These Signs Hint That Goddess Lakshmi Is Going To Bless You With Money In Telugu
Goddess Lakshmi ఈ శుభ సంకేతాలు కనిపిస్తే లక్ష్మీదేవి మీ ఇంట్లోకి అడుగు పెడుతున్నట్టే...!
Goddess Lakshmi హిందూ మత విశ్వాసాల ప్రకారం, లక్ష్మీదేవిని సంపదల దేవతగా పరిగణిస్తారు. మహాలక్ష్మీ అనుగ్రహం ఉంటే చాలు ఎవరైనా ధనవంతులు అవుతారని, తాము జీవితాంతం సంతోషంగా ఉంటామని, తమ ఇల్లు సంపదలతో నిండి ఉంటుందని నమ్ముతారు.
Authored byఎస్.వెంకటేష్ | Samayam Telugu10 Jan 2023, 8:44 pm
Goddess Lakshmi మనలో ప్రతి ఒక్కరూ ధన లక్ష్మీ ఆశీస్సులు కావాలని.. ఆ తల్లి మన ఇంట్లో ఉండాలని కోరుకుంటూ ఉంటారు. ఎందుకంటే ఆ మహా లక్ష్మీ అడుగు పెట్టిన చోటల్లా శుభ ఫలితాలు, శుభ సంకేతాలు వస్తాయని చాలా మంది నమ్ముతారు. లక్ష్మీ దేవి ఇంట్లో నివాసం ఉంటే ధనం కొరత అనేదే ఉండదు. ఎందుకంటే ఆ తల్లి ఐశ్వర్యానికి దేవతగా పరిగణిస్తారు. ఇదిలా ఉండగా వాస్తు శాస్త్రం ప్రకారం, లక్ష్మీదేవి మీ ఇంట్లోకి వచ్చే ముందు కొన్ని శుభ సంకేతాలను తీసుకొస్తుంది. ఆ విశేషాలేంటో ఇప్పుడే చూసెయ్యండి...
లక్ష్మీదేవి సంకేతాలివే..!
మీ ఇంట్లోకి అకస్మాత్తుగా నల్ల చీమలు రావడం ప్రారంభమైతే, ఏదైనా వస్తువులను ఒక్కసారిగా గుంపుగా తినడం ప్రారంభిస్తే, లక్ష్మీ దేవి మీ ఇంట్లోకి అడుగు పెడుతుందని, మీకు ఎక్కువ డబ్బు లభిస్తుందని చాలా మంది నమ్ముతారు. ఏదైనా పక్షి వచ్చి మీ ఇంట్లో గూడు కట్టుకుంటే, అది చాలా శుభ సూచకంగా పరిగణించబడుతుంది. అయితే మీరు కొన్ని కారణాల వల్ల ఆ చెట్టును నరికితే, దాని వల్ల మీకు అశుభ ఫలితాలొచ్చే అవకాశం ఉంది.
మీ ఇంట్లో అకస్మాత్తుగా ఒకేచోట మూడు బల్లులు కనిపిస్తే లక్ష్మీదేవి వస్తుందని అర్థం. ఇది చాలా శుభ సంకేతంగా పరిగణించబడుతుంది. అలాగే దీపావళి రోజున తులసి మొక్క చుట్టూ బల్లులు కనిపిస్తే, అది కూడా చాలా శుభప్రదంగా భావిస్తారు. అయితే ప్రతిరోజూ తులసి మొక్క చుట్టూ అనేక బల్లులు ఒక్కసారిగా కనిపిస్తే అది అశుభ సంకేతంగా పరిగణిస్తారు.
కలలో ఇవి కనిపిస్తే..
మీ కుడి చేతిలో నిరంతరం దురద పుడుతుంటే, మీకు ఆర్థిక పరమైన విషయాల్లో లాభాలొస్తాయని అర్థం. మీరు నిద్ర పోతున్నపుడు రాత్రి కలలో చీపురు, గుడ్లగూబ, కాడ, ఏనుగు, ముంగిస, శంఖం, బల్లి, నక్షత్రం, పాము, గులాబీ వంటివి కనిపిస్తే, మీ సంపద పెరిగేందుకు సంకేతంగా భావిస్తారు.
ఉదయాన్నే వీటిని చూస్తే..
ఉదయం నిద్ర లేవగానే శంఖానికి సంబంధించిన శబ్దం వినిపిస్తే, అది లక్ష్మీదేవి మీ ఇంట్లో అడుగు పెడుతుందనేందుకు సంకేతం. అలాగే మీరు ఇంటి నుంచి బయటికి వెళ్లేటప్పుడు చెరకును చూస్తే, అది కూడా సంపదకు సంకేతంగా భావిస్తారు. ఇంటి నుంచి బయటకు వెళ్లేటప్పుడు, దారిలో కుక్క నోట్లో శాఖాహారం లేదా రోటీని తీసుకురావడం కనిపిస్తే, మీరు డబ్బు సంపాదించబోతున్నారని అర్థం.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
ఎస్.వెంకటేష్ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ప్రతిరోజూ ఆస్ట్రాలజీ, ఆధ్యాత్మిక రంగాలకు సంబంధించి కొత్త విషయాలను, మిస్టరీలను, ప్రత్యేకమైన సమాచారాన్ని అందిస్తారు. తనకు జర్నలిజంలో 8 ఏళ్లకు పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, క్రీడలు, ఫీచర్స్, లైఫ్స్టైల్(జీవన శైలి)కు సంబంధించిన సమాచారాన్ని అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.