ఎయిర్‌టెల్ కీలక నిర్ణయం.. కస్టమర్ల కోసం..

దేశీ దిగ్గజ టెలికం కంపెనీల్లో ఒకటైన భారతీ ఎయిర్‌టెల్ కీలక నిర్ణయం తీసుకుంది. కరోనా వైరస్ సమయంలో కస్టమర్లకు ఊరట కలిగే ప్రకటన చేసింది. కోవిడ్ సపోర్ట్ కార్యక్రమాన్ని ప్రారంభించింది. దీంతో కరోనా కష్టకాలంలో ఎయిర్‌టెల్ కస్టమర్లకు ఊరట కలుగనుంది. ఎయిర్‌టెల్ తన ఎయిర్‌టెల్ థ్యాంక్స్ యాప్‌లో కోవిడ్ సంబంధిత సమాచారాన్న అందుబాటులో ఉంచింది. మెడిసిన్స్, ఆక్సిజన్, ప్లాస్మ డోనర్స్, అంబులెన్స్, హాస్పిటల్ బెడ్స్ (రెగ్యులర్, 02, ఐసీయూ), టెస్టింగ్ సెంటర్స్ వంటి వాటికి సంబంధించిన అప్‌డేటెడ్ సమాచారం పొందొచ్చు.

Also Read: undefined

ఎయిర్‌టెల్ కస్టమర్లు కొన్ని క్లిక్స్‌తోనే సులభంగానే కోవిడ్ 19 సర్వీస్‌ ప్రొవైడర్ల నుంచి సేవలు పొందొచ్చు. విలువైన సమయాన్ని వేస్ట్ చేసుకోకుండా ఉండొచ్చు. అంతేకాకుండా ఎయిర్‌టెల్ థ్యాంక్స్ యాప్ ద్వారా వ్యాక్సినేషన్ స్లాట్‌ను కూడా బుక్ చేసుకోవచ్చు.

ఎయిర్‌టెల్ కస్టమర్లు లేటెస్ట్ వెర్షన్ ఎయిర్‌టెల్ థ్యాంక్స్ యాప్‌ను డౌన్‌లోడ్ చేసుకోవాల్సి ఉంటుంది. కోవిడ్ సపోర్ట్ అనే బ్యానర్ కనిపిస్తుంది. దీనిపై క్లిక్ చేసి మీరు కోవిడ్ 19 సమాచారం పొందొచ్చు. అంతేకాకుండా వ్యాపార సంస్థలు ఎయిర్‌టెల్ ఐక్యూ ప్లాట్‌ఫామ్ ద్వారా ఫ్రీ కోవిడ్ హెల్ప్ లైన్ నెంబర్‌ను ఏర్పాటు చేసుకోవచ్చు.