ఎస్ఎంఎస్‌తో ఆధార్-పాన్ అనుసంధానం

ఆదాయపన్ను రిట్నర్లు దాఖలు చేయడానికి ఆధార్‌తో పాన్ నంబర్ అనుసంధానం తప్పనిసరి అనే సంగతి తెలిసిందే. జూలై 1 నుంచి కేంద్రం దీన్ని తప్పనిసరి చేసింది. ఇప్పటి దాకా www.incometaxindiaefiling.gov.in వెబ్‌సైట్ ద్వారా ఆధార్-పాన్ లింక్ చేసుకునే వీలుండగా.. ఎస్ఎంఎస్ ద్వారా కూడా ఆధార్‌తో పాన్‌ను అనుసంధానించుకునే వీలుంది. ఈ విషయాన్ని కేంద్ర మంత్రి
రవి శంకర్ ప్రసాద్ ట్విట్టర్ ద్వారా వెల్లడించారు. దీని ప్రకారం చాలా తేలిగ్గా లింకింగ్ ప్రక్రియ పూర్తి చేయవచ్చు.

UIDPAN<12-digit Aadhaar><10-digit PAN> అని టైప్ చేసి 567678 లేదా 56161 నంబర్లకు ఎస్ఎంఎస్ చేసుకోవచ్చు. ఆధార్‌కు రిజిస్టర్ చేసుకున్న మొబైల్ నంబర్ ద్వారా ఈ ప్రక్రియ పూర్తి చేయాల్సి ఉంటుంది. వాస్తవానికి ఆధార్‌తో పాన్ అనుసంధానానికి తుది గడువు జూలై 1తోనే ముగియగా.. కేంద్రం దాన్ని పొడిగించింది.

Now by just sending an SMS, you can link your #Aadhaar with PAN. #DigitalIndia pic.twitter.com/gi3aqLIu8I — Ravi Shankar Prasad (@rsprasad) July 11, 2017
ఆధార్, పాన్ కార్డులలో పేరు వేర్వేరుగా ఉంటే.. https://www.incometaxindiaefiling.gov.in/e-filling/services/LinkAadhar.home.html లింక్ మీద క్లిక్ చేసి.. లాగిన్ కావాలి. అప్పటికి రిజస్టర్ కాకపోతే మీ వివరాలను సబ్‌మిట్ చేసి రిజిస్ట్రేషన్ చేసుకోవాలి. తర్వాత మీ మెయిల్‌కు ఓ లింక్ వస్తుంది. దాన్ని ఓపెన్ చేసి.. లాగిన్ కావాలి. ఇప్పుడు ఆధార్‌తో పాన్ అనుసంధానం చేసుకోవాలి. ఇప్పుడు కూడా అలాగే అప్‌డేషన్ కుదరడం లేదంటే.. అక్కడ ఉన్న లింక్‌ల మీద క్లిక్ చేసి ఆధార్ లేదా పాన్ వివరాలను అప్‌డేట్ చేసుకోవాల్సి ఉంటుంది.