Driving licence: త్వరలో కలర్ బ్లైండ్ నెస్ ఉన్నవారికీ డ్రైవింగ్ లైసెన్స్.. ఎలాగో తెలుసా?

మనదేశంలో డ్రైవింగ్ లైసెన్స్ పొందడానికి రకరకాల పరీక్షలు చేయించుకోవాల్సి ఉంటుంది. వీటిలో ఎందులో అర్హత సాధించకపోయినప్పటికీ లైసెన్స్ తిరస్కరించే అవకాశముంటుంది. అందులోనూ కళ్లు కనపడనివారికి, కలర్ బ్లైండ్ నెస్(వర్ణాంధత్వం) ఉన్నవారికి లైసెన్స్ ఇవ్వరు. ముఖ్యంగా వర్ణాంధత్వం ఉన్న వారైతే రోడ్లపై వెళ్తున్నప్పుడు సిగ్నల్స్ వద్ద రంగులను గుర్తించలేకపోతే ప్రమాదాలకు గురయ్యే అవకాశముంది. అయితే త్వరలో వీరికి లైసెన్స్ రాబోతుందా అంటే అవుననే చెప్పాలి. వర్ణాంధత్వం ఉన్నవారికీ ప్రభుత్వం డ్రైవింగ్ లైసెన్స్ ఇచ్చేందుకు ముందడుగు పడుతోందని తెలుస్తోంది. ఇందుకు సంబంధించి ఎయిమ్స్ ఆప్తామాలజిస్టులు కేంద్ర రోడ్డురవాణా మంతిత్వ శాఖకు సిఫార్సు చేయగా.. ఈ అంశంపై తగిన నిబంధనలను సిద్ధం చేస్తోంది కేంద్ర ప్రభుత్వం. అంటే సాధారణ వెలుతురు వద్ద ఎవరైతే రంగులను గుర్తించలేరో వారిని వర్ణాంధత్వం ఉన్న వ్యక్తులుగా గుర్తించి ప్రభుత్వం డ్రైవింగ్ లైసెన్స్ ఇవ్వనుంది. అయితే ఎయిమ్స్ నిపుణుల అభిప్రాయం తీసుకున్న తర్వాత ఈ నిర్ణయం తీసుకుంటుంది.

Also Read:Discount: బీఎస్4 కార్లపై రెనాల్ట్ భారీ డిస్కౌంట్లు.. గ్రామీణ వినియోగదారులకు అదనపు రాయితీ

ఎరుపు రంగును గుర్తిస్తున్నారు..

పలు అంతర్జాతీయ నివేదికలు, నిపుణుల అభిప్రాయప్రకారం కలర్ బ్లైండ్ నెస్ తో బాధపడుతున్న వ్యక్తులు ఎరుపు రంగును మాత్రం ఇతర రంగుల నుంచి వేరు చేసి సులభంగా గుర్తిస్తున్నారని ఎయిమ్స్ ప్యానెల్ తెలిపింది. అంతేకాకుండా యాంబియట్ లైట్, ల్యూమినెన్స్, ప్యాటర్న్ తదితర పద్ధతుల్లో బాధితుడు ఎరుపు రంగులోని వివిధ రకాల కలర్స్ ను తేలికగా గుర్తిస్తాడని, అర్థమయ్యే రీతిలో సంకేతాల ద్వారా అతడికి సమాచారాన్ని అందిస్తే సమస్యను అధిగమిస్తాడని ఎయిమ్స్ ప్యానెల్ చెప్పింది. అంటే దీనిప్రకారం వర్ణాంధత్వం ఉన్న వ్యక్తులకు డ్రైవింగ్ లైసెన్స్ మంజూరు చేసే అవకాశముంది. ఏదిఏమైనప్పటికీ కమర్షియల్ డ్రైవింగ్ లైసెన్స్ ఇవ్వాలంటే వారి మెడికల్ కండీషన్ ఇప్పటికీ అవరోధమనే చెప్పాలి.

Also Read:హ్యార్లీడేవిడ్సన్, బీఎండబ్ల్యూ బైక్స్ పై లక్షల్లో డిస్కౌంట్లు.. ఇప్పుడు కాకాపోతే ఇంక దొరకవు

ఎల్ఈడీ ట్రాఫిక్ లైట్లతో మారొచ్చు..
ఇల్యూమినేషన్ పై అంతర్జాతీయ కమిషన్ చేసిన సిఫార్సుల ప్రకారం ట్రాఫిక్ లైట్లను ఎల్ఈడీతో తయారు చేసినట్లయితే ఈ పరిస్థితి ఇంకా మెరుగుపడుతుందని తెలిపింది. ప్రస్తుతం భారత్ లో 8 శాతం పురుషులు, 0.4 శాతం మహిళలు కలర్ బ్లైండ్ నెస్ తో బాధపడుతూ డ్రైవింగ్ లైసెన్స్ కు అనర్హులవుతున్నారు. అయితే ఈ పరిస్థితిపై మార్పు మాత్రం రానుంది. ఇప్పటికే యూరోపియన్ యూనియన్ కలర్ బ్లైండ్ నెస్ వ్యక్తులకు లైసెన్స్ ఇవ్వకూడదనే నిబంధనను తీసివేసింది. ఇదే సమయంలో అమెరికాలో మాత్రం ఈ పరిస్థితి ఉన్న వారు కమర్షియ్ డ్రైవింగ్ లైసెన్స్ పొందడానికి అనర్హులు.

Also Read:Safety Tips: కార్లలో ప్రయాణించేటప్పుడు కరోనా రాకుండా ఉండాలంటే ఈ జాగ్రత్తలు తీసుకోండి