Bank కస్టమర్లకు శుభవార్త.. మార్చి నెల ఈఎంఐ డబ్బులు వెనక్కి!

రిజర్వు బ్యాంక్ ఆఫ్ ఇండియా (ఆర్‌బీఐ) ఇప్పటికే 3 నెలల ఈఎంఐ మారటోరియం ప్రకటించింది. ఆర్‌బీఐ ఆదేశాల మేరకు బ్యాంకులు కూడా ఈ బెనిఫిట్‌కు కస్టమర్లకు అందిస్తున్నాయి. దీంతో బ్యాంకులు, ఇతర ఆర్థిక సంస్థల నుంచి లోన్ తీసుకున్న వారు మార్చి, ఏప్రిల్, మే నెలలకు ఈఎంఐ కట్టాల్సిన పని లేదు. అయితే ఇది మీ బ్యాంక్, ఇతర ఆర్థిక సంస్థలపై ఆధారపడి ఉంటుంది. బ్యాంకులు మీకు ఈ ఆప్షన్ అందిస్తే.. కట్టాల్సిన పని లేదు. లేదంటే చెల్లించాలి.

అయితే ఇక్కడ ప్రభుత్వ రంగ బ్యాంక్ మాత్రం కస్టమర్లకు లోన ఈఎంఐ మారటోరియంతోపాటు కస్టమరలకు మరో బెనిఫిట్ కూడా అందిస్తోంది. కరోనా వైరస్ కారణంగా దేశవ్యాప్తంగా లాక్ డౌన్ పరిస్థితులు నెలకొన్న నేపథ్యంలో ప్రజలు ఇబ్బందులు ఎదుర్కోకూడదనే ఉద్దేశంతో బ్యాంక్ ఆఫ్ బరోడా (BoB) మార్చి నెల ఈఎంఐ డబ్బులను రిఫండ్ చేస్తోంది.

Also Read: undefined

హోమ్ లోన్స్, ఆటో లోన్స్, ఎడ్యుకేషన్ లోన్స్, పర్సనల్ లోన్స్, క్రెడిట్ కార్డు లోన్స్ సహా ఇతర రిటైల్ రుణాలకు 3 నెలల మారటోరియం ప్రయోజనం అందిస్తున్న ఈ బ్యాంక్... అందులో భాగంగానే కస్టమర్లకు మార్చి నెల ఈఎంఐ డబ్బులను వెనక్కి చెల్లిస్తోంది. అయితే ఇది హోమ్ లోన్స్, కార్ లోన్స్‌కు మాత్రమే వర్తిస్తుంది.

Also Read: undefined

బ్యాంక్ ఆఫ్ బరోడా మేనేజింగ్ డైరెక్టర్, సీఈవో సంజీవ్ చందా మాట్లాడుతూ.. మార్చి నెలకు సంబంధించిన కొన్ని ఈఎంఐలు ఇప్పటికే కట్ అయిపోయాయని, ఆర్‌బీఐ మార్చి నెల చివరిలో ఈఎంఐ మారటోరియం ప్రకటించిందని, అందువల్ల మార్చి నెలలో కట్ అయిన ఈఎంఐ డబ్బులను కస్టమర్లకు వెనక్కి అందిస్తున్నామని వివరించారు. ఎవరైనా డబ్బులు అవసరం అనుకుంటే ఈఎంఐ డబ్బులు రిఫండ్ పొందొచ్చని పేర్కొన్నారు.

కాగా ఇకపోతే దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI) సహా చాలా బ్యాంకులు వాటి కస్టమర్లకు లోన్ ఈఎంఐ మారటోరియం సదుపాయం అందిస్తున్నాయి. హెచ్‌డీఎఫ్‌సీ బ్యాంక్, ఐసీఐసీఐ బ్యాంక్ వంటి ప్రముఖ ప్రైవేట్ బ్యాంకులు కూడా ఈ ఆప్షన్ ఆఫర్ చేస్తున్నాయి. అయితే ఇక్కడ మీరు ఈఎంఐ కట్టకపోతే వడ్డీ భారం మోయాల్సి వస్తుందనే విషయాన్ని గుర్తు పెట్టుకోవాలి.