మేష రాశి(Aries)..
ఈ రాశి వారికి అంగారకుడు(కుజుడు)అధిపతిగా ఉండటం కారణంగా వీరిలో ధైర్యం, ఆత్మవిశ్వాసం ఎక్కువగా ఉంటుంది. దీంతో వీరికి అందరికంటే ఎక్కువ ఎనర్జీ ఉంటుంది. అందుకే వీరు ఎప్పుడూ ఏదో ఒక పని చేస్తూ ఉంటారు. ఖాళీగా కూర్చోవడం వీరికి అస్సలు ఇష్టం ఉండదు. ఏ పనిలో చురుగ్గా పాల్గొనడం.. అందులో సక్సెస్ సాధించడం వీరికి వెన్నతో పెట్టిన విద్య. అంతేకాదు ఆరోగ్యం సరిగా లేని సమయంలో కూడా ఏదో ఒక పని చేస్తుంటారు. అయితే వీరిపై శని ప్రభావం పడినప్పుడు మాత్రం, వీరిలో లేజీనెస్ పెరిగిపోతుంది.
Shani Gochar 2023 శతభిషా నక్షత్రంలోకి శని సంచారం.. రాబోయే 7 నెలల్లో ఈ రాశులకు విశేష ప్రయోజనాలు...!
వృషభ రాశి (Taurus)..
ఈ రాశి వారు స్వభావం రీత్యా చాలా అమాయకంగా కనిపిస్తారు. అయితే వీరు చేసే పనులతో అందరి చేత ప్రశంసలను పొందుతారు. వీరు ఎలాంటి పరిస్థితుల్లో అయినా టెన్షన్ పడరు. చాలా ప్రశాంతంగా ప్రతికూల పరిస్థితులను అధిగమిస్తారు. అందుకే వీరిని విశ్వంలో అత్యంత శక్తివంతుల్లో ఒకరిగా పరిగణిస్తారు.
కర్కాటక రాశి(Cancer)..
ఈ రాశి వారు ప్రపంచంలోనే అత్యంత శక్తివంతులుగా ఉంటారు. వీరి నైపుణ్యం, సామర్థ్యాలతో ఎలాంటి క్లిష్ట పరిస్థితుల్లో అయినా సులభంగా విజయం సాధిస్తారు. వీరు ఎక్కువగా జర్నీ చేసేందుకు ఆసక్తి చూపుతారు. వీరికి ట్రావెల్ చేయడం అంటే ఎంతగానో ఇష్టం. అందుకే ఎల్లప్పుడూ పర్యాటక ప్రదేశాలను వెళ్లేందుకు ఎక్కువ ఆసక్తి చూపుతారు. వీరికి జర్నీ, మూవీస్, బిజినెస్, పాలిటిక్స్ రంగాలపై ఎక్కువ ఆసక్తి ఉంటుంది.
తులా రాశి (Libra)..
ఈ రాశి వారు ఎల్లప్పుడూ చురుగ్గా ఉండేందుకు ప్రయత్నిస్తారు. అందుకోసం అనునిత్యం ఏదో ఒక పని చేస్తూ ఉంటారు. అంతేకాదు వీరికి దూర ప్రయాణాలు చేయడమంటే చాలా ఇష్టం. జర్నీ అంటే చాలు వీరికి ఎక్కడ లేని ఎనర్జీ తన్నుకొచ్చేస్తుంది. వీరు ఏదైనా టూర్ ప్లాన్ చేసుకున్నప్పుడు సెలవులను పొడిగించుకుని మరీ వెళ్తుంటారు. అంతేకాదు ఆరోగ్యం బాగోలేకున్నా ఆనందంగా జర్నీ చేస్తే చాలని భావిస్తారు. ఈ కారణంగా వీరు చాలా సంతోషంగా ఉంటారు.
ధనస్సు రాశి (Sagittarius)..
ఈ రాశి వారు మంచి నైపుణ్యాలు, శక్తి సామర్థ్యాలను కలిగి ఉంటారు. ఈ కారణంగానే అదనపు భారాలు మీద పడ్డా ఏ మాత్రం చలించరు. అన్నింటినీ తమ తెలివితేటలతో విజయవంతంగా పూర్తి చేస్తారు. ఏ పనులైనా సరే నిర్ణీత సమయంలోపు పూర్తి చేసేందుకు ప్రయత్నిస్తారు. వీరిని మల్టీ టాలెంట్ అని చెప్పడంలో ఎలాంటి అతిశయోక్తి లేదు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read Latest Astrology News and Telugu News