Oxfam Report: 40 శాతం దేశ సంపద ఒక శాతం ధనవంతుల చేతుల్లోనే.. అదానీపై ఒకేసారి పన్ను విధిస్తే..?

Oxfam Report: భారత్‌లో ధనవంతులు మరింత ధనికులుగా మారుతున్నారు. పేదవాళ్లు మరింత పేదరికంలోకి జారుకుంటున్నారు. ఎప్పుడూ ఇదే జరుగుతుంటుంది. తాజాగా మరోసారి ఇది తేటతెల్లమైంది. ఈ మేరకు భారత దేశంలో ఆర్థిక అసమానతలపై ప్రముఖ రైట్స్ గ్రూప్ ఆక్స్‌ఫామ్ ఇంటర్నేషనల్ ఆసక్తికర విషయాలను వెల్లడించింది. దీని ప్రకారం.. భారత్‌లోని 100 మంది ధనవంతుల మొత్తం సంపద ఏకంగా రూ.54.12 లక్షల కోట్లకు చేరుకుంది. ఇంకా దేశంలోని మొత్తం సంపదలో 40 శాతం.. భారత్‌లోని ఒక శాతం ధనవంతుల దగ్గరే ఉందంట. ఈ మేరకు ప్రపంచ ఆర్థిక వేదిక (World Economic Forum) వార్షిక సమావేశం తొలి రోజును ఈ నివేదికను వెలువరించింది ఆక్స్‌ఫామ్. ఇక అట్టడుగున ఉన్న సగం జనాభా వద్ద దేశ సంపదలో కేవలం 3 శాతం మాత్రమే ఉందని తెలిపింది.
సర్వైవల్ ఆఫ్ ది రిచెస్ట్ (Survival of the Richest) పేరుతో భారతదేశంలో ఆర్థిక అసమానతలపై ఆక్స్‌ఫామ్ ఈ రిపోర్ట్‌ను బహిర్గతం చేసింది. ఇంకా ఆ ఆక్స్‌ఫామ్ నివేదికలో చాలా విషయాలే వెల్లడయ్యాయి. ప్రపంచ కుబేరుడు, భారత అత్యంత కుబేరుడు గౌతమ్ అదానీ సంపదపై పన్ను విధిస్తే ఏం జరుగుతుంది.. ఒకేసారి బిలియనీర్లపై పన్ను విధిస్తే ఏం జరుగుతుంది వంటి విషయాలను వెల్లడించింది. ఆ వివరాలను ఇప్పుడు చూద్దాం.

Twitter India: ఆఫీసుల్ని మూసేస్తున్న ట్విట్టర్.. అసలేం జరుగుతోంది.. అదే నిజమా?

దేశంలోని బిలియనీర్లలో మొదటి 100 మందిపై 2.5 శాతం చొప్పున పన్ను విధించడం లేదా మొదటి 10 మంది బిలియనీర్లపై 5 శాతం పన్ను విధించినా.. బడి మానేసి పిల్లలందరినీ తిరిగి స్కూళ్లలో చేర్చేందుకు అవసరమైన డబ్బు వస్తుందని ఆక్స్‌ఫామ్ రిపోర్ట్‌లో వెల్లడైంది.

రోజుకు రూ.58 పొదుపు చేస్తే.. ఇలా 8 లక్షలు చేతికి.. ఈ ప్రభుత్వ స్కీమ్ అదిరిపోయిందిగా!

ఇంకా దిగ్గజ పారిశ్రామిక వేత్త గౌతమ్ అదానీ (Gautam Adani) మొత్తం సంపదపై ఒకేసారి పన్ను విధిస్తే.. రూ.1.79 లక్షల కోట్ల నిధులు సమకూరుతాయట. ఇది భారత్‌లోని ప్రైమరీ స్కూల్స్‌లో 50 లక్షల మంది ఉపాధ్యాయుల ఏడాది వేతనాలకు సమానమట. అంటే సంవత్సరం పాటు ఈ డబ్బుతో వారికి జీతం ఇవ్వొంచంట.

ఇదే విధంగా భారత బిలియనీర్లపై ఒకేసారి 2 శాతం పన్ను విధిస్తే గనుక రూ.40,423 కోట్ల ఆదాయం వస్తుందట. ఈ డబ్బతో భారత్‌లో పౌష్టికాహార లోపంతో బాధపడుతున్న పిల్లలందరికీ రానున్న మూడేళ్ల పాటు పోషకాహారం అందించొచ్చు.

క్రెడిట్ కార్డు బిల్లు టైమ్‌కు కట్టట్లేదా? RBI కొత్త రూల్‌తో ఊరట..

ఇక లింగ అసమానతల గురించి కూడా ఆక్స్‌ఫామ్ కీలక విషయాలను వెల్లడించింది. ఒక పురుష కార్మికుడు సంపాదించే ప్రతి రూపాయికి.. మహిళా కార్మికులు ఇంకా 63 పైసలు మాత్రమే పొందుతున్నారట.

కరోనా సంక్షోభం సమయంలోనూ బిలియనీర్ల సంపద భారీగా పెరిగినట్లు.. అప్పటినుంచి 2022 నవంబర్ వరకు ఏకంగా బిలియనీర్ల సంపద 121 శాతం పెరిగిందంట. ఈ లెక్కన రోజుకు రూ.3,608 కోట్ల సంపద యాడ్ అయిందంట.

ఐటీ ఉద్యోగులకు బ్యాడ్‌న్యూస్.. టీసీఎస్ కీలక నిర్ణయం.. ఇక తప్పదు!

దేశంలో మొత్తం బిలియనీర్ల సంఖ్య 2020లో 102 కాగా.. అది 2022 నాటికి 166కు పెరిగింది. భారత్‌లోని 100 మంది ధనవంతుల మొత్తం సంపద రూ.54.12 లక్షల కోట్లను తాకింది.

ప్రపంచవ్యాప్తంగా చూస్తే మల్టీ మిలియనీర్లు, బిలియనీర్లపై 5 శాతం పన్ను విధిస్తే వచ్చే డబ్బుతో.. ఏకంగా 200 కోట్ల మందిని పేదరికం నుంచి బయటపడేయొచ్చని ఆక్స్‌ఫామ్ వివరించింది.

• Read Latest Business News and Telugu News

Also Read: డెబిట్ కార్డ్ ఛార్జీలు పెంపు.. ఈ ప్రభుత్వ బ్యాంక్ కస్టమర్లకు మరో పెద్ద దెబ్బ!

• టాటా కంపెనీ టీసీఎస్ న్యూ ఇయర్ గిఫ్ట్.. అందరిలో జోష్.. ఏం ప్రకటన చేసిందంటే?