First Budget Of The New Decade By Finance Minister Nirmala Sitharaman To Focus On Economy And Jobs
కొత్త దశాబ్దపు తొలి బడ్జెట్పై భారీ ఆశలు.. మన్మోహన్ మాదిరి సీతమ్మకు అద్భుత అవకాశం!
బడ్జెట్ 2020.. ఇంకొన్ని గంటల్లో ఆవిష్కృతం కానుంది. కొత్త దశాబ్దపు తొలి బడ్జెట్గా దీన్ని అభివర్ణించొచ్చు. దేశ గతిని మార్చే బడ్జెట్ను మోదీ ప్రభుత్వం ఈసారి ప్రవేశపెట్టొచ్చనే అందరూ భావిస్తున్నారు. మరి కేంద్రం ఎలాంటి బడ్జెట్ తీసుకువస్తుందో చూడాలి.
Samayam Telugu1 Feb 2020, 9:19 am
బడ్జెట్ 2020.. ఇంకొన్ని గంటల్లో ఆవిష్కృతం కానుంది. కొత్త దశాబ్దపు తొలి బడ్జెట్గా దీన్ని అభివర్ణించొచ్చు. దేశ గతిని మార్చే బడ్జెట్ను మోదీ ప్రభుత్వం ఈసారి ప్రవేశపెట్టొచ్చనే అందరూ భావిస్తున్నారు. మరి కేంద్రం ఎలాంటి బడ్జెట్ తీసుకువస్తుందో చూడాలి.
ఎంతో కీలకం
మోదీ 2020 బడ్జెట్ ప్రస్తుతం దేశానికి చాలా కీలకం. ఇప్పటికే భారత దేశం గడ్డు పరిస్థితులను ఎదుర్కొంటోంది. ఆర్థిక వ్యవస్థ మందగించింది. జీడీపీ రేటు 11 ఏళ్ల కనిష్టానికి పడిపోయింది. నిరుద్యోగం 45 ఏళ్ల గరిష్టానికి చేరుకుంది. ఉద్యోగాలు పోతున్నాయి. కంపెనీలు ఉత్పత్తి తగ్గించేశాయి.
కేంద్ర ప్రభుత్వం ఇలాంటి ప్రతికూల పరిస్థితుల్లో బడ్జెట్ను ప్రవేశపెట్టబోతోంది. బడ్జెట్ ఏమాత్రం అటూఇటూగా ఉన్నా కూడా ఆ ఎఫెక్ట్ దేశ ఆర్థిక వ్యవస్థపై స్పష్టంగా పడొచ్చని నిపుణులు పేర్కొంటున్నారు. డిమాండ్ పుంజుకునేలా చేయడం, తద్వారా ఆర్థిక వ్యవస్థను గాడిలో పెట్టడం, అలాగే ఉపాధి కల్పన వంటి లక్ష్యాలతో కేంద్రం బడ్జెట్ను ప్రవేశపెట్టొచ్చు.
గతంలో మన్మోహన్ సింగ్ కూడా ప్రతికూల పరిస్థితుల నడుమ బడ్జెట్ను ప్రవేశపెట్టారు. 1991 నాటి బడ్జెట్ దేశ స్థితిగతులనే మార్చేసింది. ఇప్పుడు కూడా నిర్మలా సీతారామన్కు ఇలాంటి అవకాశమే లభించింది. నిర్మలా సీతారామన్ దేశ భవిష్యత్ను ఏ దారిలో నడిపిస్తారో చూడాలి.
సామాన్య ప్రజల దగ్గరి నుంచి కంపెనీల వరకు అందరూ ఇప్పుడు బడ్జెట్వైపే చూస్తున్నారు. మధ్యతరగతి ప్రజలు బడ్జెట్లో వరాలు ఉంటాయని ఆశిస్తున్నారు. ఉద్యోగులు పన్ను తగ్గింపు ఉండొచ్చని అంచనా వేస్తున్నారు. అలాగే కంపెనీలు కూడా ప్రోత్సాహకాల కోసం ఎదురు చూస్తున్నాయి.
పన్ను రేట్ల తగ్గింపుతోపాటు ఈసారి బడ్జెట్లో సెక్షన్ 80సీ పరిమితిపై కూడా కీలక నిర్ణయం వెలువడే అవకాశముందని ట్యాక్స్ నిపుణులు అంచనా వేస్తున్నారు. సెక్షన్ 80సీ కింద పన్ను మినహాయింపు పరిమితిని రూ.1.5 లక్షల నుంచి రూ.2.5 లక్షలకు పెంచొచ్చనే అంచనాలున్నాయి. దీంతో పన్ను చెల్లింపుదారులకు టేకోమ్ శాలరీ పెరుగుతుంది.
మోదీ 2020 బడ్జెట్లో ఇంటి కొనుగోలుదారులకు కూడా ప్రయోజనం కలిగించే నిర్ణయాలు వెలువడొచ్చని అందరూ భావిస్తున్నారు. తద్వారా ప్రభుత్వం రియల్టీ రంగాన్ని ఆదుకోవచ్చని నిపుణులు అంచనా వేస్తున్నారు. వడ్డీ రాయితీ పరిమితి పెంపు సహా పలు ప్రయోజనాలు చేకూరవచ్చని పేర్కొంటున్నారు.
ఆర్థిక మంత్రి బడ్జెట్లో సీనియర్ సిటిజన్స్కు లాభం చేకూరే పలు నిర్ణయాలు ప్రకటించొచ్చనే అంచనాలు నెలకొన్నాయి. సీనియర్ సిటిజన్స్ సేవింగ్స్ స్కీమ్, ఫిక్స్డ్ డిపాజిట్ వంటి వాటిపై వడ్డీ రేట్లు మార్కెట్తో లింక్ అయ్యి ఉంటాయి. దీంతో వ్యవస్థలో వడ్డీ రేట్లు తగ్గితే.. వీటిపై కూడా ఆ ప్రభావం పడుతోంది. దీంతో మోదీ సర్కార్ వీరికి ప్రయోజనం కలిగించే చర్యలు తీసుకోవచ్చు.
పన్ను మినహాయింపు పరిమితిని ప్రస్తుతమున్న రూ.2.5 లక్షల నుంచి రూ.5 లక్షలకు పెంచాలని ఉద్యోగులు కోరుకుంటున్నారు. అలాగే అధిక పన్ను శ్లాబ్లో ఉన్న వారు 5 శాతం పన్ను తగ్గింపు ఆశిస్తున్నారు.
మధ్యతరగతి ప్రజలను వైద్య ఖర్చులు కూడా ఆందోళన కలిగిస్తాయి. ఇటీవల కాలంలో అనారోగ్యానికి వైద్యం చేయించుకోవాలంటే జేబుకు చిల్లు పడుతోంది. వైద్య ఖర్చులు భారీగా పెరిగిపోయాయి. అందువల్ల వైద్య ఖర్చుల మినహాయింపు పరిమితిని రూ.25,000 నుంచి రూ.35,000కు పెంచాలని మధ్యతరగతి ప్రజలు, ఉద్యోగులు ఆశిస్తున్నారు.
ఈక్విటీ, ఈక్విటీ మ్యూచువల్ ఫండ్స్ విక్రయంపై లాంగ్టర్మ్ క్యాపిటల్ గెయిన్స్ (దీర్ఘకాల మూలధన లాభాలు) ట్యాక్స్ లిమిట్ను పెంచాలని చాలా మంది డిమాండ్ చేస్తున్నారు. రూ.లక్ష నుంచి రూ.2 లక్షలకు పెంచాలని కోరుతున్నారు. డిమాండ్లు ఎలా ఉన్నా గవర్నమెంట్ వీటిపై ఎలాంటి నిర్ణయం తీసుకుంటుందో బడ్జెట్ రోజు తెలుస్తుంది.
కేంద్ర ప్రభుత్వం అన్నదాతల కోసం రెండు పథకాలు ప్రవేశపెట్టొచ్చనే అంచనాలున్నాయి. వీటిల్లో ఒకటి కార్ప్ డైవర్సిఫికేషన్ (భిన్నమైన పంటలు)కు సంబంధించిన స్కీమ్ కావొచ్చు. మరొకటి ఎఫ్పీవో ఏర్పాటుకు ఆర్థిక సాయం అందించే పథకం మరొకటి అయ్యే అవకాశముంది. కేంద్రం గత బడ్జెట్లో నిర్మలా సీతారామన్ ఫార్మర్ ప్రొడ్యూసర్ ఆర్గనైజేషన్స్ (ఎఫ్పీవో) ప్రోగ్రామ్ లాంచ్ చేస్తామని ప్రకటించిన విషయం తెలిసిందే.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.