ఆంధ్రా బ్యాంక్‌లో Personal Loan తీసుకోవాలంటే ఏ ఏ అర్హతలు ఉండాలి? పూర్తి వివరాలు!

డబ్బుతో అవసరం పడిందా? అందుకోసం లోన్ తీసుకోవాలని ప్లాన్ చేస్తున్నారా? అయితే మీకు చాలా ఆప్షన్లు అందుబాటులో ఉన్నాయి. బ్యాంకులన్నీ దాదాపుగా పర్సనల్ లోన్స్ అందిస్తున్నాయి. మీకు నచ్చిన బ్యాంకుకు వెళ్లి పర్సనల్ లోన్ కోసం అప్లై చేసుకోవచ్చు. ప్రభుత్వ రంగ ఆంధ్రా బ్యాంక్‌ కూడా పర్సనల్ లోన్స్ అందిస్తోంది. మీరు ఈ బ్యాంక్‌కు వెళ్లి కూడా లోన్ కోసం దరఖాస్తు చేసుకోవచ్చు.

డబ్బుతో అవసరం పడిందా? అందుకోసం లోన్ తీసుకోవాలని ప్లాన్ చేస్తున్నారా? అయితే మీకు చాలా ఆప్షన్లు అందుబాటులో ఉన్నాయి. బ్యాంకులన్నీ దాదాపుగా పర్సనల్ లోన్స్ అందిస్తున్నాయి. మీకు నచ్చిన బ్యాంకుకు వెళ్లి పర్సనల్ లోన్ కోసం అప్లై చేసుకోవచ్చు. ప్రభుత్వ రంగ ఆంధ్రా బ్యాంక్‌ కూడా పర్సనల్ లోన్స్ అందిస్తోంది. మీరు ఈ బ్యాంక్‌కు వెళ్లి కూడా లోన్ కోసం దరఖాస్తు చేసుకోవచ్చు.

Samayam Telugu

అర్హతలు ఇవే

పర్సనల్ లోన్ తీసుకోవాలని కొన్ని అర్హతులు ఉండాలి. ఆంధ్రా బ్యాంక్ కూడా కొన్ని రూల్స్‌ను ఫాలో అవుతోంది. మీరు అర్హత కలిగి ఉంటే సులభంగానే లోన్ పొందొచ్చు. తిరిగి చెల్లించే సామర్థ్యం ఉన్న వారు ఎవరైనాసరే ఆంధ్రా బ్యాంక్ నుంచి లోన్ తీసుకోవచ్చు. ఉద్యోగులు, బ్యాంక్ నుంచి పెన్షన్ తీసుకుంటున్న వారు, స్వయం ఉపాధి పొందుతున్న వ్యక్తులు పర్సనల్ లోన్ కోసం అప్లై చేసుకోవచ్చు.


Also Read: SBI హెచ్చరిక.. వెంటనే ఈ పని చేయండి.. లేదంటే మీ అకౌంట్ క్లోజ్!

వడ్డీ రేటు ఇలా

ఆంధ్రా బ్యాంక్‌లో పర్సనల్ లోన్స్‌పై వడ్డీ రేటు మీరు ఎంచుకునే లోన్ టెన్యూర్ ప్రాతిపదికన మారుతాయి. అంటే మీరు 36 నెలలకు లోపు తీసుకున్న రుణాన్ని తిరిగి చెల్లించాలని భావిస్తే.. అప్పుడు మీ వడ్డీ రేటు ఆర్ఎల్ఎల్ఆర్‌కు 4.4 శాతం ఎక్కువగా ఉంటుంది. అదే మీరు 36 నెలల నుంచి 60 నెలలలోపు లోన్ టెన్యూర్ ఎంచుకుంటే అప్పుడు వడ్డీ రేటు ఆర్ఎల్ఎల్ఆర్‌కు 5.65 శాతం ఎక్కువగా ఉంటుంది.


Also Read: షాక్.. ఇక రూ.2,000 నోట్లు బంద్.. ఆ బ్యాంక్ ATMలలో తీసుకోవడం కుదరదు!

ఎంత రుణం తీసుకోవచ్చు?

పర్సనల్ లోన్ రుణ మొత్తం మీ ఆదాయం ప్రాతిపదికన మారుతుంది. ఆంధ్రా బ్యాంక్ నుంచి గరిష్టంగా మీ 10 నెలల స్థూల వేతనానికి సమానమైన మొత్తాన్ని లోన్ కింద తీసుకోవచ్చు. అదే మీరు స్వయం ఉపాధి పొందుతున్న వారు అయితే మీ స్థూల వార్షిక ఆదాయంలో 40 శాతం వరకు లోన్ వస్తుంది. అదే మీరు పెన్షనర్లు అయితే 4 నెలల పెన్షన్ మొత్తానికి సమానమైన డబ్బును లోన్ కింద పొందొచ్చు.


Also Read: EPFO శుభవార్త.. ఉద్యోగులకు ఇక కరెక్ట్‌ టైమ్‌కే PF, పెన్షన్!

60 నెలల్లో కట్టేయాలి

ఆంధ్రా బ్యాంక్ నుంచి తీసుకున్న రుణాన్ని 60 నెలలలోగా తిరిగి చెల్లించాల్సి ఉంటుంది. ఇద్దరు కలిసి కూడా పర్సనల్ లోన్ కోసం దరఖాస్తు చేసుకోవచ్చు. ఇకపోతే ఎల్‌ఐసీ పాలసీ, షేర్లు, ఎన్‌ఎస్‌సీ సర్టిఫికెట్ వంటి వాటిని తనఖా పెట్టి కూడా లోన్ పొందొచ్చు.


Also Read: చికెన్ షాప్‌తో నెలకు రూ.50,000 సంపాదన.. పూర్తి వివరాలు!

ఏ ఏ డాక్యుమెంట్లు అవసరం

ఆంధ్రా బ్యాంక్ పర్సనల్ లోన్ తీసుకోవాలంటే పలు డాక్యుమెంట్లు అవసరం అవుతాయి. శాలరీ స్లిప్, ఐటీ రిటర్న్స్, అసెస్‌మెంట్ ఆర్డర్, ప్రాపర్టీ స్టేట్‌మెంట్ వంటి డాక్యుమెంట్లు కావాలి. స్వయం ఉపాధి పొందుతున్న వారికి లేటెస్ట్ ఇన్‌కమ్ ట్యాక్స్ అసెస్‌మెంట్ ఆర్డర్, ప్రాపర్టీ స్టేట్‌మెంట్ కావాలి.