అరుదైన రికార్డుకు చేరువలో 'మారుతి స్విఫ్ట్‌'

దేశీయ ఆటోమొబైల్‌ సంస్థ మారుతి సుజుకీ అరుదైన రికార్డుకు చేరువైంది. మారుతి సుజుకీ ప్రీమియం హ్యాచ్‌బ్యాక్‌ స్విఫ్ట్‌ మోడల్ కారు ఇందుకు కారణం. అతి తక్కువ సమయంలోనే లక్ష బుకింగ్‌ల మైలురాయిని చేరుకున్న కారుగా రికార్డు సొంతం చేసుకోనుంది. ఇప్పటికే 90వేల బుకింగ్‌లను పూర్తిచేసుకోగా.. మరికొద్ది రోజుల్లోనే ఈ ఘనత సాధించనుంది. జనవరి 18న ప్రారంభమైన మారుతి స్విఫ్ట్‌ సిరీస్‌లోని మూడో జనరేషన్‌ స్విఫ్ట్‌ బుకింగ్స్.... మార్చి 16 నాటికి 90వేల బుకింగ్‌లు వచ్చినట్లు సంస్థ తెలిపింది. మరోవారంలో లక్ష బుకింగ్‌ల మైలురాయిని చేరుకోడం ఖాయమని విశ్వాసం వ్యక్తం చేసింది. ఈ మార్కును దాటిటే అతి తక్కువ సమయంలో ఈ ఘనత సాధించిన తొలి కారుగా రికార్డు సాధించనుంది.

లక్ష కార్ల బుకింగ్స్‌కు చేరుకోవడానికి 'రెనో క్విడ్‌' ఆరు నెలల సమయం తీసుకోగా... హ్యుందాయ్‌ క్రెటా 8, మారుతి డిజైర్‌, వితారా బ్రెజా 4 నెలల్లో ఈ ఘనత సాధించాయి. కాని వలం 2 నెలల కాలంలోనే 'మారుతి స్విఫ్ట్‌' ఈ ఘనత సాధించే దిశగా సాగుతోంది. మరోవారం రోజుల్లో లక్ష్యాన్ని సాధించే అవకాశం ఉంది.