పొరపాటున కూడా ఈ చిత్రాలను ఇంట్లో ఉంచకండి.. ఉంటే దురదృష్టం
కొన్ని సార్లు మీ ఇంట్లో ఉండే చిత్రాలు కూడా కారణమవుతాయని వాస్తుశాస్త్రం చెబుతోంది. ఎందుకంటే కొన్ని చిత్రాలు సమస్యలను కలిగిస్తాయి. వీటి వల్ల జీవితంలో హెచ్చుతగ్గులు ఏర్పడతాయి. మీరు ఇలాంటి చిత్రాలను ఇంట్లో ఉంచినట్లయితే వెంటనే తొలగించండి.
ఈ రూపంలో ఉన్న దేవుడు చిత్రం ఉంచుకోకండి..
వాస్తుశాస్త్రం ప్రకారం పరమేశ్వరుడి చిత్రం ఇంట్లో ఉంచుకుంటే మంచి జరుగుతుంది. అయితే ఈశ్వరుడు నటరాజు స్వరూపంలో ఉన్న ప్రతిమ లేదా చిత్రాన్ని ఇంట్లో ఉంచుకోకూడదు. ఎందుకంటే ఈ చిత్రం విధ్వంసానికి ప్రతిరూపంగా పరిగణిస్తారు. కాబట్టి మర్చిపోయి కూడా నటరాజు స్వరూపంలో ఉన్న చిత్రాన్ని ఇంట్లో పెట్టుకోవద్దు. లేకుంటే సమస్యలతో పాటు ఆర్థిక ఇబ్బందులు కూడా ఎదురవుతాయి.
ఈ చిత్రాన్ని ఇంట్లో ఎప్పుడూ ఉంచకండి..
వాస్తుశాస్త్రం ప్రకారం మునిగిపోతున్న పడవ లేదా ఓడ చిత్రాన్ని ఇంట్లో ఉంచకూడదు. ఎందుకంటే మునిగిపోతున్న ఏదైనా వస్తువు మందగమనాన్ని చూపిస్తుంది. స్వయంగా మీరు మునిగిపోతారని సంకేతమిస్తుంది. కాబట్టి ఈ ప్రతికూలతను చూపించే ఇలాంచి చిత్రాలను ఇంట్లో ఉంచకూడదు. ప్రతికూల శక్తితో పాటు చేపట్టిన పనలు, ప్రారంభించిన వ్యవహారాలు సకాలంలో పూర్తి కావు.
పొరపాటున కూడా ఈ చిత్రాన్ని ఉంచవద్దు..
వాస్తుశాస్త్రం ప్రకారం ఏడుస్తున్న పిల్లల ఫోటోను ఇంట్లో ఎప్పుడూ ఉంచకూడదు. ఇలాంటి చిత్రాన్ని కార్యాలయంలో లేదా ఇంట్లో ఉంచకూడదని చెబుతారు. పిల్లలు అదృష్టానికి సంకేతంగా పరిగణిస్తారు. కాబట్టి నవ్వుతున్న పసిపిల్లల చిత్రాలు ఆనందాన్ని, సానుకూలతను తీసుకొస్తాయి. కానీ ఏడుస్తున్న పిల్లల చిత్రాలు దురదృష్టాన్ని ఆహ్వానిస్తుంది. కాబట్టి మర్చిపోయి కూడా ఈ ఫోటోలను ఇంట్లో ఉంచకూడదు.
ఈ చిత్రాలు సమస్యలను పెంచుతాయి..
వాస్తుశాస్త్రం ప్రకారం యుద్ధానికి సంబంధించిన విగ్రహాలు లేదా చిత్రాలు ఇంట్లో ఎప్పుడు ఉంచకూడదు. అది మన శాస్త్రాల్లో భాగమైనా యుద్ధం ఎప్పుడూ విధ్వంసం, హింసకు ప్రతీక. కాబట్ట ఎలాంటి హింసాత్మక, విధ్వంసకరమైన చిత్రాలను ఇంట్లో పెట్టుకోకూడదు. ఇవి మానసిక, ఉద్రిక్తతలకు దారితీస్తుంది. కాబట్టి పొరపాటును కూడా ఇలాంచి చిత్రాలను ఇల్లు లేదా కార్యాలయంలో ఉంచకండి.
ఈ అందమైన చిత్రాన్ని ఇంట్లో ఉంచవద్దు..
గులాబీ పువ్వు చూసేందుకు చాలా అందంగా ఉంటుంది. కానీ దాని చిత్రాన్ని లేదా చిహ్నాన్ని ఇంట్లో ఎప్పుడూ ఉంచకూడదు. వాస్తుశాస్త్రం ప్రకారం గులాబీకి ముళ్లు ఉంటాయి. కాబట్టి ముల్లు ఉన్న చిత్రాన్ని లేదా చిహ్నాన్ని ఇంట్లో ఉంచకూడదు. ఇలాంటి చిత్రాలు ప్రతికూలతను పెంచుతాయి. దీంతో పాటు ఇంట్లో నివసించే వారికి ఆరోగ్యంపై కూడా ప్రభావం చూపిస్తుంది.