ఉగ్ర రూప చిత్రాలు..
వాస్తు శాస్త్రం ప్రకారం, మీ ఇంట్లో ఉగ్ర రూపం, క్షుద్ర రూపంతో ఉండే శివయ్య ఫొటోలు ఉండకూడదు. మీరు పొరపాటున ఇలాంటి ఫొటోలు లేదా ప్రతిమలను పెట్టుకుంటే మీకు నిత్యం కష్టాలే ఎదురవుతాయి. మీ ఇంట్లో ప్రతికూల శక్తులు ప్రవేశించే అవకాశం ఎక్కువగా ఉంటుంది. అలాగే కోపంతో ఉండే నటరాజ స్వామి విగ్రహం లేదా ఫొటోలు కూడా ఉండకుండా చూసుకోండి.
Vastu Tips : చీపురు విషయంలో ఈ పొరపాట్లు చేస్తే దరిద్రం పెరుగుతుందట..
శివ పార్వతుల ఫోటో..
మీ ఇంట్లో శివుని ప్రతిమ లేదా ఫొటోను ఎక్కడ పెట్టాలంటే.. ప్రతి ఒక్కరి దృష్టి ఆ చిత్రంపై పడేలా చూసుకోవాలి. ముఖ్యంగా శివుడు ప్రశాంతంగా ధ్యానం చేస్తున్న ఫోటో లేదా ప్రతిమను ఉంచుకోవాలి. ఇలా చేయడం వల్ల మీ ఇంట్లో సుఖశాంతులు పెరుగుతాయి. అలాగే శివపార్వతులు సతీసమేతంగా ఉండే ఫోటోలను కచ్చితంగా ఉండేలా చూసుకోండి. ఇలా చేయడం వల్ల మీ ఇంట్లో శుభ ఫలితాలొస్తాయి.
శివయ్య కుటుంబ చిత్రం..
ఎవరి ఇంట్లో లేదా వ్యక్తుల మధ్య నిత్యం గొడవలు జరుగుతుంటే, మీ ఇంట్లో అశాంతి నెలకొందని మీరు భావిస్తే, శివపార్వతీ కుటుంబం అంటే వినాయకుడు, సుబ్రమ్మణ్యం, పార్వతీ పరమేశ్వరులు కలిసి ఉండే ఫోటోను ఉంచుకోండి. ఈ ఫోటో వల్ల మీ సమస్యలకు పరిష్కారం లభిస్తుంది. అలాగే మీకు లక్ష్మీదేవి అనుగ్రహం కూడా లభిస్తుంది.
నవ్వుతున్న శివయ్య ఫోటో...
వాస్తు శాస్త్రం ప్రకారం, మీరు ఇంట్లో ఏ చోట అయితే శివయ్య విగ్రహాన్ని లేదా ఫోటోను పెడుతున్నారో అక్కడ శుభ్రంగా ఉండేలా చూసుకోండి. అలాగే ఇంట్లో ఉత్తర దిశలోనే ఈశ్వరుడి ఫోటో ఉండేలా జాగ్రత్తలు తీసుకోండి. అప్పుడే మీకు సానుకూల ఫలితాలొస్తాయి. మీ ఇంట్లో ప్రశాంత వాతావరణం నెలకొంటుంది. శివుడు ఫోటోలో నవ్వుతూ ఉంటే మీ కష్టాలన్నీ తొలగిపోతాయి.