స్మార్ట్‌ఫోన్లపై ఆన్‌లైన్‌లో అదిరిపోయే ఆఫర్లు

ఆన్‌లైన్‌లో స్మార్ట్‌ఫోన్‌లు కొనాలనుకుంటున్నవారికి ఇదే మంచి తరుణం. అవునండి ఆన్‌లైన్ పేమెంట్స్, ఈ-కామర్స్ వెబ్‌సైట్ ‘పేటీఎం’ స్మార్ట్‌ఫోన్లపై క్యాష్‌బ్యాక్‌ల వర్షం కురిపిస్తోంది. ప్రీమియం స్మార్ట్‌ఫోన్లు అయిన ఆపిల్ ఐఫోన్ 7, ఐఫోన్ 6ఎస్, ఎల్జీ జీ5, సామ్‌సంగ్ గెలాక్సీ ఎస్7 ఎడ్జ్‌లపై భారీ క్యాష్‌బ్యాక్ ఆఫర్లు అందిస్తోంది.

నవంబర్ 22 నుంచి ప్రారంభమైన ‘బిగ్ క్యాష్‌బ్యాక్ సేల్’లో భాగంగా పేటీఎం ఈ ఆఫర్లను అందిస్తోంది. ఈ ఆఫర్ నవంబర్ 24 వరకు కొనసాగుతుంది. సుమారు రూ. 52వేల విలువగల 32జీబీ ఐఫోన్ 7 ఫోన్‌పై రూ. 8వేల క్యాష్‌బ్యాక్‌ను అందిస్తోంది. అలాగే 128జీబీ వేరియంట్‌పై రూ. 9వేలు, 256జీబీ ఫోన్‌పై రూ. 10వేలు క్యాష్‌బ్యాక్ వస్తోంది. ఆపిల్ ఐఫోన్ 6ఎస్‌పై కూడా రూ. 7వేల క్యాష్‌బ్యాక్ ఆఫర్ ఉంది.

సామ్‌సంగ్ ప్రీమియం స్మార్ట్‌ఫోన్ గెలాక్సీ ఎస్7 ఎడ్జ్‌పై పేటీఎం 15 శాతం క్యాష్‌బ్యాక్‌ను అందిస్తోంది. దీని ధర రూ. 50,900. అలాగే ఎల్జీ జీ5, హెచ్‌టీసీ10, మోటో జీ టర్బో, సామ్‌సంగ్ గెలాక్సీ ఏ3, ఒప్పో ఎఫ్1ఎస్, లెనొవొ కె3 నోట్, మైక్రోమాక్స్ కాన్వాస్ మెగా, జియోని ఎం5 లైట్, సోనీ ఎక్స్‌పీరియా ఎక్స్‌ఏ, సామ్‌సంగ్ గెలాక్సీ ఏ7 స్మార్ట్‌ఫోన్‌లపై కూడా క్యాష్‌బ్యాక్ ఆఫర్లు ఉన్నాయి.