బుధ, శుక్రుని కలయిక ఎప్పుడంటే..
జూలై 2వ తేదీ ఉదయం 9:40 గంటలకు బుధుడు మిధునరాశిలోకి ప్రవేశించాడు. ఇదే రాశిలో జూలై 17వ తేదీ ఉదయం 12:01 వరకు నివాసం ఉండనున్నాడు. అనంతరం కర్కాటక రాశిలోకి సంచారం చేయనున్నాడు. ఈ నేపథ్యంలోనే జూలై 13వ తేదీన బుధవారం ఉదయం 11:01 గంటలకు గురు పూర్ణిమ రోజున మిధునరాశిలోకి శుక్రుడు కూడా రవాణా చేయనున్నాడు. ఇదే రాశిలో ఆగస్టు 7వ తేదీ వరకు నివాసం ఉండనున్నాడు. ఆ తర్వాత కర్కాటక రాశిలోకి ప్రవేశించనున్నాడు. ఈ సందర్భంగా జూలై 13 నుండి జూలై 17వ తేదీ వరకు మిధున రాశిలో బుధుడు మరియు శుక్ర గ్రహాల కలయిక జరగనుంది.
Guru Purnima 2022 : గురు పూర్ణిమ రోజున ఈ పరిహారాలతో అదృష్టం పెరుగుతుందట...!
మేష రాశి..
ఈ రాశి వారికి బుధుడు-శుక్రుడు కలయిక వల్ల అద్భుతమైన ప్రయోజనాలు కలగనున్నాయి. ఈ కాలంలో మీ తోబుట్టువులతో బంధాలు మరింత బలపడతాయి. వారు మీకు చాలా విషయాల్లో మద్దతుగా నిలుస్తారు. ఈ సమయం మీకు చాలా గొప్పగా ఉంటుంది. మరోవైపు ఉద్యోగం కోసం ఎదురుచూస్తున్న వారికి ఈ కాలంలో శుభవార్తలు వినిపిస్తాయి. అంతేకాదు ఉద్యోగం మారాలనుకునే వారు కూడా మంచి అవకాశాలను పొందొచ్చు. వ్యాపారులకు కూడా మంచి లాభాలొస్తాయి. లక్ష్మీదేవి అనుగ్రహంతో ఈ కాలంలో మీరు ఆస్తి లేదా కొత్త వాహనాన్ని కొనే బలమైన అవకాశం ఉంది. ఆర్థిక పరంగా మెరుగ్గా ఉంటుంది.
మిధున రాశి..
ఈ రాశిలోనే బుధుడు-శుక్రుని కలయిక జరగడం వల్ల మిధున రాశి వారికి శుభ ఫలితాలు రానున్నాయి. లక్ష్మీ నారాయణ యోగం వల్ల మీ మేధస్సు పెరుగుతుంది. వ్యాపారులకు ఈ కాలంలో శుభప్రదంగా ఉంటుంది. మీరు అనేక ప్రయోజనాలను పొందుతారు. కార్పొరేట్ కంపెనీలో పని చేసే వారికి పదోన్నతి లభించే బలమైన అవకాశం ఉంది. ప్రేమ విషయంలో కూడా ఈ సమయం అనుకూలంగా ఉంటుంది. ఆర్థిక పరమైన విషయాల్లోనూ విజయం సాధిస్తారు.
Guru Purnima 2022 : గురు పూర్ణిమ రోజే గురువుకు ఎందుకని ప్రత్యేక పూజలు చేస్తారు...
సింహ రాశి..
ఈ రాశి వారికి కూడా బుధుడు-శుక్రుని కలయిక వల్ల అత్యద్భుతమైన ఫలితాలు రానున్నాయి. ఈ కాలంలో మీ ఆదాయం అమాంతం పెరిగేందుకు బలమైన అవకాశం ఉంది. ఈ సమయంలో మీరు ఎక్కడైనా పెట్టుబడి పెట్టాలని ఆలోచిస్తుంటే, ముందుకెళ్లొచ్చు. దీని వల్ల మీరు మంచి ప్రయోజనాలు పొందుతారు. వ్యాపారులు, ఉద్యోగులు కూడా శుభ ఫలితాలను పొందుతారు. మీ కుటుంబ జీవితంలో కూడా చాలా అనుకూలంగా ఉంటుంది. ఈ సమయంలో మీరు ఒత్తిడి నుండి దూరంగా ఉంటారు. మీ జీవితాన్ని స్వేచ్ఛగా ఆనందిస్తారు.
కన్య రాశి..
ఈ రాశి వారికి బుధ, శుక్ర సంయోగం వల్ల శుభ ఫలితాలు రానున్నాయి. ఈ కాలంలో మీకు సమాజంలో గౌరవం పెరుగుతుంది. వ్యాపారులకు లాభాలు వచ్చే బలమైన అవకాశాలు ఉన్నాయి. మీ కుటుంబ జీవితం ప్రశాంతంగా, ఆనందంగా ఉంటుంది. ఈ కాలం మీకు చాలా ప్రత్యేకమైనది.
కుంభ రాశి..
ఈ రాశి వారికి ప్రేమ జీవితంలో శుభ ఫలితాలొస్తాయి. మీ కుటుంబ జీవితంలో, ఆర్థిక పరమైన విషయాల్లోనూ అనుకూలంగా ఉంటుంది. ఈ సమయంలో మీ భాగస్వామితో బంధం బలంగా మారుతుంది. వ్యాపారులకు కూడా మంచి లాభాలు రానున్నాయి. స్టాక్ మార్కెట్లో సంబంధం ఉన్న వారు ఈ సమయంలో పెట్టుబడులు పెట్టేందుకు సమయం అనుకూలంగా ఉంది. ఆర్థిక పరమైన విషయాల్లో అదనపు ప్రయోజనాలను పొందుతారు.