Vastu Tips 2023 Godess Lakshmi Devi Will Be Angry If You Do These Things Even By Mistake In Telugu
Vastu Tips 2023 కొత్త ఏడాదిలో పొరపాటున కూడా ఈ పనులు చేయకండి.. ఎందుకంటే లక్ష్మీదేవికి కోపం వస్తుంది...!
Vastu Tips 2023 ‘ధనం మూలం ఇదం జగత్’. ఈ లోకంలో ఏ పని కావాలన్నా డబ్బులు ఉండాల్సిందే. ఆ డబ్బు కోసం కొందరు తెగ కష్టపడిపోతూ ఉంటారు. అయితే మీ జీవితంలో డబ్బుకు లోటు అనేది రాకూడదంటే లక్ష్మీదేవి అనుగ్రహం కచ్చితంగా ఉండాల్సిందే. అయితే ఇంట్లో కొన్ని పనులు చేయడం వల్ల మీ ఇంటి నుంచి లక్ష్మీదేవి వెళ్లిపోతుందట. ఆ విశేషాలేంటో ఇప్పుడు తెలుసుకుందాం...
Authored byఎస్.వెంకటేష్ | Samayam Telugu5 Jan 2023, 5:52 pm
Vastu Tips 2023 అప్పుడే మనందరం ఆంగ్ల నూతన సంవత్సరంలోకి అడుగు పెట్టేశాం. కాలం చాలా వేగంగా కరిగిపోతున్నట్టు అనిపిస్తోంది. ఇదిలా ఉండగా.. కొత్త ఏడాదిలోనైనా తమ కోరికలన్నీ నెరవేరాలని.. ఎక్కువ డబ్బు సంపాదించాలని.. తమ లక్ష్యాలన్నీ చేరుకోవాలని.. సంవత్సరం పొడవునా ఆనందంగా గడపాలని ప్రతి ఒక్కరూ కోరుకుంటారు. తమ జీవితంలో డబ్బు కొరతే రాకూడదని భావిస్తారు. ఎందుకంటే డబ్బు లేనిదే ఈ లోకంలో ఏ పని జరగదు. మనం సుఖంగా, సౌకర్యవంతంగా జీవించాలంటే డబ్బు చాలా అవసరం. వీటన్నింటి సంగతి పక్కనబెడితే కొందరు వ్యక్తులు ఎంతగా కష్టపడినా ఫలితం మాత్రం ఆశించిన విధంగా రాదు. మరికొందరు వ్యక్తులు చిన్న చిన్న ట్రిక్స్ ఫాలో అయి అంతులేని ఆదాయాన్ని పొందుతారు. అయితే ఇంకా కొందరు వ్యక్తులు డబ్బు సంపాదించాలనే ఆశలో పడి కొన్ని పొరపాట్లు చేస్తుంటారు. ఇలా తెలిసీ తెలియక చేసే పనుల వల్ల లక్ష్మీదేవికి కోపం వస్తుందట. కాబట్టి మీరు కొత్త ఏడాదిలో పొరపాటున కూడా ఈ పనులు చేయకండి. వాస్తు శాస్త్రం ప్రకారం, లక్ష్మీ దేవికి తీవ్ర ఆగ్రహం తెప్పించే పనులేంటనే ఆసక్తికరమైన విషయాలను ఇప్పుడు తెలుసుకుందాం...
అతిగా నిద్రపోవడం..
ప్రతి ఒక్క మనిషికి నిద్ర అనేది చాలా అవసరం. అయితే రోజుకు 6 లేదా 8 గంటల నిద్ర సరిపోతుంది. ఇలా నిద్రించడం వల్ల అలసట తగ్గిపోయి, చురుగ్గా మారతారు. ఇదిలా ఉండగా వాస్తు శాస్త్రం ప్రకారం ఏ ఒక్కరూ అతిగా నిద్రపోవడం వంటివి చేయకూడదు. ఇలా చేస్తే వారిపై లక్ష్మీదేవి చాలా కోపంగా ఉంటుంది. వారి ఇంట్లో డబ్బు నిల్వ ఉండకుండా చేస్తుందని పండితులు చెబుతారు. కాబట్టి ఆలస్యంగా మేల్కొనే అలవాటును మానుకోండి.
హిందూ మత విశ్వాసాల ప్రకారం, దీపారాధన ఎంతో ప్రాముఖ్యత ఉంది. ప్రతిరోజూ ఇంట్లో దీపాన్ని వెలిగించడం వల్ల ఆనందం, శ్రేయస్సు లభిస్తాయి. వాస్తు శాస్త్రం ప్రకారం, సాయంకాలం సంధ్యా వేళలో దీపం వెలిగించిన వారి ఇంట్లో లక్ష్మీదేవి నివాసం ఉండటానికి ఇష్టపడుతుంది. అంతేకాదు ఆ తల్లి ఆశీస్సులు ఎల్లప్పుడూ మీ వెంటే ఉంటాయి.
కోపంగా ఉండొద్దు..
వాస్తు శాస్త్రం ప్రకారం, ఎవరైతే అస్తమానం కోపం తెచ్చుకుంటూ ఉంటారో.. అలాంటి వారి ఇంట్లో లక్ష్మీదేవి ఒక్క క్షణం కూడా ఉండదట. అలాంటి వారిపై లక్ష్మీ దేవి కూడా ఆగ్రహం వ్యక్తం చేస్తుందట. అలాంటి వ్యక్తుల కోరికలు ఎప్పటికీ నెరవేరవు. అయితే ఎవరైతే ప్రశాంతంగా ఉంటారో అలాంటి వారికి అమ్మవారి అనుగ్రహం కచ్చితంగా లభిస్తుంది. కాబట్టి వీలైనంత ఎక్కువ సమయం ప్రశాంతంగా ఉండాలి.
ప్రతికూల శక్తుల ప్రభావం
కొందరు వ్యక్తులు పరిశుభ్రతను అస్సలు పట్టించుకోరు. క్లీనింగ్ విషయాన్ని చాలా లైట్ తీసుకుంటారు. అయితే ఎవరి ఇల్లు అయితే మురికిగా ఉంటుందో వారి ఇంట్లోకి ప్రతికూల శక్తులు ప్రవేశిస్తాయి. లక్ష్మీదేవి చాలా కోపంగా ఉంటుంది. కాబట్టి మీరు కోరుకున్న ఆదాయం పొందాలంటే ఇంటి శుభ్రతపై ప్రత్యేక శ్రద్ధ వహించాలి.
ఆర్థిక సమస్యలు రాకూడదంటే..
వాస్తు శాస్త్రం ప్రకారం, ఇంటి శుభ్రతతో పాటు వ్యక్తిగత పరిశుభ్రత కూడా చాలా ముఖ్యమైనది. ముఖ్యంగా ఉతకకుండా ఉన్న బట్టలను అస్సలు వేసుకోవద్దు. అలాంటి వారి ఇంట్లో లక్ష్మీదేవి అస్సలు ఉండదట. కాబట్టి ఎల్లప్పుడూ ఉతికిన బట్టలను వేసుకోండి. ఇలా చేయడం వల్ల మీకు ఆర్థిక సమస్యల నుంచి ఉపశమనం లభిస్తుంది.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
ఎస్.వెంకటేష్ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ప్రతిరోజూ ఆస్ట్రాలజీ, ఆధ్యాత్మిక రంగాలకు సంబంధించి కొత్త విషయాలను, మిస్టరీలను, ప్రత్యేకమైన సమాచారాన్ని అందిస్తారు. తనకు జర్నలిజంలో 8 ఏళ్లకు పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, క్రీడలు, ఫీచర్స్, లైఫ్స్టైల్(జీవన శైలి)కు సంబంధించిన సమాచారాన్ని అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.