Gautam Adani: అదానీకి దెబ్బ మీద మరో దెబ్బ.. అస్సలు కోలుకోనివ్వని NSE, BSE.. మళ్లీ నిఘా షురూ!

Gautam Adani: గౌతమ్ అదానీకి మరో ఎదురుదెబ్బ తగిలింది. అదానీ గ్రూప్‌కు చెందిన అదానీ పవర్ స్టాక్‌ను (Adani Power Stock) మరోసారి NSE, BSE.. నిఘా జాబితాలోకి చేర్చింది. షార్ట్ టర్మ్ అడిషనల్ సర్వీలెన్స్ మెజర్ (ASM) ఫ్రేమ్‌వర్క్ పరిధిలోకి తీసుకొచ్చాయి. ఇది ఇవాళ్టి నుంచే అమల్లోకి వచ్చింది. అదానీ పవర్ .. షార్ట్ టర్మ్ ఏఎస్‌ఎం ఫ్రేమ్‌వర్క్ (ASM Framework) స్టేజ్-1 పరిధిలోకి మార్చి 23 నుంచి వస్తుందని ఈ మేరకు NSE, BSE స్టాక్ ఎక్స్చేంజీల్లో ఒక సర్క్యులర్ కనిపించింది. అయితే.. ఈ స్వల్పకాలిక అదనపు నిఘా అంటే.. అదానీ గ్రూప్‌పై ఆంక్షలు విధించడం మాత్రం కాదని అర్థం చేసుకోవాలి. అయితే.. ఇక్కడే ఒక చిక్కు ఉంది. ఇది ఇన్వెస్టర్లను అప్రమత్తం చేయడం అన్న మాట. ఆ స్టాక్‌లో షార్ట్ సెల్లింగ్ చేయాలనుకునేవారికి కూడా మార్జిన్ ఎక్కువగా ఉంటేనే ట్రేడింగ్ చేసేందుకు వీలుంటుంది. దీంతో కొంత మేర ఆ స్టాక్‌తో జాగ్రత్తగా ఉండాలని పరోక్షంగా సంకేతాలు ఇచ్చినట్లే.

ఈ ఏఎస్‌ఎం ఫ్రేమ్‌వర్క్‌లోకి తీసుకొచ్చే ముందు.. స్టాక్ ఎక్స్చేంజీలు పలు అంశాలను పరిగణనలోకి తీసుకుంటాయి. ఇందులో హై- లో వేరియేషన్, క్లయింట్ కాన్సంట్రేషన్, నంబర్ ఆఫ్ Price Band Hits, Close to Close ప్రైస్ వేరియేషన్, ప్రైస్ ఎర్నింగ్ రేషియోను పరిశీలిస్తాయి. అదానీ ఎంటర్‌‌ప్రైజెస్, అదానీ విల్మర్ లిమిటెడ్ స్టాక్స్‌తో మార్చి 17నే అదానీ పవర్ స్టాక్ ASM పరిధి నుంచి బయటికి వచ్చింది. వీటిని మార్చి 9న ఈ జాబితాలో చేర్చాయి. అయితే మళ్లీ వారం ముగియక ముందే ఇప్పుడు అదానీ పవర్‌ను మళ్లీ ఆ జాబితాలో చేర్చడం గమనార్హం.

హిండెన్‌బర్గ్ రిపోర్ట్ వచ్చిన తర్వాత అదానీ గ్రూప్ స్టాక్స్ భారీగా పతనమైన సంగతి తెలిసిందే. అయితే ఇటీవల మళ్లీ పుంజుకుంటున్నాయి. గత 20 రోజులుగా లాభాల్లోనే ముగుస్తున్నాయి. క్రితం సెషన్‌లోనూ అదానీ గ్రూప్‌కు చెందిన 10 స్టాక్స్‌లో 8 లాభాల్లోనే ముగిశాయి. ఇక ఒక దశలో ప్రపంచ కుబేరుల లిస్ట్‌లో కూడా 2వ స్థానం నుంచి 40కి పడిపోయిన అదానీ.. మళ్లీ టాప్-30లోకి ప్రవేశించారు.

Vijay Mallya: సంక్షోభంలోనూ వందల కోట్ల ఆస్తులు కొన్న విజయ్ మాల్యా.. అన్నీ అక్కడే.. CBI రిపోర్ట్‌లో విస్తుపోయే నిజాలు..! Hindenburg Research: మరో బాంబ్ పేల్చిన హిండెన్‌బర్గ్.. ఇప్పుడు అదానీని మించి ఉంటుందంటూ వార్నింగ్.. టార్గెట్ ఎవరు?

• Read Latest Business News and Telugu News