కర్కాటకం..
కర్కాటక రాశి వారి కుటుంబ బంధాలకు ఎక్కువ విలువ ఇస్తారు. కొంచెం సమయం దొరికినా కుటుంబ సభ్యులకే కేటాయిస్తారు. వారితో ఉండటమే వీరికి ఆనందాన్ని ఇస్తుంది. సమాజంలోనూ వీరు బాగానే కనెక్ట్ అవుతారు. ఎక్కువమందితో పరిచయాలు కూడా ఉంటాయి. కానీ ఎవ్వరితోనూ అంత క్లోజ్ అవ్వరు. కొద్ది మంది స్నేహితులతోనే ప్రత్యేకంగా బంధాన్ని ఏర్పాటు చేసుకోవడం వీరికి ఇష్టముండదు. అంతేకాకుండా వీరి అంత సులభంగా ఎవ్వర్నీ నమ్మరు. అందువల్ల వీరికి స్నేహాలు సూటవ్వవు.
మిథునం..
నేను అందరితోనూ బాగుంటా.. అందరూ నాకు స్నేహితులే అని చెప్పేవారిని చాలా మందిని చూసుంటాం. కానీ ఇలాంటి వారికే క్లోజ్ ఫ్రెండ్ అంటూ ఒక్కరూ ఉండరు. మిథున రాశి వారు ఈ కోవకే చెందుతారు. అందరితోనూ కలిసిపోతు సరదాగా ఉంటారు. ఎక్కువమందితో స్నేహాలు, పరిచయాలు ఏర్పడతాయి. కానీ నిజమైన క్లోజ్ ఫ్రెండ్స్ అంటూ వీరికి ఒక్కరూ ఉండరు. ఎవరూ కరెక్ట్ కాదు అనే భావనకు వస్తారు. అందరితోనూ సరదాగా ఉండే వీరికి కొద్ది మందితోనే క్లోజ్ గా ఉండటం భారంగా అనిపిస్తుంది. అందువల్ల ఎవ్వరితోనూ పూర్తిగా ఉండరు.
కుంభం..
కుంభ రాశి ప్రజల్లో చాలా మంది అంతర్ముఖులు. అంటే బయటకు చెప్పకుండా అన్నీ లోపలే దాచుకుని ఉంటారు. వీరు ఇతరుల ముందు ఓపెన్ అవ్వరు. పైకి స్నేహం చేస్తున్నట్లు ఉన్నా.. లోపల మాత్రం ఆందోళన చెందుతారు. అందువల్ల వీరి ఎవ్వర్నీ నమ్మరు. ఎదుటివారు కూడా తమపై నమ్మకాన్ని కోల్పోతారని అనుకుంటారు. ఈ కారణంగా అందరితోనూ స్నేహం చేస్తున్నట్లే ఉన్నా.. ఎవ్వరితోనూ లోతైనా స్నేహాన్ని కలిగి ఉండరు.
మీనం..
మీన రాశి వారు కొంచెం ఎమోషనల్ గా ఉంటారు. ప్రతి విషయంలోనూ అతిగా ఆలోచిస్తుంటారు. చాలాసార్లు మరీ ఎక్కువగా ఆలోచించి పరిస్థితులను గందరగోళం చేసుకుంటారు. ఈ ఆలోచనల ప్రవాహం ఎక్కువగా ఉండటంతో వీరు ఇతరులతో సులభంగా ఓపెన్ అవ్వరు. వీరితో స్నేహం చేద్దామని ప్రయత్నించే వారు కూడా వీరి ధోరణి ఆర్థం చేసుకోలేక దూరమవుతారు. అందువల్ల బలమైన స్నేహాన్ని మాత్రమే కలిగి ఉంటారు.