Home Loan: బ్యాడ్‌న్యూస్.. వడ్డీ రేట్లు పెరిగాయ్.. RBI బాటలోనే దిగ్గజ బ్యాంక్ కీలక ప్రకటన!

Home Loan: హోం లోన్ వడ్డీ రేట్లను సవరించింది బ్యాంక్ ఆఫ్ బరోడా. బరోడా రెపో లింక్డ్ లెండింగ్ రేటుతో (BRLLR) లింక్ అయి ఉన్న అన్ని హోం లోన్లపై వడ్డీ రేట్లను పెంచేసింది. భారతీయ రిజర్వ్ బ్యాంక్ ఫిబ్రవరి 8న రెపో రేటును పెంచింది. ఈసారి 25 బేసిస్ పాయింట్ల మేర రెపో రేటును పెంచగా.. మొత్త రెపో రేటు 6.50 శాతానికి చేరింది. RBI వడ్డీ రేట్లను పెంచిన 24 గంటలు ముగియక ముందే ఇప్పుడు బ్యాంక్ ఆఫ్ బరోడా తన కస్టమర్లకు షాక్ ఇచ్చింది. పెంచిన హోం లోన్ వడ్డీ రేట్లు 2023, ఫిబ్రవరి 9 నుంచి అమల్లోకి వస్తున్నట్లు ఒక ప్రకటనలో స్పష్టం చేసింది.

రిజర్వ్ బ్యాంక్ ఆఫ్ ఇండియా నిబంధనలకు అనుగుణంగా.. ఎక్స్‌టర్నల్ బెంచ్‌మార్క్ బేస్డ్ లెండింగ్‌కు సంబంధించి.. బ్యాంక్ ఆఫ్ బరోడా .. బరోడా రెపో లింక్డ్ లెండింగ్ రేటును (BRLLR) 2019, అక్టోబర్ 1 నుంచి అమలు చేస్తోంది. హోం లోన్లు ప్రస్తుతం ఎలా ఉన్నాయో తెలుసుకునేందుకు దగ్గర్లోని బ్యాంక్ బ్రాంచ్‌లను సంప్రదించొచ్చని స్పష్టం చేసింది.

Adani Power: ఏకంగా 96 శాతం పడిపోయిన అదానీ కంపెనీ లాభం.. మరీ రూ.9 కోట్లేనా?
2023, జనవరి 12 నుంచి బ్యాంక్ ఆఫ్ బరోడా బేస్ రేటు వార్షిక ప్రాతిపదికన 9.15 శాతం, బ్యాంక్ ఆఫ్ బరోడా BPLR 13.45 శాతంగా ఉంది. లోన్లపై బ్యాంక్ ఆఫ్ బరోడా MCLR రేట్లను చివరిసారిగా 2022, జనవరి 12న సవరించింది. ఇక ఇప్పటి సవరణలతో MCLR రేటు 7.50 శాతం నుంచి 7.85 శాతానికి చేరింది. ఇది ఒక నెల వ్యవధి ఉన్న వాటికి 7.95 శాతం నుంచి 8.15 శాతానికి పెరిగింది. ఇక 3 నెలల MCLR రేటు 8.05 శాతం నుంచి 8.25 శాతానికి చేరింది.

పెరుగుతున్న ద్రవ్యోల్బణాన్ని కట్టడి చేసేందుకు కేంద్ర బ్యాంకులు వడ్డీ రేట్లను పెంచుతుంటాయి. గతేడాది మే నుంచి భారతీయ రిజర్వ్ బ్యాంక్ ఏకంగా రెపో రేటును 2.50 శాతం మేర అంటే 250 బేసిస్ పాయింట్లు పెంచింది. దీంతో 4 శాతం రెపో రేటు నుంచి ప్రస్తుతం 6.50 శాతానికి చేరింది.


బ్యాంకులకు ముందుగానే అప్పులు చెల్లించనున్న అదానీ.. ఈసారి పెద్ద ప్లాన్‌తో!

Read Latest Business News and Telugu News