మరింత ఆకర్షణీయంగా ఎయిర్‌టెల్ రూ.149 ప్లాన్

దేశంలో ప్రస్తుతం టెలీకాం కంపెనీల మధ్య తీవ్రమైన పోటీ నెలకొంది. వినియోగదారులను ఆకర్షించడానికి, వారికున్న కస్టమర్లను కోల్పోకుండా ఉండటానికి ఆయా కంపెనీలు కొత్త కొత్త ప్లాన్లను తీసుకొస్తున్నాయి. అలాగే ప్రస్తుతం అందిస్తోన్న ప్లాన్లలోనూ మార్పు చేస్తున్నాయి. ఇటీవలే, రిలయన్స్ జియో హ్యాపీ న్యూ ఇయర్ 2018 ఆఫర్‌ పేరుతో ఇప్పటికే ఉన్న ప్లాన్లలోనే మార్పలు చేసింది. ఈ కోవలోనే తాజాగా దిగ్గజ టెలీకాం కంపెనీ ఎయిర్‌టెల్ తన ప్రీపెయిడ్ యూజర్ల కోసం రూ.149 ప్లాన్‌ను మార్చింది.

మార్చిన ప్లాన్ ప్రకారం, రూ.149 రీచార్జ్‌పై అపరిమిత లోకల్, ఎస్టీడీ కాల్స్.. రోజుకు 100 ఎస్ఎంఎస్‌లు, 1జీబీ డాటాను ఎయిర్‌టెల్ అందిస్తోంది. కాలపరిమితి 28 రోజులుగా నిర్ణయించింది. గతంలో ఈ ప్లాన్ కింద ఎయిర్‌టెల్ నుంచి ఎయిర్‌టెల్‌కు మాత్రమే అపరిమిత కాలింగ్‌ను కంపెనీ అందించింది. కానీ ఆ పరిమితిని కాలింగ్‌ను ఇప్పుడు ఇతర నెట్‌వర్క్‌కు కూడా ఇస్తున్నారు.

మరోవైపు, రిలయన్స్ జియో సైతం రూ.149 ప్లాన్ కింద అపరిమిత లోకల్, ఎస్టీడీ కాలింగ్.. రోజుకి 1జీబీ డాటాను అందజేస్తోంది. దీని కాలపరిమితి కూడా 28 రోజులే. ఎయిర్‌టెల్, జియో రెండూ 28 రోజుల కాలపరిమితితో రూ.149కే ప్లాన్ అందిస్తున్నప్పటికీ రెండిటికీ కాస్త వ్యత్యాసం ఉంది. ఎయిర్‌టెల్ 28 రోజులకు కలిపి 1జీబీ డాటా ఇస్తుండగా.. రిలయన్స్ జియో రోజుకి 1జీబీ డాటా చొప్పున ఇస్తోంది.