ఈ 4 రాశుల ప్రజలు తాబేలు ఉంగరాన్ని అస్సలు ధరించకూడదు.. ఎందుకంటే?

జ్యోతిషశాస్త్రం ప్రకారం మేష రాశి ప్రజలు పొరపాటున కూడా తాబేలు ఉంగరం ధరించకూడదు. ఇందుకు కారణంగా మేష రాశికి అధిపతి అంగారకుడు. ఈ గ్రహం ప్రభావం వల్ల ఈ రాశి ప్రజలు తాబేలు ఉంగరం ధరించడం మంచిది కాదు. ఒకవేళ ధరించినట్లయితే అనేక రకాల సమస్యలను ఎదుర్కోవాల్సి ఉంటుంది. చేపట్టిన పనులు, ప్రారంభించిన వ్యవహారాల్లో అవరోధాలు ఎదురై అనుకున్న సమయానికి పూర్తి కావు.

కన్యా రాశి ప్రజలు కూడా ఈ ఉంగరాన్ని అస్సలు ధరించకూడదు. జ్యోతిషశాస్త్రం ప్రకారం కన్యా రాశికి అధిపతి బుధుడు. అందువల్ల తాబేలు ఉంగరం ఈ రాశి వారు ధరించడం వల్ల ఆర్థిక నష్టాలను ఎదుర్కోవాల్సి ఉంటుంది. అంతేకాకుండా వ్యక్తిగతంగా, వృత్తిపరంగా అనేక రకాల సమస్యలను ఎదురవుతాయి. జీవితంలో సుఖ, సంతోషాలు కరువై ఆందోళన చెందాల్సి ఉంటుంది. కాబట్టి ఈ రాశివారు తాబేలు ఉంగరం ధరించకూడదు.

జ్యోతిషశాస్త్రం ప్రకారం వృశ్చిక రాశికి కూడా అధిపతి అంగారకుడు. ఈ కారణంగా వృశ్చిక రాశి ప్రజలు తాబేలు ఉంగరాన్ని ధరించడం వల్ల కుజ దోష సమస్యను ఎదుర్కోవాల్సి ఉంటుంది. అంతేకాకుండా వృత్తి, ఉద్యోగ, వ్యాపారాల్లో ప్రతికూల ఫలితాలు ఉంటాయి. అవకాశాలు వచ్చినట్లే వచ్చి దూరమవుతాయి. అంతేకాకుండా మీ కిష్టమైనవారితో మీ సంబంధం విచ్ఛిన్నమవుతుంది. వారికి దూరంగా ఉండాల్సి వస్తుంది.

జ్యోతిషశాస్త్రం ప్రకారం మీన రాశి ప్రజలకు తాబేలు ఉంగరాన్ని మర్చిపోయి కూడా ధరించకూడదు. ఈ రాశికి అధిపతి బృహస్పతి. ఈ కారణంగా తాబేలు ఉంగరాన్ని మీన రాశి వారు ధరించినట్లయితే బృహస్పతి స్థానం బలహీనపడుతుంది. ఫలితంగా ఈ రాశి ప్రజలు ధన నష్టం జరగడమే కాకుండా పలు రకాల ఇతర సమస్యలను ఎదుర్కోవాల్సి ఉంటుంది. కాబట్టి ఈ రాశి వారు ఈ ఉంగరాన్ని ధరించకూడదు.

జ్యోతిషశాస్త్రం ప్రకారం తాబేలు విష్ణుమూర్తికి ప్రతీక. ఆయన అవతారాల్లో ఒకటి. క్షీర సాగర మధనం సమయంలో తాబేలు సాయం గురించి వేరేచెప్పనక్కర్లేదు. లక్ష్మీ దేవికి ప్రీతికరమైందిగా తాబేలును భావిస్తారు. తాబేలు నాలుగు కాళ్ల ధర్మ, అర్థ, కామ, మోక్షాలకు ప్రతీకగా పరిగణిస్తారు. ఫలితంగా ఈ ఉంగరాన్ని ధరించడం వల్ల ప్రజల్లో ఆత్మవిశ్వాసం, అనుకూలత ఏర్పడుతుంది. ఇదే సమయంలో ఆర్థిక శ్రేయస్సు కూడా పెరుగుతుంది. ఇది ధరించే ముందు కచ్చితంగా జ్యోతిష్కుడి అభిప్రాయాన్ని తీసుకోవడం మాత్రం మరువకూడదు.