దేశంలోనే అత్యంత ఖరీదైన Pent House.. విలువ వందల కోట్లు.. వార్నీ ఇంత డిమాండ్ దేనికి?

Bajaj Auto: దిగ్గజ వ్యాపారవేత్త, Bajaj Auto ఛైర్మన్ నీరజ్ బజాజ్, ముంబయి మలబార్ హిల్ (Malabar Hill) ప్రాంతంలో ట్రిప్లెక్స్ (మూడంతస్తులు) ఇల్లు కొనుగోలు చేసినట్లు ఆంగ్ల పత్రికలు వెల్లడించాయి. ఇక దీని విలువ రూ.252.5 కోట్లు కావడం గమనార్హం. ఇది సీ సైడ్ ఇల్లు కావడం వల్ల అంత డిమాండ్ ఉన్నట్లు తెలిసింది. ఇక మొత్తం 18,008 చదరపు అడుగుల విస్తీర్ణం మేర ఇది విస్తరించి ఉంది. ఈ ట్రిప్లెక్స్ ఇంటిని లోధా గ్రూప్ (మ్యాక్రోటెక్ డెవలపర్స్) నుంచి కొనుగోలు చేశారు బజాజ్. ఇక భారతదేశంలోనే రెసిడెన్షియల్ ప్రాపర్టీస్ డీల్స్‌లో అతిపెద్ద వాటిల్లో ఇది ఒకటని చెబుతున్నారు. మొత్తం 31 అంతస్తులుగా నిర్మిస్తున్న లోధా మలబార్ ప్యాలెసెస్‌లో .. 29,30,31 అంతస్తుల్లో అంటే పెంట్ హౌస్‌ను నీరజ్ బజాజ్ (Niraj Bajaj) బుక్ చేసుకున్నట్లు తెలిసింది. ఇక ఈ మూడంతస్తుల ఇల్లులో 8 కార్లను పార్కింగ్ చేసుకునేందుకు వీలుంటుంది.

ఈ అత్యంత ఖరీదైన భవనానికి స్టాంప్ డ్యూటీగానే రూ.15.15 కోట్లు చెల్లించినట్లు సమాచారం. 2026 జూన్ నాటికి మొత్తం నిర్మాణం పూర్తవుతుందని నిర్వాహకులు చెబుతున్నారు. ఇందులో ప్రైవేట్ రూఫ్‌టాప్ టెర్రస్, స్విమ్మింగ్ పూల్ కూడా అందుబాటులో ఉంటుందంట.

గత నెలలో వెల్‌స్పన్ గ్రూప్ ఛైర్మన్ (Welspun Group) బీకే గోయెంకా రూ.230 కోట్లతో పెంట్ హౌస్ కొనుగోలు చేసిన విషయం తెలిసిందే. ఇక డీమార్ట్ అధినేత రాధాకృష్ణ దమానీ సన్నిహితులు కూడా రూ.1238 కోట్ల విలువైన 28 ఇళ్లను కొనుగోలు చేశారు. ఇక రూ.10 కోట్లకు మించిన మూలధన లాభాలను పెట్టుబడిగా పెట్టినట్లయితే ఏప్రిల్ 1 నుంచి పన్ను విధించనుంది ప్రభుత్వం. ప్రస్తుతం ఈ పరిమితి లేనందునే ఇలా విలాసవంత ఇళ్ల కొనుగోళ్లు పెరుగుతున్నట్లు తెలుస్తోంది.

DLF రికార్డు స్థాయిలో Flats అమ్మకాలు.. కట్టకముందే మూడే మూడు రోజుల్లో రూ.8 వేల కోట్ల సేల్స్.. ఒక్కో ఫ్లాట్ ధర తెలిస్తే.. Hyderabad చుట్టుపక్కల Plots ఏమైనా కొంటున్నారా? ఇలాంటి మోసాలు చేస్తున్నారు జాగ్రత్త..

• Read Latest Business News and Telugu News