ఈ అలవాట్లుంటే వెంటనే మానుకోవాలి.. లేకుంటే అనారోగ్య సమస్యలు తలెత్తుతాయి

వాస్తుశాస్త్రం ప్రకారం మీరు మీ పాదాలను తూర్పు దిశలో ఉంచి పడుకున్నా లేదా పశ్చిమ దిశలో నీటి లీకేజి లేదా నీటి వనరు ఉన్నట్లయితే వాటిని అవరోధాలుగా పరిగణిస్తారు. అంతేకాకుండా ఈ పరిస్థితుల్లో అనేక అంటువ్యాధులు కలిసి వస్తాయని విశ్వసిస్తారు. ఈ విషయాన్ని దృష్టిలో ఉంచుకొని పశ్చిమ దిశలో నీటి లీకేజ్ ఉంటే వెంటనే తొలగించండి.

వాస్తుశాస్త్రం ప్రకారం మీ ఇంటికి ఈశాన్య దిశలో చెత్తా చెదారం, వ్యర్థాలు ఉన్నట్లయి అశుభంగా పరిగణిస్తారు. ఎందుకంటే ఈ దిశలో వీటిని అస్సలు ఉంచకూడదు. ఉంచితే ఇంట్లోకి ప్రతికూల శక్తులు ప్రవేశిస్తాయని నమ్ముతారు. అంతేకాకుండా ప్రతి రోజు ఇంటి సభ్యులకు తీవ్ర తలనొప్పి వచ్చే అవకాశముంది. కాబట్టి పనికిరాని వస్తువులు ఈ దిశలో ఉంటే తీసివేయండి.

వాస్తుశాస్త్రం ప్రకారం మీరు అగ్నికోణంలో నిద్రించే అలవాటు ఉంటే వీలైనంత వెంటనే సవరించుకోవాలి. ఎందుకంటే ఇలా పడుకోవడం రక్తపోటుకు కారణమవుతుంది. ఎవరైనా వ్యక్తులు ఈ విధంగా చేయడం వల్ల బీపీ పెరగడమే కాకుండా ఇతర రోగాలు కూడా వచ్చే అవకాశముంది.

వాస్తుశాస్త్రం ప్రకారం ఎవరైనా వ్యక్తులు సంతాన సమస్యలను ఎదుర్కొంటుంటే వారు ఈ విధంగా చేయాలి. సదరు వ్యక్తి ఇంటికి మధ్యలోనే పడుకోవాలి. ఇలా చేస్తే జాతకులకు సంతానానికి సంబంధించిన సమస్యలను తొలుగుతాయని విశ్వసిస్తారు.