సొంతిల్లు లేని వారికి కేంద్రం శుభవార్త.. బడ్జెట్‌లో భారీగా నిధులు..

PM Awas Yojana: కొత్తగా ఇల్లు కట్టుకోవాలనుకునేవారికి, కొనుగోలు చేయాలనుకునేవారికి కేంద్ర ప్రభుత్వం గుడ్‌న్యూస్ చెప్పింది. బడ్జెట్‌లో (Budget 2023) భాగంగా పీఎం ఆవాస్ యోజన పథకానికి ఈ సారి భారీగా నిధులను పెంచుతున్నట్లు ప్రకటించింది. క్రితం సారి బడ్జె్ట్‌లో రూ.48 వేల కోట్ల రూపాయలు మాత్రమే ప్రకటించగా.. ఈ సారి మాత్రం ఆ మొత్తాన్ని ఏకంగా 66 శాతం పెంచి.. రూ.79 వేల కోట్లు కేటాయించడం విశేషం. వడ్డీ రేట్లు విపరీతంగా పెరుగుతున్న వేళ గృహ కొనుగోలుదారులకు ఇది ఊరట కల్పించే అంశం.

రాష్ట్రాలకు కేంద్రం గుడ్‌న్యూస్.. వడ్డీ రహిత రుణాలపై బడ్జెట్‌లో కీలక ప్రకటన

పీఎం ఆవాస్ యోజనకు రూ.79 వేల కోట్లు

పేదల సొంతింటి కల నెరవేరేలా బడ్జెట్లో కేంద్ర ప్రభుత్వం ప్రధాన మంత్రి ఆవాస్ యోజన నిధులను భారీగా పెంచింది. రూ.79వేల కోట్లు ఇందుకోసం కేటాయిస్తున్నట్లు కేంద్ర ఆర్థిక మంత్రి నిర్మలా సీతారామన్ ప్రకటించారు. మౌలిక సదుపాయాల కల్పనకు పెద్ద పీట వేస్తున్నట్లు తెలిపారు.

Also Read: వరుసగా ఐదోసారి బడ్జెట్ ప్రవేశపెట్టిన తెలుగింటి కోడలు.. ఆ దిగ్గజాల సరసన..

ప్రస్తుత బడ్జెట్‌లో మౌలిక సదుపాయాల కల్పనకు కూడా కేంద్ర ప్రభుత్వం పెద్ద పీట వేసినట్లు తెలుస్తోంది. వరుసగా మూడో సంవత్సరం కూడా నిధులను భారీగా పెంచింది. మౌలిక వసతుల కల్పన కోసం బడ్జెట్‌లో రూ.10 లక్షల కోట్లను కేటాయించనున్నట్లు వెల్లడించారు కేంద్ర ఆర్థిక మంత్రి నిర్మలా సీతారామన్. ఇది జీడీపీ 3 శాతానికిపైనే అని చెప్పారు.

రైల్వేలకు రికార్డ్ స్థాయిలో రూ.2.04 లక్షల కోట్లు