తులసి మొక్క..
వాస్తు శాస్త్రం ప్రకారం, మీ ఇంటి ఆవరణంలో తులసి మొక్కను ఎల్లప్పుడూ ఇంటికి తూర్పు లేదా ఉత్తర దిశలో నాటాలి. ఈ దిశలో తులసిని నాటడం వల్ల మీ కుటుంబంలో శుభ ఫలితాలొస్తాయి. మీ ఇంట్లో ప్రతికూల శక్తులు తొలగిపోయి సానుకూల వాతావరణం ఏర్పడుతుంది. హిందూ మతంలో తులసి మొక్కను లక్ష్మీదేవి రూపంగా పరిగణిస్తారు. కాబట్టి ఇంట్లో తులసి మొక్కను నాటడం వల్ల లక్ష్మీదేవితో పాటు విష్ణుమూర్తి ఆశీస్సులు కూడా లభిస్తాయి.
Sun Transit in Cancer :కర్కాటకంలో సూర్యుడి సంచారం.. ఈ 5 రాశులకు సువర్ణావకాశం...!
జమ్మి మొక్క..
వాస్తు శాస్త్రం ప్రకారం, మీ ఇంట్లో జమ్మి మొక్కను నాటడం వల్ల మీ కుటుంబ సభ్యులకు చాలా శుభప్రదంగా ఉంటుంది. ఈ మొక్కను పూజించడం వల్ల మీకు శని దేవుని అనుగ్రహం లభిస్తుంది. జమ్మి మొక్కను తులసితో కలిపి నాటితే, మీరు అనేక ప్రయోజనాలను పొందుతారు.
అరటి మొక్క..
వాస్తు శాస్త్రం ప్రకారం, మీ ఇంటి ఆవరణంలో ప్రతికూలతను పోగొట్టుకోవడానికి అరటి చెట్టు మొక్కను నాటాలి. దీని వల్ల మీకు చాలా శుభప్రదమైన ఫలితాలొస్తాయి. తులసి మొక్కను ఇంట్లో పెడితే ఐశ్వర్యంతో పాటు ఆర్థిక పరమైన సమస్యలు కూడా తొలగిపోతాయి. అయితే తులసి మొక్కతో పాటు అరటి మొక్కను కలిపి నాటకుండా ప్రత్యేక శ్రద్ధ వహించాలి. ఈ రెండు మొక్కలను నాటేటప్పుడు సరైన జాగ్రత్తలు తీసుకోవాలి. ముందుగా తులసి మొక్కను ఇంటి ప్రధాన ద్వారానికి ఎడమవైపున, అరటి మొక్కను కుడివైపున నాటితే సానుకూల ఫలితాలొస్తాయి.
ఉమ్మెత్త మొక్క..
ఉమ్మెత్త మొక్క శివుని నివాసం అని చాలా మంది నమ్మకం. కాబట్టి పవిత్రమైన శ్రావణ మాసంలో నల్లని ఉమ్మెత్త మొక్కను ఆదివారం మరియు మంగళవారం రోజున నాటాలి. ఈ మొక్కను ఇంట్లో నాటడం వల్ల పరమేశ్వరుని ఆశీస్సులు కచ్చితంగా లభిస్తాయి.
చంపా మొక్క..
వాస్తు శాస్త్రం ప్రకారం, మీ ఇంట్లో అరటి, చంపా వంటి మొక్కలను నాటడం వల్ల శుభప్రదంగా పరిగణించబడుతుంది. మీరు జీవితంలో ఆర్థిక పరమైన ఇబ్బందుల నుండి విముక్తి పొందడమే కాదు.. డబ్బుకు సంబంధించిన ప్రయోజనాలను పొందుతారు. ఈ మొక్కను ఇంట్లోని వాయువ్య దిశలో నాటడం అత్యంత శుభ ఫలితాలను పొందుతారు.