Saturn Transit 2023 In Aquarius Know The Impact On All Zodiac Signs In Telugu
Saturn Transit 2023 జనవరి 17న కుంభంలోకి శని సంచారం వేళ.. ఏ రాశులకు శని మహాదశ నుంచి ఉపశమనం లభిస్తుదంటే...!
Saturn Transit 2023 వేద జ్యోతిష్యశాస్త్రం ప్రకారం, నవ గ్రహాలలో శని గ్రహం అత్యంత నెమ్మదిగా ప్రయాణిస్తుంది. శని గ్రహం ఒక రాశి నుంచి మరొక రాశిలోకి మారేందుకు దాదాపు రెండున్నరేళ్ల సమయం పడుతుంది. ఈ నేపథ్యంలో 2023లో జనవరి 17న మంగళవారం నాడు కుంభరాశిలోకి సంచారం చేయనున్నాడు. ఈ సందర్భంగా ద్వాదశ రాశులపై ప్రభావం పడనుంది.
Authored byఎస్.వెంకటేష్ | Samayam Telugu11 Jan 2023, 11:34 am
Saturn Transit 2023 జ్యోతిష్యశాస్త్రం శని దేవుడు తన స్థానాన్ని మారిన సమయంలో ద్వాదశ రాశులను ప్రభావితం చేస్తాడు. దాదాపు 30 సంవత్సరాల తర్వాత శని భగవానుడు కుంభరాశిలోకి సంచారం చేయనున్నాడు. ఈ సమయంలో కొన్ని ప్రధానమైన యోగాలు ఏర్పడనున్నాయి. అందులో ముఖ్యమైనది ‘శష మహాపురుష యోగం’. దీన్ని రాజ యోగాలలో ఇది ప్రధానమైనదిగా పరిగణిస్తారు. జ్యోతిష్యశాస్త్రం ప్రకారం, ద్వాదశ రాశుల వ్యక్తులలో ఎవరి జాతకంలో అయితే ఈ రాజయోగం శుభ స్థానంలో ఏర్పడుతుందో వారు తమ కుటుంబ, వ్యక్తిగత జీవితంలో సంతోషంగా ఉంటారు. అంతేకాదు ఈ కాలంలో చేపట్టే ప్రతి ప్రయత్నంలోనూ విజయం సాధిస్తారు. ఈ నేపథ్యంలో శని సంచార కాలంలో ద్వాదశ రాశులలో మూడు రాశుల వారికి అత్యద్భుతమైన ప్రయోజనాలు కలగనున్నాయి. మిగిలిన రాశుల వారికి ఎలాంటి ఫలితాలు రానున్నాయనే ఆసక్తికరమైన విషయాలను ఇప్పుడు తెలుసుకుందాం...
మేష రాశి (Aries)..
కొత్త ఏడాదిలో శని సంచారం వల్ల ఈ రాశి వారికి ప్రతికూల ఫలితాలు వచ్చే అవకాశం ఉంది. కాబట్టి మీరు స్వీయ నియంత్రణలో ఉండాలి. మీ కుటుంబ సమస్యల పట్ల ఎక్కువ శ్రద్ధ వహించాలి. ఈ కాలంలో మీరు మత పరమైన కార్యక్రమాల్లో పాల్గొనాల్సి ఉంటుంది. మరోవైపు స్నేహితుని సహాయంతో లాభాలు పొందడానికి అవకాశాలు పుష్కలంగా ఉంటాయి.
ఈ రాశి వారు శని రవాణా కాలంలో మానసిక ప్రశాంతతను కోల్పోవచ్చు. ఈ సమయంలో మీరు ఆరోగ్యం పట్ల ఎక్కువ శ్రద్ధ వహించాలి. ఉద్యోగులు కార్యాలయంలో ఉన్నతాధికారులతో సత్సంబంధాలను పెంచుకోవాలి.
మిధున రాశి(Gemini)..
ఈ రాశి వారికి శని సంచారం కాలంలో శుభ ఫలితాలు వచ్చే అవకాశం ఉంది. ఈ సమయంలో మిధున రాశి వారి ఆత్మవిశ్వాసం ఎక్కువగా ఉంటుంది. ఉద్యోగులకు పురోగతికి అవకాశాలు లభిస్తాయి. కొత్త వాహనాలు కొనుగోలు చేయొచ్చు. మీ జీవిత భాగస్వామి ఆరోగ్యం పట్ల శ్రద్ధ వహించాలి.
కర్కాటక రాశి(Cancer)..
ఈ రాశి వారికి శని రవాణా చేసే సమయంలో మానసిక, శారీరక సమస్యలను ఎదుర్కోవాల్సి ఉంటుంది. ఈ కాలంలో మీరు స్నేహితుడి సహాయంతో సంపదను పెంచుకునే ప్రయత్నం చేస్తారు. మీ ఇంట్లో సంతోషంగా ఉంటుంది.
సింహ రాశి(Leo)..
ఈ రాశి వారికి శని సంచారం కాలంలో ప్రతికూల ఫలితాలొస్తాయి. అయితే మీకు ఆత్మవిశ్వాసం ఎక్కువగా ఉంటుంది. ఈ కారణంగా మీరు ఎలాంటి సమస్యలనైనా ధైర్యంగా ఎదుర్కొంటారు. మీ కుటుంబ జీవితంలో ఆనందం, శాంతి ఉంటుంది. మీ ఆరోగ్యాన్ని జాగ్రత్తగా చూసుకోవాలి.
కన్య రాశి(Virgo)..
కుంభరాశిలోకి శని రవాణా చేసే సమయంలో కన్య రాశి వారు చాలా ఓపికగా ఉండాలి. అనవసరమైన కోపం తెచ్చుకోకూడదు. మీరు అనేక చర్చలకు దూరంగా ఉండాలి. ఏదైనా ఆస్తి నుంచి మీకు రావాల్సిన ఆదాయం పెరగొచ్చు. మీకు కొత్త ఆదాయ వనరులు లభిస్తాయి. మీరు చేసే పనిలో గౌరవం పెరుగుతుంది.
ఈ రాశి వారు శని సంచారం సమయంలో చాలా జాగ్రత్తగా ఉండాలి. ఈ కాలంలో మీ మనసులో అనేక ప్రతికూల ఆలోచనలు రావొచ్చు. ఉద్యోగులకు కార్యాలయంలో అదనపు బాధ్యతలు మీద పడే అవకాశం ఉంది. ఈ కాలంలో పనిభారం ఎక్కువగా ఉంటుంది.
వృశ్చిక రాశి(Scorpio)..
ఈ రాశి వారికి శని సంచారం సమయంలో నిరాశజనకంగా ఉండొచ్చు. మీరు చాలా విషయాల్లో ప్రతికూల పరిస్థితులను ఎదుర్కోవాల్సి వస్తుంది. కాబట్టి ఈ కాలంలో జాగ్రత్తగా ఉండాలి. ముఖ్యంగా మీ ఆరోగ్యంపై ఎక్కువ శ్రద్ధ వహించాలి. మరోవైపు ఖర్చులు కూడా పెరిగే అవకాశం ఉంది.
ధనస్సు రాశి(Sagittarius)..
శని సంచారం వేళ ఈ రాశి వారికి చాలా రంగాల్లో నష్టాలు ఎదురయ్యే అవకాశం ఉంటుంది. అయితే మీ ఆత్మవిశ్వాసం పెరుగుతుంది. ఈ కాలంలో ఉద్యోగులు తమ ఉద్యోగాన్ని మార్చాలనుకుంటారు. వ్యాపారులకు అనేక రకాల సమస్యలు ఎదురవుతాయి. ఆరోగ్యం విషయంలో జాగ్రత్తగా ఉండాలి.
మకర రాశి(Capricorn)..
ఈ రాశి వారికి శని సంచారం సమయంలో శుభ ఫలితాలు వచ్చే అవకాశం ఉంది. ఈ కాలంలో ఉద్యోగులు విదేశాలకు వెళ్లే అవకాశాలు ఉన్నాయి. మీరు ఈ సమయంలో చేసే ప్రయాణం వల్ల ప్రయోజనకరమైన ఫలితాలను పొందొచ్చు. కొత్త వాహనాన్ని కొనుగోలు చేసే అవకాశం ఉంది.
కుంభ రాశి(Aquarius)..
ఇదే రాశిలోని శని భగవానుడు 30 ఏళ్ల సంచారం చేయనున్నాడు. ఈ సమయంలో ఈ రాశి వారికి మిశ్రమ ఫలితాలు ఎదురయ్యే అవకాశం ఉంది. మీ కుటుంబ జీవితంలో ఆనందంగా ఉంటుంది. రియల్ ఎస్టేట్ రంగంలో ఉండే వారికి సానుకూల ఫలితాలు రావొచ్చు. ఉద్యోగులకు పురోగతి లభించొచ్చు. మీ ఆదాయం పెరిగే అవకాశం ఉంది. మీ ఆరోగ్యం మెరుగుపడుతుంది. అయితే ఈ రాశి వారికి శని సాడే సతి రెండో దశ ప్రారంభమవుతుంది. దీంతో కొన్ని సమస్యలు పెరిగే అవకాశం ఉంది.
మీన రాశి(Pisces)..
ఈ రాశి వారికి శని సంచార కాలంలో శుభ ఫలితాలు వచ్చే అవకాశం ఉంది. వ్యాపారులకు ఈ సమయంలో మెరుగైన లాభాలు రావొచ్చు. మీ వ్యాపారం విస్తరించే అవకాశం ఉంది. అయితే శని సంచార కాలంలో ఎవరితో అయినా మాట్లాడేటప్పుడు చాలా ప్రశాంతంగా ఉండాలి. మీరు చేసే ప్రయాణాల వల్ల ఖర్చులు పెరగొచ్చు. మీ ఆరోగ్యాన్ని జాగ్రత్తగా చూసుకోవాలి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
ఎస్.వెంకటేష్ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ప్రతిరోజూ ఆస్ట్రాలజీ, ఆధ్యాత్మిక రంగాలకు సంబంధించి కొత్త విషయాలను, మిస్టరీలను, ప్రత్యేకమైన సమాచారాన్ని అందిస్తారు. తనకు జర్నలిజంలో 8 ఏళ్లకు పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, క్రీడలు, ఫీచర్స్, లైఫ్స్టైల్(జీవన శైలి)కు సంబంధించిన సమాచారాన్ని అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.