Bank Unions Call For Strike On Budget Day, Four Other Days
Bank ఉద్యోగుల సమ్మె హెచ్చరిక.. ఈ 5 రోజులు బ్యాంకులు క్లోజ్!
బ్యాంక్లో అకౌంట్ ఉందా? అయితే మీరు ఈ విషయం తెలుసుకోవాలి. బ్యాంక్ యూనియన్లు మళ్లీ సమ్మె బాట పడుతున్నాయి. దీంతో బ్యాంకులు ఆయా దినాల్లో పనిచేయకపోవచ్చు. వేతన సవరణ అంశానికి సంబంధించి ఇండియన్ బ్యాంక్స్ అసోసియేషన్ (ఐబీఏ)తో జరిపిన చర్చలు విఫలం కావడంతో యునైటెడ్ ఫోరమ్ ఆఫ్ బ్యాంక్ యూనియన్స్ (యూఎఫ్బీయూ) ఈ సమ్మె నిర్వహించబోతోంది.
Samayam Telugu16 Jan 2020, 10:40 am
బ్యాంక్లో అకౌంట్ ఉందా? అయితే మీరు ఈ విషయం తెలుసుకోవాలి. బ్యాంక్ యూనియన్లు మళ్లీ సమ్మె బాట పడుతున్నాయి. దీంతో బ్యాంకులు ఆయా దినాల్లో పనిచేయకపోవచ్చు. వేతన సవరణ అంశానికి సంబంధించి ఇండియన్ బ్యాంక్స్ అసోసియేషన్ (ఐబీఏ)తో జరిపిన చర్చలు విఫలం కావడంతో యునైటెడ్ ఫోరమ్ ఆఫ్ బ్యాంక్ యూనియన్స్ (యూఎఫ్బీయూ) ఈ సమ్మె నిర్వహించబోతోంది.
ఐదు రోజులు సమ్మె
బ్యాంక్ యూనియన్లు ఐదు రోజులు సమ్మె చేయనున్నారు. జనవరి 31, ఫిబ్రవరి 1న సమ్మె ఉంటుంది. అలాగే మార్చి 11 నుంచి 13 వరకు కూడా సమ్మె చేయనున్నారు. ఆల్ ఇండియా బ్యాంక్ ఎంప్లాయీస్ అసోసియేషన్ (ఏఐబీఈఏ) ఈ విషయాన్ని తెలియజేసింది.
కేంద్ర ప్రభుత్వం సాధారణంగా ఫిబ్రవరి 1న బడ్జెట్ ప్రవేశపెడుతుంది. ఈసారి కూడా ఫిబ్రవరి 1న కేంద్ర ప్రభుత్వం 2020 బడ్జెట్ను ఆవిష్కరించనుంది. ఈ రోజే బ్యాంక్ యూనియన్లు సమ్మెకు పిలుపునివ్వడం గమనార్హం. నిర్మలా సీతారామన్ రెండో సారి ఫిబ్రవరి 1న బడ్జెట్ ప్రవేశపెట్టబోతున్నారు.
వేతన సవరణ అంశానికి సంబంధించి జనవరి 13న ఐబీఏతో చ్చలు జరిపామని, అయితే ఐబీఏ మాత్రం కఠిన వైఖరిని అనుసరిస్తోందని ఏఐబీఈఏ జనరల్ సెక్రటరీ సీహెచ్ వెంకటచలం తెలిపారు. అందుకే సమ్మె చేపట్టాలని నిర్ణయించినట్లు పేర్కొన్నారు.
యూఎఫ్బీయూ సారథ్యంలోని 9 బ్యాంక్ యూనియన్లు రెండు విడతల్లో సమ్మె చేయనున్నారు. ముందుగా జనవరి 31, ఫిబ్రవరి 1న సమ్మె చేస్తారు. తర్వాత మళ్లీ రెండో సారి మార్చి 11 నుంచి మూడు రోజులు సమ్మెకు దిగుతారు. అటుపైన ఏప్రిల్ 1 నుంచి నిరవధక సమ్మె చేస్తారు.
కేంద్ర ప్రభుత్వం అనుసరిస్తున్న కార్మి్క చట్టాలకు వ్యతిరేకంగా సమ్మె చేస్తున్నామని వెంకటచలం తెలిపారు. మోదీ సర్కార్ విధానాల వల్ల పరిస్థితులు చాలా సీరియస్గా మారాయని పేర్కొన్నారు. అందువల్ల యూనియన్లు అన్నీ కలిసి కట్టుగా సమ్మెలో పాల్గొనాలని కోరారు.
యూఎఫ్బీయూ వేతన పెంపు కనీసం 15 శాతం ఉండాలని డిమాండ్ చేస్తోంది. అయితే ఐబీఏ మాత్రం వేతన పెంపును 12.25 శాతం వద్దనే పరిమితి విధించింది. దీంతో ఇరు వర్గాల మధ్య చర్చలు సఫలం కాలేదు. ఐబీఏ నిర్ణయం సరైందని కాదని, అంగీకరించలేమని ఐఎఫ్బీయూ పేర్కొంది.
బ్యాంక్ యూనియన్లు సమ్మెకు దిగితే.. బ్యాంకులు వరుసగా మూడు రోజులు పనిచేయవు. జనవరి 31న సమ్మె స్టార్ట్ అవుతుంది. ఈ రోజు శుక్రవారం. ఫిబ్రవరి 1న కూడా సమ్మె జరుగుతుంది. ఈ రోజు శనివారం. ఇక తర్వాతి రోజు ఆదివారం. ఈ రోజు బ్యాంకులు ఎలాగూ పనిచేయవు. దీంతో బ్యాంకులు వరుసగా 3 రోజులు పనిచేయవు. మీకు బ్యాంక్లో ఏమైనా పనులు ఉంటే దీనికి తగినట్లుగా వాటిని ప్లాన్ చేసుకోండి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.