Bank Personal Loan Interest Rates Compared: Sbi Vs Hdfc Bank Vs Yes Bank
పర్సనల్ లోన్ ఏ బ్యాంక్లో తీసుకుంటే బెస్ట్? ఇందులో రూ.లక్షకు రూ.2,100 ఈఎంఐ!
డబ్బు అవసరం అయ్యిందా? లోన్ తీసుకోవాలని ప్లాన్ చేస్తున్నారా? అయితే మీకు బ్యాంకులు, ఎన్బీఎఫ్సీలు, ఇతర ఆన్లైన్ డిజిటల్ లెండింగ్ ప్లాట్ఫామ్స్ పర్సనల్ లోన్స్ అందిస్తున్నాయి. పర్సనల్ లోన్స్పై వడ్డీ రేట్లు ఎక్కువగానే ఉంటాయి.
Samayam Telugu4 Feb 2020, 1:49 pm
డబ్బు అవసరం అయ్యిందా? లోన్ తీసుకోవాలని ప్లాన్ చేస్తున్నారా? అయితే మీకు బ్యాంకులు, ఎన్బీఎఫ్సీలు, ఇతర ఆన్లైన్ డిజిటల్ లెండింగ్ ప్లాట్ఫామ్స్ పర్సనల్ లోన్స్ అందిస్తున్నాయి. పర్సనల్ లోన్స్పై వడ్డీ రేట్లు ఎక్కువగానే ఉంటాయి.
ఎక్కువ వడ్డీ
పర్సనల్ లోన్స్ అన్సెక్యూర్డ్ రుణాలు. అందుకే వడ్డీ రేట్లు ఎక్కువగా ఉంటాయి. బ్యాంకులు ఎలాంటి తనఖా లేకుండానే పర్సనల్ లోన్ అందిస్తాయి. అందుకే వడ్డీ రేటును కాస్తా ఎక్కువగా వసూలు చేస్తాయి. హోమ్ లోన్ కన్నా పర్సనల్ లోన్ వడ్డీ రేట్లు ఎక్కువగానే ఉంటాయి.
పర్సనల్ లోన్లో రుణ మొత్తం, వడ్డీ రేట్లు అనేవి పలు అంశాల ప్రాతిపదికన నిర్ణయమౌతాయి. మీకు వచ్చే ఆదాయం, క్రెడిట్ స్కోర్, రీపేమెంట్ కెపాసిటి వంటి అంశాలు మీ వడ్డీ రేట్లను, రుణ మొత్తాన్ని ప్రభావితం చేస్తాయి.
బ్యాంకులు తన కస్టమర్లకు ఇన్స్టంట్ పర్సనల్ లోన్స్ కూడ అందిస్తు్న్నాయి. ఇవి బ్యాంక్ కస్టమర్లకు సంబంధించిన ఫైనాన్షియల్ డేటాను ముందుగానే బేరీజు వేసుకొని ప్రిఅప్రూవ్డ్ రుణాలు అందిస్తాయి. వీటిని వెంటనే పొందొచ్చు. క్షణాల్లో డబ్బు మీ అకౌంట్కు వచ్చేస్తుంది.
పర్సనల్ లోన్ తీసుకోవడానికి ముందు ఏ బ్యాంక్లో ఎంత వడ్డీ ఉందో ఒకసారి చూడాలి. తక్కువ వడ్డీ ఆఫర్ చేసే బ్యాంకులో లోన్ తీసుకోవడం మంచిది. దీంతో వడ్డీ భారం నుంచి కొంత ఉపశమనం పొందొచ్చు.
కేవలం వడ్డీ రేట్లను మాత్రమే కాకుండా లోన్ తీసుకునే ముందు పలు ఇతర అంశాలను కూడా గమనించాలి. బ్యాంక్ పర్సనల్ లోన్పై ఎంత ప్రాసెసింగ్ ఫీజు వసూలు చేస్తోంది? ఫోర్ క్లోజర్ చార్జీలు, ఇతర హైడిన్ చార్జీల గురించి కూడా తెలుసుకోవాలి.
పర్సనల్ లోన్ వడ్డీ రేట్లను గమనిస్తే.. ఐడీబీఐ బ్యాంక్లో లోన్పై వడ్డీ రేటు 9.65 శాతం నుంచి ప్రారంభమౌతోంది. దీని తర్వాతి స్థానంలో యూనియన్ బ్యాంక్ ఆఫ్ ఇండియా ఉంది. ఇందులో వడ్డీ రేటు 10.10 నుంచి ప్రారంభమౌతోంది. ఇక వీటి తర్వాత ఓరియంటల్ బ్యాంక్ ఆఫ్ కామర్స్లో పర్సనల్ లోన్పై వడ్డీ రేటు 10.30 నుంచి స్టార్ట్ అవుతోంది.
దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియాలో (ఎస్బీఐ)లో పర్సనల్ లోన్పై వడ్డీ రేటు 10.5 శాతం నుంచి ప్రారంభమౌతోంది. రుణ మొత్తంలో 1 శాతం వరకు ప్రాసెసింగ్ ఫీజు ఉంటుంది. దీనికి ఇతర పన్నులు అదనం.
ప్రైవేట్ రంగ దిగ్గజ బ్యాంక్ అయిన హెచ్డీఎఫ్సీ బ్యాంక్లో పర్సనల్ లోన్పై వడ్డీ రేట్లు 10.75 శాతం నుంచి ప్రారంభమౌతోంది. రుణ మొత్తంలో 2.5 శాతం వరకు ప్రాసెసింగ్ ఫీజు పడుతుంది.
మీరు స్టేట్ బ్యాంక్కు వెళ్లి పర్సనల్ లోన్ తీసుకుంటే.. రూ.లక్షకు రూ.2,149 నుంచి ఈఎంఐ పడుతుంది. ఐదేళ్ల కాల పరిమితిలోని రుణాలకు ఇది వర్తిస్తుంది. అదే హెచ్డీఎఫ్సీ బ్యాక్లో అయితే ఈఎంఐ రూ.2,162 నుంచి ప్రారంభమౌతుంది.
ఇకపోతే సిండికేట్ బ్యాంక్, సెంట్రల్ బ్యాంక్ ఆఫ్ ఇండియా, ఇండియన్ ఓవర్సీస్ బ్యాంక్ వంటి వాటిల్లో పర్సనల్ లోన్పై వడ్డీ రేట్లు 11 శాతం నుంచి ప్రారంభమౌతున్నాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.