Hindenburg Research: మరో బాంబ్ పేల్చిన హిండెన్‌బర్గ్.. ఇప్పుడు అదానీని మించి ఉంటుందంటూ వార్నింగ్.. టార్గెట్ ఎవరు?

Hindenburg Report: అదానీ గ్రూప్ (Adani Group) భారత స్టాక్ మార్కెట్లో తీవ్ర అవకతవకలకు పాల్పడుతోందంటూ ఒక్క రిపోర్ట్‌తో సంచలనం సృష్టించింది అమెరికా షార్ట్ సెల్లర్ హిండెన్‌బర్గ్ రీసెర్చ్ (Hindenburg Research). షేర్లను కృత్రిమంగా విలువ పెంచుతోందని, అకౌంటింగ్ ఫ్రాడ్స్ చేస్తోందని రిపోర్ట్ విడుదల చేసింది. దీనికి రెండు రోజుల్లో అదానీ గ్రూప్ 413 పేజీల్లో బదులిచ్చినప్పటికీ పెద్దగా ఫలితం లేకపోయింది. ఇన్వెస్టర్లు పెద్ద ఎత్తున అదానీ గ్రూప్ షేర్లలో అమ్మకాలకు పాల్పడ్డ సంగతి తెలిసిందే. దీంతో గ్రూప్ మార్కెట్ విలువ కొన్ని రోజుల వ్యవధిలోనే ఏకంగా రూ.12 లక్షల కోట్లకుపైగా మార్కెట్ విలువ (Adani Group Mcap) కోల్పోయింది. ఇదే క్రమంలో అదానీ వ్యక్తిగత సంపద కూడా సగానికిపైగా పడిపోయింది. ప్రపంచ కుబేరుల లిస్ట్‌లో ఓ దశలో 2వ స్థానంలో ఉండగా.. తర్వాత 40కి పడిపోయారు. ప్రస్తుతం 24వ స్థానంలో ఉన్నారు. రూ. 20 వేల కోట్ల సమీకరణే లక్ష్యంగా తీసుకొచ్చిన అదానీ ఎంటర్‌ప్రైజెస్ FPO కూడా రద్దుచేసుకోవాల్సి వచ్చింది.

ఇక అదానీకి, భారత స్టాక్ మార్కెట్లకు కంటి మీద కునుకు లేకుండా హిండెన్‌బర్గ్ రీసెర్చ్ చాలా రోజుల తర్వాత ఇప్పుడు మరోసారి ప్రకంపనలు రేపింది. మార్చి 23 అర్ధరాత్రి ఒంటి గంట సమయంలో ఒక ట్వీట్ చేసింది. దీనిని ఇప్పటికే 15 లక్షల మందికిపైగా చూశారు. 1500 కుపైగా రీట్వీట్లు వచ్చాయి. ఇంతకీ ఆ ట్వీట్‌లో ఏముందంటే.. 'అతి త్వరలో మరో కొత్త రిపోర్ట్ విడుదల చేస్తామని.. ఇది మరింత పెద్దదని' పేర్కొంది. 'న్యూ రిపోర్ట్ సూన్- అనదర్ బిగ్ వన్' అని ఆ ట్వీట్ సారాంశం అన్నమాట.



హిండెన్‌బర్గ్ రీసెర్చ్ తాజా ట్వీట్‌తో ప్రపంచవ్యాప్తంగా ఒక్కసారిగా ఉత్సుకత మొదలైంది. ఇటీవలి కాలంలో అమెరికా బ్యాంకులు వరుసగా దివాలా తీస్తున్న సంగతి తెలిసిందే. ఈ నేపథ్యంలో ఇప్పుడు హిండెన్‌బర్గ్ రిపోర్ట్ ఆ బ్యాంకుల కేంద్రంగానే ఉండొచ్చని అంతా చర్చించుకుంటున్నారు. ఈసారి అమెరికాలోనే ఉండొచ్చని తెలుస్తోంది.

ఇక హిండెన్‌బర్గ్ విషయానికి వస్తే ఇది అమెరికా న్యూయార్క్ కేంద్రంగా పనిచేస్తోంది. దీనిని నడిపించేది 38 ఏళ్ల యువకుడు నాథన్ అండర్సన్. మానవ నిర్మిత విపత్తులను వెలికితీయడమే పనిగా పెట్టుకుంది. 2017లోనే ప్రారంభమైంది. ఇక ఇప్పటికే దీనికి ఘన చరిత్ర ఉంది. ఎన్నో కంపెనీల గుట్టు, రహస్యాలు, ఫ్రాడ్స్ వెలికితీసింది. ఆయా కంపెనీల్లో జరిగే మోసాలు, విధుల దుర్వినియోగం, సీక్రెట్ కార్యకలాపాలు వంటివి గుర్తించి నివేదిక విడుదల చేస్తుంటుంది. అంతే కాదు.. అదే కంపెనీని టార్గెట్ చేసి షార్ట్ సెల్లింగ్ చేసి.. లాభపడుతుంటుంది. ఇటీవల అదానీ విషయంలో అదే జరిగింది కూడా..

Adani Group వ్యవహారంలో కొత్త ట్విస్ట్.. వికిపీడియాను కూడా అదానీ మానిపులేట్ చేశారా? ఆ ట్వీట్ వైరల్.. Hindenburg Research: అంబులెన్స్ డ్రైవర్ దెబ్బకు.. అదానీకి లక్షల కోట్ల నష్టం.. అసలీ Hindenburg చరిత్ర ఏంటి?

2022 సెప్టెంబర్‌లో అదానీ వ్యక్తిగత సంపద ఒక దశలో గరిష్టంగా 150 బిలియన్ డాలర్ల వరకు చేరింది. ఇక హిండెన్‌బర్గ్ రిపోర్ట్ వచ్చాక.. అది ఏకంగా ఒక దశలో 40 బిలియన్ డాలర్ల దిగువకు కూడా పతనమైంది. ప్రస్తుతం మాత్రం 53 బిలియన్ డాలర్ల వద్ద అదానీ సంపద ఉంది. ఫోర్బ్స్ రిచ్ లిస్ట్‌లో ఒక దశలో రెండో స్థానంలో ఉండగా.. తర్వాత 40కి కూడా పడిపోయారు. ఇప్పుడు మళ్లీ 24లో కొనసాగుతున్నారు.

Rajiv Jain: అదానీ గ్రూప్‌లో ఇప్పుడు వేల కోట్ల వాటా కొన్నదెవరో తెలుసా? ఆ వ్యూహంతోనే పకడ్బందీగా..! Gautam Adani: హిండెన్‌బర్గ్ ఇష్యూపై సుప్రీం కోర్టు కీలక ఆదేశాలు.. మళ్లీ నోరు విప్పిన అదానీ ఏమన్నారంటే?

• Read Latest Business News and Telugu News