Bridge Loan: చేతల్లో చూపిస్తున్న గౌతమ్ అదానీ.. మళ్లీ గడువుకు ముందే వేల కోట్ల అప్పు చెల్లింపు.. ఇక తిరుగులేదా?

Bridge Loan Adani: అదానీ గ్రూప్ ఛైర్మన్ గౌతమ్ అదానీ (Gautam Adani).. తన మాట నిలబెట్టుకుంటున్నారు. ఇన్వెస్టర్లలో తిరిగి విశ్వాసం పెంపొందించుకునే ప్రయత్నంలో భాగంగా ఇటీవల అప్పులను క్రమంగా చెల్లిస్తానని చెబుతున్న అదానీ ఒక్కో పని చేసుకుంటూ వెళ్తున్నారు. తాజాగా 500 మిలియన్ డాలర్ల బ్రిడ్జ్ లోన్‌ తిరిగి చెల్లించినట్లు ఈ వ్యవహారం గురించి తెలిసిన వ్యక్తులు వెల్లడించారు. ఇది భారత కరెన్సీలో రూ.4 వేల కోట్లకుపైనే కావడం విశేషం. అమెరికా షార్ట్‌సెల్లింగ్ కంపెనీ హిండెన్‌బర్గ్ రిపోర్ట్ (Hindenburg Report) నేపథ్యంలో Adani Group షేర్లు భారీగా పడిపోయాయి. గ్రూప్‌కు ఏకంగా రూ.12 లక్షల కోట్లకుపైగా నష్టం వాటిల్లింది. అదానీ వ్యక్తిగత సంపద కూడా భారీగా పతనమైంది. ఇక ఇటీవల మాత్రం అదానీ వరుస ప్రకటనలతో అదానీ కంపెనీల షేర్లు పుంజుకుంటున్నాయి.

ఇక ఈ లోన్ గడువు గురువారం ఉండగా.. ముందే రుణదాతలకు సంబంధిత డబ్బులు విడుదల చేసినట్లు తెలుస్తోంది. హిండెన్‌బర్గ్ రిపోర్ట్ అనంతరం అదానీ షేర్లు పతనమై.. సంపద పతనమైన క్రమంలో అదానీ గ్రూప్‌కు రీఫైనాన్సింగ్ చేసేందుకు చాలా బ్యాంకులు వెనుకంజ వేసినట్లు బ్లూమ్‌బెర్గ్ న్యూస్ ఫిబ్రవరిలో నివేదించింది. ఈ నేపథ్యంలోనే ఇప్పుడు అదానీ తన అప్పులను చెల్లిస్తున్నారు.

GQG Partners: అదానీ గ్రూప్‌లో మరిన్ని పెట్టుబడులు పెడతాం.. బ్లాక్ డీల్స్ చేసిన దిగ్గజ కంపెనీ మరోసారి ఇన్వెస్టర్లకు భరోసా! Rajiv Jain: అదానీ గ్రూప్‌లో ఇప్పుడు వేల కోట్ల వాటా కొన్నదెవరో తెలుసా? ఆ వ్యూహంతోనే పకడ్బందీగా..!

అదానీ గ్రూప్ కొద్దిరోజుల కిందట 2 బిలియన్ డాలర్ల వరకు షేర్డ్ బ్యాక్డ్ లోన్లను తిరిగి చెల్లించారు. భారత కరెన్సీలో ఇది రూ.16 వేల కోట్లకుపైనే. అంటే ప్రమోటర్ల షేర్లను తనఖా పెట్టి తీసుకున్న రుణాలను చెల్లించారు. దీంతో ఆ కోట్లాది షేర్లు తిరిగి విడుదలయ్యాయి. మరోవైపు బాండ్ చెల్లింపులు కూడా సకాలంలో చేస్తున్నారు అదానీ. ఇక ఇదే సమయంలో ఇటీవల పెద్ద ఎత్తున అదానీ గ్రూప్‌లో రూ.15 వేల కోట్ల వరకు పెట్టుబడి పెట్టింది అమెరికా ఇన్వెస్ట్‌మెంట్ సంస్థ GQG Partners. దీంతో అదానీ స్టాక్స్ పుంజుకుంటున్నాయి. దీంతో అదానీ నష్టాలు పూడుతున్నాయి. ఇప్పుడు మరి ఈ ప్రకటన అదానీ షేర్లు మరింత పెరిగేందుకు ఎంత వరకు కారణం అవుతుందో చూడాలి.

Adani Stocks Block Deals: అదానీ బ్లాక్ డీల్స్.. 4 కంపెనీల్లో వాటాల విక్రయం.. చేతులు మారిన కోట్లాది షేర్లు!

• Read Latest Business News and Telugu News