Bank FDs: బ్యాంకుల బంపర్ ఆఫర్.. ఇందులో డబ్బులు దాచుకుంటే కస్టమర్లకు ఎక్కువ లాభం!

Bank FDs: ఈ రోజుల్లో డబ్బులు దాచుకునేందుకు, ఇన్వెస్ట్ చేసేందుకు ఎన్నో మార్గాలు అందుబాటులో ఉన్నాయి. వాటిల్లో స్టాక్ మార్కెట్లు, బ్యాంక్ ఎఫ్‌డీలు, మ్యూచువల్ ఫండ్లు, పోస్టాఫీస్ సహా ఇతర ప్రభుత్వ పథకాలు ఎన్నో ఉంటాయి. ఇక ఇందులో బ్యాంక్ ఫిక్స్‌డ్ డిపాజిట్లకు ప్రభుత్వ మద్దతు ఉంటుంది. గ్యారెంటీగా రిటర్న్స్ కూడా వస్తాయి. మెచ్యూరిటీ సమయానికి మంచి వడ్డీతో కలిపి డబ్బులు ఒకేసారి చేతికి వస్తాయి. ఒకవేళ మెచ్యూరిటీకి ముందు డబ్బులు విత్‌డ్రా చేసుకోవాలంటే కూడా బ్యాంకులు లేదా ఆర్థిక సంస్థలకు కొంత పెనాల్టీ చెల్లించడం లేదా.. కాస్త తక్కువ వడ్డీతో డబ్బులు చేతికి అందుతాయి. ఇంకొన్ని బ్యాంకులు డిపాజిట్లపై లోన్లు కూడా అందిస్తుంటాయి. అందుకే చాలా మంది ఇన్వెస్ట్ చేయాలంటే.. ఫిక్స్‌డ్ డిపాజిట్లను ఎంచుకుంటుంటారు.

ఇక ఎఫ్‌డీలపై వడ్డీ రేట్లు, కాలవ్యవధులను బట్టి, నగదు మొత్తాన్ని బట్టి మారుతుంటాయి. ఇక సాధారణ ప్రజలు, సీనియర్ సిటిజెన్లకు కూడా వేర్వేరుగా ఉంటాయి. సాధారణ ప్రజల కంటే సీనియర్ సిటిజెన్లకు 50 బేసిస్ పాయింట్ల మేర అధికంగా వడ్డీ వస్తుంది. ఇక ప్రస్తుతం రెండేళ్ల కాలవ్యవధికి సంబంధించి అత్యధిక వడ్డీ అందించే 6 బ్యాంకుల గురించి మాట్లాడుకుందాం.

DCB Bank

డీసీబీ బ్యాంక్ 7 రోజుల నుంచి పదేళ్ల వ్యవధి ఉన్న డిపాజిట్లపై 3.75 శాతం నుంచి 8 శాతం వరకు వడ్డీ ఆఫర్ చేస్తోంది. ఇక 15 నెలల నుంచి 24 నెలల వ్యవధి ఉన్న ఫిక్స్‌డ్ డిపాజిట్లపై అత్యధికంగా 8 శాతం వడ్డీ ఇస్తోంది.

EPFO: పీఎఫ్ ఖాతాదారులకు అలర్ట్.. ఆ ఛాన్స్ మరో 2 వారాలు మాత్రమే.. ఆలస్యం చేయకండి!

Bandhan Bank

బంధన్ బ్యాంక్ సాధారణ ప్రజలకు 7 రోజుల నుంచి పదేళ్ల వ్యవధి ఉన్న ఫిక్స్‌డ్ డిపాజిట్లపై కనిష్టంగా 3 శాతం నుంచి 8 శాతం వరకు వడ్డీ అందిస్తుంది. ఇక ఒక ఏడాది 7 నెలల 20 రోజుల కాలవ్యవధి ఉన్న FD లపై 8 శాతం వడ్డీ ఇస్తోంది.

IDFC First Bank

ఐడీఎఫ్‌సీ ఫస్ట్ బ్యాంక్.. 7 రోజుల నుంచి పదేళ్లలో ముగిసే ఎఫ్‌డీలపై 3.50 శాతం నుంచి 7.75 శాతం వరకు వడ్డీ అందిస్తోంది. ఇక ఇదే బ్యాంక్ 18 నెలల ఒక రోజు నుంచి మూడేళ్ల వ్యవధి ఉన్న ఎఫ్‌డీలపై 7.75 శాతం వడ్డీ ఇస్తోంది.

Indusind Bank

ఇండస్‌ఇండ్ బ్యాంక్ సాధారణ ప్రజలకు 7 రోజుల నుంచి పదేళ్ల వ్యవధి ఉన్న డిపాజిట్లపై 3.50 శాతం నుంచి 7.75 శాతం వడ్డీ ఇస్తోంది. ఇక ఏడాదిన్నర నుంచి రెండేళ్ల 9 నెలల వ్యవధి ఉన్న FD పై అత్యధికంగా 7.75 శాతం వడ్డీ ఆఫర్ చేస్తోంది.

Apple Saket: యాపిల్ సాకేత్ వచ్చేసింది.. మొన్న ముంబయి.. ఇప్పుడు దిల్లీ..

Yes Bank

ఇక యస్ బ్యాంక్ కూడా సాధారణ జనానికి 7 రోజుల నుంచి పది సంవత్సరాల కాలవ్యవధి ఉన్న డిపాజిట్లపై 3.25 శాతం నుంచి 7.50 శాతం వరకు వడ్డీ ఆఫర్ చేస్తోంది. ఇక 15 నుంచి 35 నెలల ఎఫ్‌డీపై అత్యధికంగా 7.50 శాతం వడ్డీ ఇస్తుంది

RBL Bank

ఆర్‌బీఎల్ బ్యాంక్ సాధారణ ప్రజలకు 3.50 శాతం నుంచి 7.80 శాతం వరకు వడ్డీ అందిస్తుంది. ఇది 7 రోజుల నుంచి పదేళ్ల వ్యవధి ఉన్న FD పై వర్తిస్తుంది. ఇక 453 రోజుల నుంచి 459 రోజుల వ్యవధి ఉండే డిపాజిట్లపై అత్యధికంగా 7.80 శాతం వడ్డీ అందిస్తోంది.

అక్షయ తృతీయ ఆఫర్స్.. ఐఫోన్లపై భారీ తగ్గింపు.. ఏకంగా రూ.21 వేల డిస్కౌంట్.. త్వరపడండి!

• Read Latest Business News and Telugu News