Air India Signs Deal: టాటా గ్రూప్ చారిత్రక ఒప్పందం.. వందల విమానాలకు లక్షల కోట్లతో బిగ్ డీల్.. మోదీ సమక్షంలోనే..

Air India Signs Deal: అనుకున్నదే జరిగింది. టాటా గ్రూప్ చరిత్ర సృష్టించింది. చరిత్రలో కనీవిని ఎరగని రీతిలో ఏకంగా ఒకేసారి 250 విమానాలకు ఆర్డర్ ఇచ్చింది. టాటా గ్రూప్‌ తన విమానయాన సంస్థ ఎయిరిండియా కోసం.. ఫ్రాన్స్‌కు చెందిన ఎయిర్‌బస్ ఎస్‌ఈతో భారీ డీల్ ఖరారు చేసుకుంది. ఈ మేరకు ఫిబ్రవరి 14న ప్రెస్ కాన్ఫరెన్స్‌లో వెల్లడించింది ఎయిరిండియా. ఈ సందర్భంగా మాట్లాడిన టాటా సన్స్ ఛైర్‌పర్సన్ నటరాజన్ చంద్రశేఖరన్ కీలక వ్యాఖ్యలు చేశారు. ఎయిరిండియా అంటే కేవలం మరో విమానయాన సంస్థ కాదని, ఇది లక్షల మంది భారతీయుల కలల్ని, ఆశల్ని కలిగి ఉందని చెప్పుకొచ్చారు.

ఆన్‌లైన్ ప్రెస్ కాన్ఫరెన్స్‌లో ఈ ఎయిరిండియా విమానాల కొనుగోలు ఒప్పందంపై ప్రకటన జరిగింది. భారత ప్రధాని నరేంద్ర మోదీ, ఫ్రాన్స్ అధ్యక్షుడు ఇమ్మాన్యుయేల్ మేక్రాన్, వాణిజ్య శాఖ మంత్రి పీయూష్ గోయెల్, ఎయిర్‌బస్ ఎస్‌ఈ సీఈఓ ఫౌరీ, ఎయిరిండియా సీఎండీ కాంప్‌బెల్ విల్సన్, టాటా సన్స్ మాజీ ఛైర్మన్ రతన్ టాటా, విమానయాన శాఖ మంత్రి జ్యోతిరాధిత్య సింధియా సమక్షంలో ఈ ఒప్పందం జరగడం విశేషం.

ఈ ఒప్పందంలో భాగంగా.. ఎయిరిండియాకు ఎయిర్‌బస్ నుంచి మొత్తం 250 ప్లేన్లు రానుండగా.. ఇందులో 210 Single-aisle A320neos, 40 వైడ్‌బాడీ A350s ఉన్నాయి. వీటి విలువ ఏకంగా 50 బిలియన్ డాలర్ల కంటే ఎక్కువే. ఇది భారత కరెన్సీలో రూ.4.13 లక్షల కోట్లకుపైనే. ఇప్పటివరకు భారత్‌లో విమానాలకు సంబంధించి అతిపెద్ద ఆర్డర్ ఇదే కావొచ్చు. దీనికి అదనంగా.. ఎయిరిండియా మరో పెద్ద ఒప్పందం కూడా కుదుర్చుకునే అవకాశాలు పుష్కలంగా ఉన్నాయి. అమెరికా కంపెనీ బోయింగ్‌తో మరో 250 విమానాలకు డీల్ కుదుర్చుకోనున్నట్లు ఇప్పటికే వార్తలొచ్చాయి.

Hiring: ఆర్థిక మాంద్యం భయాలు.. మంచి డిమాండ్ ఉన్న 5 ఉద్యోగాలు ఇవే.. మీరేం చేస్తున్నారు? Adani Enterprises: అదానీ కంపెనీ అదరగొట్టింది.. వందల కోట్ల లాభం.. వేల కోట్ల ఆదాయం.. కళ్లు చెదిరేలా ఫలితాలు! SBI Cards Rent Payments: బ్యాడ్‌న్యూస్.. ఎస్‌బీఐ బాదుడే బాదుడు.. ఏకంగా 100 శాతం పెరిగిన ఛార్జీలు!

• Read Latest Business News and Telugu News