ఎయిర్‌టెల్ 'గిఫ్ట్‌కార్డ్' ఆఫర్‌కు విశేష స్పందన!

టెలికాం దిగ్గజం ఎయిర్‌టెల్ ఇటీవల ప్రకటించిన అమెజాన్ పే గిఫ్ట్‌కార్డ్ ఆఫర్‌ను కేవలం ఐదు రోజుల్లోనే 10 లక్షలకు పైగా కస్టమర్లు వినియోగించుకున్నట్లు తెలిపింది. ఎయిర్‌టెల్ కంపెనీ 23 వార్షికోత్సవం సందర్భంగా దాని వినియోగదార్లకు రూ. 51ల అమెజాన్ గిఫ్ట్ కార్డులను పొందొచ్చని ప్రకటించిన విషయం తెలిసిందే. ప్రీపెయిడ్ వినియోగదార్లు రూ. 100 అంతకంటే ఎక్కువ గుత్త ప్యాక్‌లు కొనుగోలు చేసినా, పోస్ట్‌పెయిడ్ కస్టమర్లు ఏదైనా అపరిమిత ప్లాన్‌ను ఎంచుకున్నా అమెజాన్ పే గిఫ్ట్ కార్డులు పొందడానికి అర్హులని ఎయిర్‌టెల్ వెల్లడించింది.

వినియోగదార్లు రానున్న 30 రోజుల్లో ఏదైనా ఆన్‌లైన్ యాప్‌ల ద్వారా కానీ రిటైలర్‌ల దగ్గరగాని రీచార్జ్ చేసుకున్న వారికి మాత్రమే ఈ ఆఫర్ వర్తించనుంది. ఇది పరిమిత కాల ఆఫర్‌గా ఎయిర్‌టెల్ తెలిపింది.