Airtel Micro ATM: ఎయిర్‌టెల్ కొత్త సేవలు.. బ్యాంకు కస్టమర్లందరికీ శుభవార్త!

Airtel Micro ATM: ఎయిర్‌టెల్ పేమెంట్స్ బ్యాంకు శుభవార్త చెప్పింది. బ్యాంకు కస్టమర్ల సౌకర్యార్థం మైక్రో ఏటీఎంను లాంచ్ చేసినట్టు బుధవారం ఎయిర్‌టెల్ పేమెంట్స్ బ్యాంకు ప్రకటించింది. ఈ మైక్రో ఏటీఎం ద్వారా మెట్రో ప్రాంతాలకు, నగరాలకు వెలుపల ఉన్న తమ డెబిట్ కార్డు యూజర్లు మనీని విత్ డ్రా చేసుకోవచ్చని పేర్కొంది. నగదు విత్ డ్రాయల్‌కి ఇది మెరుగైన సౌకర్యమని తెలిపింది. కస్టమర్లకు క్యాష్ విత్ డ్రాయల్ సౌకర్యాన్ని అందించేందుకు దేశవ్యాప్తంగా 5 లక్షలకు పైగా బ్యాంకింగ్ పాయింట్లను ఏర్పాటు చేస్తున్నట్టు ఎయిర్‌టెల్ పేమెంట్స్ బ్యాంకు(Airtel Payments Bank) తెలిపింది. ఎయిర్‌టెల్ పేమెంట్స్ బ్యాంకు ప్రస్తుతం నేషనల్ పేమెంట్స్ కార్పొరేషన్ ఆఫ్ ఇండియా(NPCI), నేషనల్ ఫైనాన్సియల్ స్విచ్ఛ్(NFS)లతో అనుసంధానమైంది. వీటి భాగస్వామ్యంలో మైక్రో ఏటీఎం లావాదేవీలు చేసుకునేందుకు కస్టమర్లకు అవకాశం కల్పిస్తుంది. ఏ బ్యాంకుకు చెందిన కస్టమర్లు అయిన తమ ఎయిర్‌టెల్ పేమెంట్స్ బ్యాంకుకు చెందిన మైక్రో ఏటీఎం ఫెసిలిటీ ద్వారా డబ్బులను విత్ డ్రా చేసుకోవచ్చని కంపెనీ తెలిపింది. మైక్రో ఏటీఎం ద్వారా రూ.10 వేల వరకు కస్టమర్లు విత్ డ్రా చేసుకోవచ్చని పేర్కొంది. మైక్రో ఏటీఎంలను ఎయిర్‌టెల్ పేమెంట్స్ బ్యాంకు(Airtel Payments Bank) దశలవారీగా ప్రవేశపెట్టనుంది. తొలుత ఈ ఏడాది చివరి వరకు టైర్ 2 నగరాలు, సెమీ అర్బన్ ప్రాంతాల్లో 1,50,000 యూనిట్లను తెరుస్తుంది. ఆ ప్రాంతాల్లో క్యాష్ విత్ డ్రాయల్ సేవలకు అత్యధిక డిమాండ్ ఉండి, సేవలేమో పరిమితంగా ఉంటాయి.

Also Read : ఎస్‌బీఐ కస్టమర్లకు అలర్ట్.. యూపీఐ లావాదేవీలు చేసేటప్పుడు ఇవి గుర్తుంచుకోండి!

దేశంలోని గ్రామీణ ప్రాంతాల్లో నివసించే తమ కస్టమర్లలో సాధికారిత కల్పించేందుకు మైక్రో ఏటీఎంల ఏర్పాటు మరో కీలక అడుగని ఎయిర్‌టెల్ పేమెంట్స్ బ్యాంకు చీఫ్ ఆపరేటింగ్ ఆఫీసర్ గణేష్ అనంత నారాయణన్ అన్నారు. బ్యాంకు లాంచ్ చేసిన తొలి డివైజ్ ఇదేనని పేర్కొన్నారు. మైక్రో ఏటీఎంలను లాంచ్ చేయడం ఎంతో ఆనందంగా ఉందని తెలిపారు. డెబిట్ కార్డులను వాడుతూ ఏ బ్యాంకుకి చెందిన కస్టమర్లయినా ఈ ఏటీఎంల సేవలను పొందవచ్చని తెలిపారు.

వాట్సాప్‌పై ఎయిర్‌టెల్ పేమెంట్స్ బ్యాంకు సేవలు..

మరోవైపు ఎయిర్‌టెల్ పేమెంట్స్ బ్యాంకు వాట్సాప్‌పై కూడా తన సేవలను అందిస్తోంది. వాట్సాప్ చాట్ ద్వారా తమ సర్వీసులు అందుబాటులో ఉంటాయని ఎయిర్‌టెల్ పేమెంట్స్ బ్యాంకు తెలిపింది. ఎయిర్‌టెల్ పేమెంట్స్ బ్యాంకు వాట్సాప్ బ్యాంకింగ్ సర్వీసులను వాడుకున్నందుకు ఎలాంటి ఛార్జీలను కస్టమర్లు చెల్లించాల్సినవసరం లేదు. 24/7 గంటల పాటు ఈ సేవలు అందుబాటులో ఉంటాయి. మీ ఫాస్టాగ్ రీఛార్జ్, మొబైల్ రీఛార్జ్, యుటిలిటీ బిల్లు చెల్లింపులు, లోన్లకు దరఖాస్తు చేసుకోవడం, గిఫ్ట్ కార్డులను, గోల్డ్‌ను కొనడడం, ఎక్స్‌క్లూజివ్ ఆఫర్లను పొందడం వంటివన్ని కూడా వాట్సాప్ ద్వారా ఎయిర్‌టెల్ పేమెంట్స్ బ్యాంకు అందిస్తోంది.

Also Read : 7 నెలల కనిష్టానికి గోల్డ్ ఫ్యూచర్స్.. హైదరాబాద్‌లో తులం బంగారమెంత?

• Read latest Business News and Telugu News

20కి పైగా రంగాల గురించి సమగ్రమైన సమాచారం తెలుసుకునేందుకు, ఎక్స్‌క్లూజివ్ ఎకనమిక్ టైమ్స్ కథనాల కోసం ఎకనమిక్ టైమ్స్ ప్రైమ్‌ను సబ్‌స్క్రయిబ్ చేసుకోగలరు.