యువతకు రూ.25 లక్షలు ఇస్తానంటోన్న యాక్సిస్ బ్యాంక్

మీరు 18-30 ఏళ్ల మధ్య వయస్కులా? ఏదైనా స్టార్టప్ పెట్టి సొంతగా బిజినెస్ చేసే ఆలోచనలో ఉన్నారా? అయితే రూ.25 లక్షలు గెలుచుకునే అవకాశాన్ని యాక్సిక్ బ్యాంక్ మీకు కల్పిస్తోంది. ఇందు కోసం చేయాల్సిందల్లా 750 పదాలతో మీ ఐడియాలను ఆ సంస్థతో పంచుకోవడమే. అవును..‘ఫ్యూచర్ జాబ్స్ ఇన్ ఇండియా’ పేరిట యాక్సిస్ బ్యాంక్ క్రౌడ్ సోర్సింగ్ కాంపిటీషన్‌ను ప్రారంభించింది. ఇందులో ఇద్దరు కలిసి ఓ జట్టుగా ఏర్పడి తమకు నచ్చిన రంగంలోని అవరోధాలను లేదా అవకాశాలను వివరించాలి. ఇందు కోసం https://www.axismoves.co.in/users/sign_up వెబ్‌సైట్లో రిజిస్టరయి.. తమ 750 పదాలకు మించని వివరణను సబ్‌మిట్ చేయాలి.

దేశవ్యాప్తంగా ఇలా ఐడియాలను పంపిన వారి జాబితా నుంచి 180 టీంలను వారి బిజినెస్ ప్లాన్ చెప్పడానికి ఆహ్వానిస్తారు. తిరిగి అందులో నుంచి 15 టీంలతో గ్రాండ్ ఫైనల్ నిర్వహిస్తారు. గెలుపొంందిన టీంలకు రూ.25 లక్షలు, రూ.15 లక్షలు, రూ. 10 లక్షల చొప్పున బహుమతులను అందజేస్తారు. అంతేకాకుండా రూ. 5 లక్షలను సీడ్ ఫండింగ్‌గా మీ స్టార్టప్‌లో పెట్టుబడి పెడతారు. ఇంకెందుకు ఆలస్యం మీ ఐడియాలను యాక్సిస్ బ్యాంకుతో పంచుకోండి. ప్రైజ్ మనీతోపాటు పెట్టుబడి కూడా పట్టేయండి.