బాత్రూమ్ కు లైట్ కలర్..
వాస్తు శాస్త్రం ప్రకారం, ఇంట్లో అటాచ్డ్ బాత్రూమ్స్ ప్రభావం భార్యభర్తల సంబంధాలపై ప్రభావం చూపుతుంది. కాబట్టి ఆలుమగలు కలిసి నిద్రించేటప్పుడు బాత్రూమ్ వైపు పాదాలు లేకుండా చూసుకోవాలి. ఒకవేళ అలా కాళ్లు చేసి పడుకుంటే మీ దాంపత్య జీవితంలో గొడవలు పెరిగే అవకాశం ఉంది. బాత్రూమ్ కు పెయింటింగ్ వేసేటప్పుడు లైట్ కలర్ ఉండేలా చూసుకోవాలి. గోధుమ, తెలుపు రంగులు బాత్రూమ్స్ సరిగ్గా సరిపోతాయి.
Best Sleeping Direction వాస్తు ప్రకారం, నిద్రించే ముందు మీ తల దగ్గర ఈ వస్తువులను ఉంచుకుంటే ఎన్ని ప్రయోజనాలో తెలుసా...!
ఇవి లేకుండా చూసుకోండి..
వాస్తు శాస్త్రం ప్రకారం, మీరు నిద్రించడానికి ముందు మీ బాత్రూమ్ తలుపును తప్పనిసరిగా మూసి ఉంచాలన్న విషయాన్ని గుర్తుంచుకోండి. ఇలా చేయకపోయినా ఆలుమగల దాంపత్య జీవితంలో గొడవలు పెరిగే అవకాశం ఉంది. అంతేకాదు ఇది మీ ఆర్థిక స్థితిని కూడా ప్రభావితం చేస్తుంది. కాబట్టి పడుకునే ముందు బాత్రూమ్ తలుపులు మూసేయండి. బాత్రూమ్స్ లో నీలి రంగు బకెట్ లేదా టబ్ ఉండేలా చూసుకోవాలి. దీని వల్ల శుభ ఫలితాలొస్తాయి. అయితే నలుపు, ఎరుపు రంగుల బకెట్లు లేదా టబ్ లను ఉపయోగించొద్దు.
గాజు గిన్నెలో రాళ్ల ఉప్పు..
మనలో చాలా మంది అటాచ్డ్ బాత్రూమ్స్ లో తెలిసో తెలియక కొన్ని పొరపాట్లు చేస్తుంటారు. అందుకే వాస్తు దోషాలను తొలగించేందుకు మీ బాత్రూమ్స్ లో ఎల్లప్పుడూ ఒక గాజు గిన్నెను ఉంచి, అందులో రాళ్ల ఉప్పుతో నింపండి. ప్రతి వారం ఈ నీళ్లను మారుస్తూ ఉండాలి. ఇలా చేయడం వల్ల మీకు సానుకూల ఫలితాలొస్తాయి. అలాగే బాత్రూమ్స్ లో నీళ్లు లీక్ కాకుండా చూసుకోవాలి.
తడి బట్టలు ఉంచొద్దు..
మనలో చాలా మంది బాత్రూమ్స్ లో బట్టలు ఉతకడం, ఆ తడి బట్టలను కుళాయి(Tap)లపై ఉంచడం వంటివి చేస్తుంటారు. అయితే ఇలా ఎప్పటికీ చేయకూడదు. బాత్రూమ్స్ లో తడి బట్టలు ఉంచడం వల్ల వాస్తు దోషాలు పెరిగే అవకాశం ఉంటుంది. అందుకే బాత్రూమ్స్ లో ఎక్కువ సమయం నానబెట్టిన బట్టలను ఉంచకండి.
టాయిలెట్ సీటు మూసే ఉంచాలి..
వాస్తు శాస్త్రం ప్రకారం, టాయిలెట్ సీటును ఎల్లప్పుడూ మూసే ఉంచాలి. ఒకవేళ పొరపాటును ఆ సీటును తెరిచి ఉంచితే, మీ ఇంట్లోకి ప్రతికూల శక్తులు ప్రవేశించే అవకాశం ఉంది. దీంతో పాటు ఆర్థిక పరంగా నష్టాలు ఎదురయ్యే ప్రమాదం ఉంది. కాబట్టి టాయిలెట్ సీటు ఎప్పటికీ మూసే ఉంచాలని గుర్తుంచుకోండి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు.
Read Latest Astrology News and Telugu News