ఈ వాస్తు నియమాలు పాటిస్తే అప్పుల భాదలకు చెక్ పెట్టవచ్చు

వాస్తుశాస్త్రం ప్రకారం మీ ఇంట్లో అప్పుల భారం ఎక్కువగా ఉంటే వీలైనంత వరకు సాయంత్రం కూడా ఇంటిని శుభ్రపరచడం, లేదా తుడిచిపెట్టడం మర్చిపోవద్దు. ఎందుకంటే లక్ష్మీదేవి అనుగ్రహం పొందాలంటే ఇల్లు ఎప్పుడూ శుభ్రంగా ఉండాలి. సాయంత్రం సమయంలో ఇంటిని శుభ్రపరుచుకోనట్లయితే జాతకుడి జీవితంలో పేదరికం, అప్పుల భారం పెరుగుతాయి. అంతేకాకుండా ఇంట్లో ఆర్థిక సమస్యలు పెచ్చరిల్లుతాయి.

వాస్తుశాస్త్రం ప్రకారం సాయంత్రం సమయంలో పడుకోవడం కచ్చితంగా నిషేధించారు. మీరు ఒకవేళ ఇలా చేస్తున్నట్లయితే వెంటనే ఆ అలవాటును మానుకోండి. ఎందుకంటే సాయంకాలం సమయంలో నిద్రపోవడం వల్ల జాతకుడు డబ్బును కోల్పోతాడు. అలాగే అప్పుల భారం కూడా పెరుగుతుంది. అందువల్ల సాయంత్రం నిద్రపోవడానికి బదులుగా ఇష్టదేవతలను పూజించండి. ఇలా చేయడం ద్వారా లక్ష్మీదేవి సంతోషిస్తుంది. అంతేకాకుండా జాతకుడి జీవితంలో ఆనందం, శ్రేయస్సు కలిగి ఉండేలా ఆశీర్వదిస్తుంది.

వాస్తుశాస్త్రం ప్రకారం పూజలు లేదా మరే ఇతర పను కోసం సాయంత్రం సమయంలో తులసి ఆకులను కోయకూడదు. ఇలా చేయడం ద్వారా వ్యక్తుల ఆర్థిక స్థితి బలహీన పడుతుంది. ఇది కాకుండా మీరు ఎవరి నుంచి డబ్బు తీసుకోకూడదు. లేదా ఎవ్వరికీ డబ్బు ఇవ్వకూడదు. ఇది జాతకుడిపై అప్పును పెంచుతుంది. డబ్బు ప్రవాహం బాహ్యంగా ఉంటుంది. కాబట్టి సాయంత్రం సమయంలో మర్చిపోయి కూడా తులసి ఆకులను కోయకుండా జాగ్రత్త వహించండి.