సర్‌ప్రైజింగ్ ఆఫర్‌తో ముందుకొస్తున్న ఎయిర్‌టెల్!

టెలికాం ఆపరేటర్‌ భారతీ ఎయిర్‌ టెల్‌ సర్‌ప్రైజింగ్‌ ప్రమోషనల్ ఆఫర్‌తో ముందుకొస్తోంది. పోస్ట్‌ పెయిడ్‌ ఖాతాదారులకు ఉచిత డేటా సేవలు అందించనుంది. ఇది మార్చి 13 నుంచి అందుబాటులోకి రానుంది. దీనికి సంబంధించి ఎయిర్‌టెల్‌ యూజర్లకు త్వరలో ఇ-మెయిల్‌ ద్వారా పూర్తి సమాచారాన్ని అందించనున్నారు.

మై ఎయిర్‌టెల్‌ యాప్‌ ద్వారా ఈ వివరాలను తెలుసుకోవచ్చు. దేశంలో అత్యంత వేగంగా మొబైల్ నెట్‌ వర్క్‌నుంచి ఈ సేవలను పొందొచ్చని ఎయిర్‌ టెల్‌ ఖాతాదారులు ఇప్పటికే ఇ-మెయిల్‌ పంపించినట్లు తెలుస్తోంది. ఈ ఆఫర్‌ ద్వారా ఏ మేరకు డేటా సేవలను అందించనుందనే విషయంలో క్లారిటీ లేదు.

అన్‌ లిమిడెట్‌ కాలింగ్‌, అన్‌ లిమిటెడ్‌ డేటా అంటూ దూసుకొచ్చిన రిలయన్స్‌ జియో ఏప్రిల్ 1 నుంచి చార్జ్ వసూలు చేయనున్నట్లు ప్రకటించిన విషయం తెలిసిందే. జియో 4జీ సేవలు వాణిజ్య రూపాన్ని సంతరించుకుంటుండగా.. ఎయిర్‌ టెల్‌ కొత్త ఆఫర్లతో దూకుడు పెంచినట్లు కనిపిస్తోంది. ఇప్పటికే ఇది రూ.345 రీఛార్జ్ ప్యాక్‌‌పై రోజూ 1 జీబీ డేటా అందిస్తోంది.