Festive Season Discounts: భారత్‌లో పండగ సంబరం మొదలైంది. నవరాత్రుల వేడుకలు అంబరాన్నంటుతున్నాయి. ఎక్కడికక్కడ దుర్గామాత కొలువుదీరి భక్తుల మొక్కులు తీరుస్తోంది. భారత్‌లో కస్టమర్లను ఆకర్షించేందుకు ఈ-కామర్స్ సంస్థలు మంచి మంచి ఆఫర్లను ప్రకటిస్తుంటాయి. దాదాపు అన్ని వస్తువులూ డిస్కౌంట్లో అందిస్తుంటాయి. ఇదే బాటలో ఫెస్టివ్ సీజన్లో ఆఫర్లను అందించడం బ్యాంకులు కూడా ఆనవాయితీగా మార్చుకున్నాయి. ఆ ఆఫర్లు చూస్తే పండగ వేళ బ్యాంకు కస్టమర్లు కూడా మరో పండగ చేసుకుంటున్నారు. ఇంతకీ ఏం ఆఫర్లు ఇస్తున్నాయంటే..
ALSO READ: దుమ్మురేపుతున్న ఈ గోల్డ్ స్టాక్.. ఇన్వెస్ట్ చేస్తే కాసుల పంటే!
ఎస్‌బీఐ
నవరాత్రి వేడుకల వేళ.. ఎస్‌బీఐ కార్ల లోన్లు, పర్సనల్ లోన్లు, గోల్డ్ లోన్లపై ఆకర్షణీయ ఆఫర్లను ప్రకటించింది. యోనో యాప్‌లోకి వెళ్లి పూర్తి వివరాలు తెలుసుకోవచ్చని స్పష్టం చేసింది. ఈ 9 రోజులు లోన్లపై ఎలాంటి ప్రాసెసింగ్ ఫీజు ఉండదని చెప్పిన ఎస్‌బీఐ.. లోన్ల ఈఎంఐలపైనా డిస్కౌంట్లను అందిస్తోంది.
యూనియన్ బ్యాంక్ ఆఫ్ ఇండియా..
ఫెస్టివ్ సీజన్లో భాగంగా తాము కూడా కస్టమర్లకు మెరుగైన సేవలు అందించనున్నట్లు ట్వీట్ చేసింది యూనియన్ బ్యాంక్ ఆఫ్ ఇండియా. యూనియన్ హోమ్ అండ్ యూనియన్ మైల్స్ స్కీమ్‌లో భాగమైన వారికి.. ప్రాసెసింగ్ ఛార్జీలు మాఫీ చేస్తున్నట్లు పేర్కొంది.
పంజాబ్ నేషనల్ బ్యాంక్..
తాము అందించే.. హోమ్, కార్ లోన్లు సహా మైప్రాపర్టీ లోన్లపై ఎలాంటి ప్రాసెసింగ్ ఫీజు, డాక్యుమెంటేషన్ ఛార్జీలు వసూలుచేయబోమని పంజాబ్ నేషనల్ బ్యాంకు ప్రకటించింది. ఇంకా ఎంపిక చేసిన కస్టమర్లకు హోమ్ లోన్ల కోసం డిస్కౌంట్‌ను కూడా ఆఫర్ చేస్తోంది.
సెంట్రల్ బ్యాంక్ ఆఫ్ ఇండియా..
కస్టమర్లకు నవరాత్రి శుభాకాంక్షలు చెప్పిన సెంట్రల్ బ్యాంక్ ఆఫ్ ఇండియా.. తక్కువ వడ్డీకే లోన్లు ఇస్తామని ప్రకటించింది.
ఐసీఐసీఐ బ్యాంక్..
ఐసీఐసీఐ బ్యాంక్ మరో అడుగు ముందుకేసి.. ఈ-కామర్స్ ప్లాట్‌ఫామ్స్ సహా లగ్జరీ గూడ్స్‌పై డిస్కౌంట్లను ఆఫర్ చేస్తోంది. హోమ్, ఆటోమొబైల్, పర్సనల్, ట్రాక్టర్, గోల్డ్, టూ-వీలర్ లోన్లపైనా.. కేటగిరీలను బట్టి ఈ ఆఫర్లు ఇస్తున్నట్లు స్పష్టం చేసింది. ఐసీఐసీఐ బ్యాంక్ అందించే డెబిట్ లేదా క్రెడిట్ కార్డులను ఉపయోగించి.. ఈ గ్రేట్ డిస్కౌంట్స్‌ను పొందొచ్చని వివరించింది.
ఎస్‌బీఐ కార్డ్ ఫెస్టివ్ ఆఫర్..
ఫెస్టివ్ సీజన్లో భాగంగా సెప్టెంబర్ 22 నుంచి అక్టోబర్ 31 వరకు ఎన్నో ఆఫర్లు అందుబాటులో ఉన్నాయని ఎస్‌బీఐ కార్డు పేర్కొంది. 2600కుపైగా సిటీల్లో.. దాదాపు 70కిపైగా నేషనల్ ఆఫర్లు, 1550 రీజనల్ అండ్ హైపర్‌లోకల్ ఆఫర్లను తీసుకొచ్చామని.. వీటి ద్వారా కస్టమర్లు 22.5 శాతం వరకు క్యాష్ బ్యాక్ బెనిఫిట్లు పొందుతారని స్పష్టం చేసింది.
ALSO READ: శాంసంగ్, యాక్సిస్ కొత్త క్రెడిట్ కార్డు.. భారీగా క్యాష్‌బ్యాక్‌లు, ఏడాదంతా భలే లాభం..