ఈ పండ్లు తింటున్నట్లు కలగంటే.. మీ జీవితం బాగా పండుద్ది..!

స్వప్నశాస్త్రం ప్రకారం.. కలలో ద్రాక్ష పండ్లు తింటున్నట్లు వస్తే అది శుభ సంకేతంగా పరిగణించవచ్చు. దీనర్థం త్వరలోనే ఆరోగ్యం బాగుంటుందని తెలుసుకోవచ్చు. అంటే ఇంట్లో వేరొకరు అనారోగ్యంతో ఉంటే మీరు ఆందోళన చెందవచ్చు. ఇలాంటి సందర్భాల్లో ఆందోళన చెందుతుంటే ఆరోగ్యం సరిగ్గా ఉంటుందని తెలుసుకోవచ్చు. కాబట్టి ద్రాక్ష పండ్లు తింటున్నట్లు కల వస్తే ఆందోళన చెందాల్సిన పనిలేదు. శుభంగా పరిగణించవచ్చు.

కలలో మీరు దానిమ్మపండు తింటున్నట్లు కనిపిస్తే ఇది లాభదాయకంగా ఉంటుంది. భవిష్యత్తులో మీరు డబ్బు పొందబోతున్నారనడానికి ఇది ఒక సంకేతం. ఈ కల మీకు జీవితంలో చాలా సానుకూలతను ఇస్తుంది. అలాగే మీరు మీ కలలో దానిమ్మ ఆకులను తింటున్నట్లు వస్తే త్వరలోనే వివాహం చేసుకోబోతున్నారని అర్థం చేసుకోవచ్చు. అంటే దానిమ్మ కళ్యాణాన్ని సూచిస్తుంది. ఇంట్లో శుభకార్యాలు జరిగే అవకాశముంటుంది.

కలలో మీరు అల్లం తింటున్నట్లు వస్తే ఇది కూడా మీకు శుభ సంకేతంగా పరిగణించవచ్చు. సమీప భవిష్యత్తులో మీ ప్రాభవం పెరుగుతుందని అర్థం చేసుకోవచ్చు. అంతేకాకుండా సమాజంలో మీ గౌరవం పెరగడమే కాకుండా ఆదరణ పొందుతారు. దీంతో పాటు మీరు ప్రజలకు సహాయం చేస్తారు. ఫలితంగా వారి ఆదరాభిమానాలు ఎల్లప్పుడూ మీ వెంటే ఉంటాయి. ఫలితంగా కుటుంబంలో శుభపరిణామాలు ఉంటాయి. వీలైనంత వరకు గొడవలకు దూరంగా ఉండాలి.

మీరు పైనాపిల్ తింటున్నట్లు కల వస్తే అది మిశ్రమ ఫలితాలను ఇస్తుంది. దీని అర్థం ఒక పని కోసం మీరు ప్రారంభంలో కష్టపడాల్సి ఉంటుంది. అయితే అనంతరం మీరు దాని నుండి ప్రయోజనం పొందుతారు. అంటే ఏ రకమైన సమస్య మొదట వచ్చినా తర్వాత అది పరిష్కరించబడుతుంది. అనంతరం దాని నుంచి ప్రయోజనం కూడా పొందుతారు. చేపట్టిన పనులు, ప్రారంభించిన వ్యవహారాలు వీలైనంత వరకు సకాలంలోనే పూర్తి చేస్తారు.

కలలో మీకు జామపండు తింటున్నట్లు లేదా తోట నుంచి జామ పండు తింటున్నట్లు వస్తే అది మీకు శుభ సంకేతంగా పరిగణిస్తారు. దీనర్థం ఇప్పటివరకు మీ జీవితంలో వచ్చిన సమస్యలు ముగియబోతున్నాయని తెలుసకోవచ్చు. అంటే ఆర్థికపరమైన సమస్యలు తీరి ఊరట చెందే అవకాశం గోచరిస్తుంది. ఒకవేళ కలలో మామిడి పండును తింటున్నట్లు వస్తే భవిష్యత్తులో మరింత డబ్బు పొందే అవకాశాలు సమృద్ధిగా ఉన్నాయని తెలుసుకోవచ్చు.

కలలో వాల్ నట్లను తింటున్నట్లు వస్తే అది కూడా శుభ సంకేతంగా పరిగణించవచ్చు. దీనివల్ల ఆర్థిక సమస్యలు తగ్గుముఖం పట్టి ఇంట్లో శుభ పరిణామాలు కలుగుతాయని అర్థం చేసుకోవచ్చు. అంతేకాకుండా వ్యక్తి శ్రేయస్తు ఎల్లప్పుడూ మీ వెంటే ఉంటుందని తెలుస్తుంది. మీకు మంచి ఆహారం కూడా లభిస్తుంది. ఆర్థిక సమస్యలు తగ్గుముఖం పట్టి ఉపశమనం పొందుతారు.