Discounts: టాటా కార్లపై భారీ డిస్కౌంటు.. కోవిడ్-29 వర్కర్లకు ప్రత్యేక రాయితీ

దేశంలో అత్యుత్తమ వాహనాలు అందిస్తున్న ఆటో సంస్థల్లో టాటా మోటార్స్ ముందు వరుసలో ఉన్న కంపెనీ. ఇప్పటివరకు ఎన్నో వాహనాలను భారత మార్కెట్లో విడుదల చేసిన ఈ సంస్థ.. అత్యుత్తమ విక్రయాలు సాధించింది. తాజాగా ఈ వాహన సంస్థ తన దగ్గర నిల్వ ఉన్న స్టాక్ ను ఎలాగైనా విక్రయించాలనే తలంపుతో ఉంది. ఫలితంగా వీటిపై భారీ డిస్కౌంట్లు ప్రకటించింది. వీటిలో ఎంతో పాపులర్ మోడళ్లైన టాటా నెక్సాన్, టాటా ఆల్ట్రోజ్ లాంటి వాహనాలు కూడా ఉన్నాయి. టాటా టియాగో, టాటా టిగోర్, టాటా హ్యారియర్ కార్లపై వినియోగదారుడికి అదనంగా కార్పోరెట్ డిస్కౌంటు కూడా అందిస్తుంది.

Also Read: Upcoming Bikes: త్వరలో విడుదల కానున్న టాప్-5 బైక్స్ ఇవే..!

కోవిడ్-19 వర్కర్లకు స్పెషల్ డిస్కౌంటు..
అయితే ఈ ఆఫర్లను కేవలం జూన్ 30 వరకు మాత్రమే అందుబాటులోకి ఉంచనుంది టాటా మోటార్స్. గత నెలలోనూ అత్యుత్తమమై రాయితీలను వినియోగదారులకు అందించింది. టాటా టియోగో మోడల్ పై 15 వేల రూపాయల రాయితీనిచ్చింది. ఒక వేళ పాతకారును ఎక్స్ ఛేంజ్ చేసుకున్నట్లయితే మరో 10 వేల అదనపు రాయితీని ప్రకటించింది. టాటా గ్రూపు సంస్థల్లో ఉద్యోగి లేదా గుత్తేదారుడైతే వారికి అదనంగా మరో 10 వేల రూపాయల డిస్కౌంటు ఈ కారుపై ప్రారంభమవుతుంది. కోవిడ్-19 వర్కర్లుగా పనిచేసే ఆరోగ్య కార్యకర్తలకు 5 వేల రూపాయల ఫ్లాట్ డిస్కౌంటు ఇచ్చింది.

60వేల రూపాయల వరకు పొదుపు చేసుకోవచ్చు..
టాటా హ్యారియర్ పై 30 వేల రూపాయల వరకు రాయితీని ప్రకటించింది. అయితే ఈ ఆఫర్ కేవలం ఈ మోడల్లోని ఆటోమేటిక్ వేరియంట్లకు మాత్రమే అందుబాటులో ఉంచింది. ఎక్స్ ఛేంజ్ స్కీము కింద 30 వేల రూపాయల అదనపు రాయితీ ఇచ్చింది టాటా మోటార్స్. టాటా గ్రూపుల్లో ఉద్యోగి లేదా గుత్తేదారులకు 15 వేల రూపాయల కార్పోరేట్ డిస్కౌంటు ఇచ్చింది. టాటా టిగోర్ సెడాన్ పై 20 వేల రూపాయల క్యాష్ డిస్కౌంటు ప్రకటించింది. అంతేకాకుండా ఎక్స్ ఛేంజ్ ఆపర్లో మరో 20 వేల రూపాయల వరకు రాయితీనిచ్చింది. టాటా గ్రూపుల ఉద్యోగస్థులకైతే 10 వేల రూపాయల వరకు డిస్కౌంటు ఇవ్వనుంది. ఇవి కాకుండా టాటా నెక్సాన్ పై ఇవే కార్పోరేట్ ఆఫర్ల కూడా ఇచ్చింది.

Also Read: Electric scooters: భారత్ లో టాప్ విద్యుత్ స్కూటర్లు ఇవే.. ఓ లుక్కేయండి?
కార్పోరేట్ ఆఫర్లను ఎందులోనూ క్లబ్ చేయలేదు టాటా మోటార్స్. అంటే టాటా గ్రూపుల ఉద్యోగి, కోవిడ్-19 వర్కర్లకు ఇచ్చే ఆఫర్లను కలపరు. అంటే ఇద్దరూ ఒకరే అయితే ఈ ఆఫర్ అందుబాటులో ఉండదని అర్థం చేసుకోవాలి.