంలో మీరు కొన్ని పెద్ద ఒప్పందాలను చేసుకునే అవకాశం బలంగా కనిపిస్తుంది. మీరు నిజాయితీగా, ధర్మంగా ఉండటం వల్ల అన్ని రంగాల్లోనూ మీరు విజయం సాధిస్తారు.